ಧಾರವಾಡ: ರಿಯಲ್ ಎಸ್ಟೇಟ್ ಉದ್ಯಮಿಯನ್ನ ಹಾಡುಹಗಲೇ ಬರ್ಭರವಾಗಿ ಹತ್ಯೆ ಮಾಡಿ ಪರಾರಿಯಾಗಿದ್ದ ನಾಲ್ವರು ಆರೋಪಿಗಳನ್ನ ಹೆಡಮುರಿಗೆ ಕಟ್ಟುವಲ್ಲಿ ಗರಗ ಠಾಣೆಯ ಇನ್ಸ್ಪೆಕ್ಟರ್ ಸಮೀರ್ ಮುಲ್ಲಾ ತಂಡ ಯಶಸ್ವಿಯಾಗಿದೆ.
ಆರೋಪಿಗಳ ಎಕ್ಸಕ್ಲೂಸಿವ್ ಪೋಟೊಗಳು ಇಲ್ಲಿವೆ ನೋಡಿ…
ಗಿರೀಶ ಮಹದೇವಪ್ಪ ಕರಡಿಗುಡ್ಡ ಎಂಬುವವರನ್ನ ಹತ್ಯೆ ಮಾಡಿ ಪರಾರಿಯಾಗಿದ್ದ ಗರಗ ಗ್ರಾಮದ ಖಂಡೋಬಾ ಪಟಧಾರಿ, ಆಕಾಶ ಮಾದಪ್ಪನವರ, ಪ್ರಜ್ವಲ ವಡ್ಡರ ಹಾಗೂ ಮಂಜುನಾಥ ಚಿಕ್ಕೋಪ್ಪ ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.
ಗಿರೀಶನ ಪತ್ನಿ ದೀಪಾ ನೀಡಿದ ದೂರು ಪಡೆದು ಆರೋಪಿಗಳ ಬೆನ್ನು ಬಿದ್ದಿದ್ದ ಗರಗ ಠಾಣೆಯ ವೃತ್ತ ನಿರೀಕ್ಷಕ ಸಮೀರ ಮುಲ್ಲಾ ಟೀಂ, 48 ಗಂಟೆಗಳಲ್ಲಿ ಆರೋಪಿಗಳನ್ನ ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.
ಧಾರವಾಡ: ತಾಲೂಕಿನ ಗರಗ ಗ್ರಾಮದ ಮನೆಯೊಂದರಲ್ಲಿ ಹಾಡುಹಗಲೇ ವ್ಯಕ್ತಿಯೋರ್ವನನ್ನ ಮನಬಂದಂತೆ ಕೊಚ್ಚಿ ಕೊಲೆ ಮಾಡಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹಲವರನ್ನ ಪೊಲೀಸರು ವಶಕ್ಕೆ ಪಡೆದಿದ್ದಾರೆಂದು ಗೊತ್ತಾಗಿದೆ.
ಗಿರೀಶ ಮಹದೇವಪ್ಪ ಕರಡಿಗುಡ್ಡ ಎಂಬ ವ್ಯಕ್ತಿಯನ್ನ ಮೊನ್ನೆ ಆತನ ಬಾಡಿಗೆ ಮನೆಯಲ್ಲಿ ಕೊಚ್ಚಿ ಕೊಲೆ ಮಾಡಲಾಗಿತ್ತು. ಪ್ರಕರಣದಲ್ಲಿದ್ದವರು ಕಡಿಮೆ ವಯಸ್ಸಿನ ಸ್ಥಳೀಯ ಗ್ರಾಮದವರೇ ಆಗಿದ್ದಾರೆ.
ಬಂಧಿತರಲ್ಲಿ ಮೂವರು ಕೇವಲ 18, 19 ವಯಸ್ಸಿನವರಾಗಿದ್ದು, ಇನ್ನೋರ್ವ 26ವಯಸ್ಸಿನವ ಎಂದು ಹೇಳಲಾಗುತ್ತಿದೆ. ಘಟನೆಗೆ ಅನೈತಿಕ ಸಂಬಂಧ ಕಾರಣ ಎಂಬ ಮಾತಿದೆ ಆದರೂ, ಅದು ಹತ್ಯೆಗೀಡಾದ ಗಿರೀಶನದ್ದಲ್ಲ ಎಂದು ಹೇಳಲಾಗುತ್ತಿದೆ.
ಗರಗ ಗ್ರಾಮದಲ್ಲಿ ಭಯಾನಕ ವಾತಾವರಣಕ್ಕೆ ಕಾರಣವಾಗಿದ್ದ ಪ್ರಕರಣವನ್ನ ಪೊಲೀಸರು ಬೇಧಿಸಿದ್ದು, ಇಲಾಖೆಯ ಕಾರ್ಯ ಕ್ಷಮತೆಯನ್ನ ತೋರಿಸುತ್ತಿದೆ.
ಧಾರವಾಡ: ತಮ್ಮ ಹೊಸ ಸಿನೇಮಾದ ಪ್ರಚಾರದ ಜೊತೆಗೆ ಮಾದಕ ವಸ್ತುಗಳಿಂದ ಆಗುವ ಹಾನಿಯ ಬಗ್ಗೆ ಜಾಗೃತಿ ಮೂಡಿಸಲು ಧಾರವಾಡದ ಜೆಎಸ್ಎಸ್ ಮಹಾವಿದ್ಯಾಲಯದ ಕ್ಯಾಂಪಸ್ಗೆ ಬಂದಿದ್ದ ಚಿತ್ರನಟ ಉಪೇಂದ್ರ, ನೆರೆದಿದ್ದ ಕಾಲೇಜು ವಿದ್ಯಾರ್ಥಿಗಳಿಗೆ ಲವ್ ಪಾಠ ಮಾಡಿದರು.
Love ಪಾಠದ ಪೂರ್ಣ ವೀಡಿಯೋ ಇಲ್ಲಿದೆ ನೋಡಿ…
ಯುಐ ಸಿನೇಮಾ ಯಾರನ್ನ ಮನದಲ್ಲಿ ಇಟ್ಟುಕೊಂಡು ಮಾಡಿರುವ ಬಗ್ಗೆಯೂ ಹೇಳಿಕೊಂಡ ಉಪೇಂದ್ರ ಅವರು, ಸಿನೇಮಾದ ಡೈಲಾಗ್ ಹೇಳಿ ರಂಜಿಸಿದರು.
ಉಪೇಂದ್ರ ಅವರ ಆಗಮನದಿಂದ ಕ್ಯಾಂಪಸ್ನಲ್ಲಿ ವಿದ್ಯಾರ್ಥಿಗಳ ಕಲರವ ಹೆಚ್ಚಾಗಿತ್ತು.
ಧಾರವಾಡ: ಉತ್ತಮ ಶಿಕ್ಷಣ ಪಡೆದರೂ, ಜೀವನ ನಡೆಸಲು ಹೆಣಗಾಟ ನಡೆಸುತ್ತಿದ್ದೀರಾ. ಹಾಗಾದರೇ, ಅತ್ಯುತ್ತಮವಾದ ಮೇಳವೊಂದನ್ನ ಧಾರವಾಡದಲ್ಲಿ ಆಯೋಜನೆ ಮಾಡಲಾಗಿದ್ದು, ಇದರ ಪ್ರಯೋಜನ ತೆಗೆದುಕೊಳ್ಳಿ.
ಧಾರವಾಡದ ಶ್ರೀ ಮೃತ್ಯುಂಜಯ ಮಹಾವಿದ್ಯಾಲಯದಲ್ಲಿ ನಾಳೆ ಬೆಳಿಗ್ಗೆಯಿಂದ ಸಂಜೆಯವರೆಗೆ ಉದ್ಯೋಗ ಮೇಳವನ್ನ ಶಾಸಕ ಅರವಿಂದ ಬೆಲ್ಲದ್ ಮಾರ್ಗದರ್ಶನದಲ್ಲಿ ಉದ್ಯೋಗ ವಿನಿಮಯ ಕೇಂದ್ರ ಹಾಗೂ ಮಂಜುನಾಥ ಹೆಬಸೂರ ಬಳಗದ ವತಿಯಿಂದ ಆಯೋಜನೆ ಮಾಡಲಾಗಿದೆ.
ವೀಡಿಯೋ…
ನೌಕರಿ ಬಯಸುವ ವಿದ್ಯಾವಂತರು ಉದ್ಯೋಗ ಮೇಳದಲ್ಲಿ ಭಾಗವಹಿಸಿ, ಪ್ರಯೋಜನ ಪಡೆದುಕೊಳ್ಳಿ.
ಧಾರವಾಡ: ಕೆಲವೇ ಕೆಲವು ರೈತರಿಗೆ ಬೆಳೆ ವಿಮೆ ಪರಿಹಾರ ಸಿಗುವಂತೆ ಮಾಡಿ ಸಾವಿರಾರೂ ರೈತರಿಗೆ ಪಂಗನಾಮ ಹಾಕಿ, ಕೋಟಿ ಕೋಟಿ ಲೂಟಿ ಹೊಡೆಯುತ್ತಿರುವವರ ಬೆನ್ನಲಬಾಗಿ ಕೆಲಸ ಮಾಡುತ್ತಿರುವುದು “ಆಯ್ದ” ಗ್ರಾಮ ಸೇವಕರು (ವಿಎ) ಎಂಬುದು ರಹಸ್ಯವಾಗಿ ಉಳಿದಿಲ್ಲ.
ಕಳೆದ ಬಾರಿಯ ಬೆಳೆ ವಿಮೆ ಪರಿಹಾರ ಪಡೆಯಲು ಸಾವಿರಾರೂ ರೈತರು ಹರಸಾಹಸ ಪಟ್ಟರೂ, ಯಾವುದೇ ಪ್ರಯೋಜನವಾಗಿಲ್ಲ. ಆದರೆ, ಷಢ್ಯಂತ್ರ ರೂಪಿಸಿರುವ ವಂಚಕರ ತಂಡ, ಹೆಸರು ಬೆಳೆ ವಿಮೆ ಪರಿಹಾರಕ್ಕಾಗಿ ಬಕ ಪಕ್ಷಗಳಂತೆ ಕಾಯುತ್ತಿದ್ದಾರೆ.
ಈಗಾಗಲೇ, ಹೆಸರು ಬೆಳೆಗೆ ವಿಮೆ ಪರಿಹಾರ ಬಂದೇ ಬರತ್ತೆ ಎಂದುಕೊಂಡಿದ್ದು, ಇದನ್ನ ಬಿಡುಗಡೆ ಮಾಡಿಸಲು ಹರಸಾಹಸ ನಡೆಯುತ್ತಿದೆ. ಈಗಾಗಲೇ, ಜಿಲ್ಲಾಧಿಕಾರಿ ನೇತೃತ್ವದಲ್ಲಿ ಸಭೆ ನಡೆದು ರಾಜಧಾನಿಗೆ ಕಳಿಸಲಾಗಿದೆ.
ಈ ನಡುವೆ ವಂಚನೆಯ ಕೇಂದ್ರ ಬಿಂದು ಕೆಲ ವಿಎಗಳು ಎಂಬುದು ತನಿಖೆಯ ವೇಳೆಯಲ್ಲಿ ಗೊತ್ತಾಗಿದೆ. ಹುಬ್ಬಳ್ಳಿ ತಾಲೂಕಿನ ಕುಂದಗೋಳ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಗೆ ಬರುವ ಓರ್ವ “ಸ್ಟೈಲಿಶ್” VA ಪ್ರಮುಖ ಪಾತ್ರಧಾರಿ ಎಂಬುದು ಗೊತ್ತಾಗಿದೆ.
ಯಾರದ್ದೋ ಹೊಲದಲ್ಲಿ ಯಾರನ್ನೋ ನಿಲ್ಲಿಸಿ ಪೋಟೊ ಅಪ್ಲೋಡ್ ಮಾಡಿರುವ ಅಂಶಗಳು ರಹಸ್ಯವಾಗಿ ಉಳಿದಿಲ್ಲ. ಈ ವಂಚನೆಯ ಸಂಪೂರ್ಣ ಮಾಹಿತಿಯನ್ನ ಕರ್ನಾಟಕವಾಯ್ಸ್.ಕಾಂ ಹೊರ ಹಾಕಿ, ಇನ್ನುಳಿದ ಸಾವಿರಾರೂ ರೈತರಿಗೆ ಅನುಕೂಲ ಮಾಡುವ ಉದ್ದೇಶ ಹೊಂದಿದೆ.
ಧಾರವಾಡ: ಹೊಸ ಮನೆಯೊಳಗೆ ಇರಬೇಕೆಂದು ಬಯಸಿದ್ದ ಮೂರು ಮಕ್ಕಳ ತಂದೆಯನ್ನ ಅಮಾನುಷವಾಗಿ ಹತ್ಯೆ ಮಾಡಿರುವ ಪ್ರಕರಣ ಧಾರವಾಡ ತಾಲೂಕಿನ ಗರಗ ಗ್ರಾಮದಲ್ಲಿ ನಡೆದಿದ್ದು, ಪೊಲೀಸರು ತನಿಖೆಯನ್ನ ತೀವ್ರಗೊಳಿಸಿದ್ದಾರೆ.
ಗಿರೀಶನ ಕುರಿತು ಮಾಹಿತಿಯ ವೀಡಿಯೋ…
ಗರಗ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಎರಡು ಸಿಸಿಟಿವಿಗಳಿದ್ದು, ಅವುಗಳ ಪರಿಶೀಲನೆ ನಡೆಯುತ್ತಿದೆ.
ಗಿರೀಶನ ಸಹೋದರ ನೀಡಿರುವ ಮಾಹಿತಿ…
ಗರಗ ಗ್ರಾಮ ಈ ಘಟನೆಯಿಂದ ತಲ್ಲಣಗೊಂಡಿದೆ. ಹಾಡುಹಗಲೇ, ಮನೆಗೆ ನುಗ್ಗಿ ಹೊಡೆದಿರುವ ಪ್ರಕರಣ ಭಯವನ್ನ ತರಿಸಿದೆ. ಆರೋಪಿಗಳನ್ನ ಹಿಡಿಯುವ ಮೂಲಕ ಪೊಲೀಸರು ಇದಕ್ಕೆ ಅಂತ್ಯ ಹಾಡಬೇಕಿದೆ.
ಧಾರವಾಡ: ನೀವು ನೌಕರಿಯನ್ನ ಹುಡುಕುತ್ತಿದ್ದೀರಾ, ನಿಮ್ಮ ಜಿಲ್ಲೆಯಲ್ಲಿಯೇ ನಿಮಗೆ ನೌಕರಿ ಬೇಕಾ. ಹಾಗಾದ್ರೇ, ಗುರುವಾರ ಧಾರವಾಡದಲ್ಲಿ ಆಯೋಜನೆ ಮಾಡಿರುವ ಉದ್ಯೋಗ ಮೇಳದಲ್ಲಿ ಭಾಗವಹಿಸಿ, ಬದುಕು ಕಟ್ಟಿಕೊಳ್ಳಿ.
ಯುವ ಮುಖಂಡ ಮಂಜುನಾಥ ಹೆಬಸೂರ ಮಾಡಿಕೊಂಡ ಮನವಿ ಇಲ್ಲಿದೆ…
ಜಿಲ್ಲಾ ಉದ್ಯೋಗ ವಿನಿಮಯ ಕೇಂದ್ರದ ಸಹಕಾರದಲ್ಲಿ ಶಾಸಕ ಅರವಿಂದ ಬೆಲ್ಲದವರ ಮಾರ್ಗದರ್ಶನದಲ್ಲಿ ಶ್ರೀ ಮೃತ್ಯುಂಜಯ ಕಲಾ ಹಾಗೂ ವಾಣಿಜ್ಯ ಮಹಾವಿದ್ಯಾಲಯ ಧಾರವಾಡದಲ್ಲಿ ಬೃಹತ್ ಉದ್ಯೋಗ ಮೇಳ ಆಯೋಜಿಸಲಾಗಿದೆ.
ಮೊದಲ ಬಾರಿಗೆ ಮಂಜುನಾಥ ಹೆಬಸೂರು ಗೆಳೆಯರ ಬಳಗದ ವತಿಯಿಂದ ನಿರುದ್ಯೋಗ ನಿವಾರಿಸುವ ಸಣ್ಣ ಪ್ರಯತ್ನ ಬೃಹತ್ ಉದ್ಯೋಗ ಮೇಳ ಆಯೋಜಿಸುವ ಮೂಲಕ ನಡೆಯುತ್ತಿದೆ.
ಡಿಸೆಂಬರ್ 5ರಂದು ಗುರುವಾರ ಬೆಳಿಗ್ಗೆ 09.00 ಗಂಟೆಯಿಂದ ಸಂಜೆ 4.00 ಗಂಟೆಯವರೆಗೆ ಸಂದರ್ಶನ ಪ್ರಕ್ರಿಯೆ ನಡೆಯಲಿದೆ.
ಈ ಉದ್ಯೋಗ ಮೇಳದಲ್ಲಿ ನಲವತ್ತಕ್ಕೂ ಹೆಚ್ಚು ಕಂಪನಿಗಳು ಭಾಗವಹಿಸಲಿವೆ. ಎರಡು ಸಾವಿರಕ್ಕೂ ಹೆಚ್ಚು ಉದ್ಯೋಗ ನೀಡುವ ಭರವಸೆಯನ್ನು ಈ ಕಂಪನಿಗಳು ನೀಡಿವೆ.
ವಿಶೇಷವಾಗಿ ಈ ಉದ್ಯೋಗ ಮೇಳದಲ್ಲಿ ವಿಕಲಚೇತನರಿಗೆ ಉದ್ಯೋಗ ನೀಡುವ ಉದ್ದೇಶದಿಂದ ಕೆಲವು ಕಂಪನಿಗಳು ಭಾಗವಹಿಸುತ್ತಿವೆ.
ಈ ಉದ್ಯೋಗ ಮೇಳದಲ್ಲಿ ಇನ್ನೊವಾಸೋರ್ಸ ಸರ್ವಿಸಸ್, ಮಾಣಿಕಬಾಗ ಆಟೋಮೊಬೈಲ್ಸ, ಯುತ್ತ ಫಾರ ಜಾಬ್ಸ, ಕಿಯಾ ಶೋರೂಂ ಬೆಳಗಾವಿ, ಬೆಲ್ಲದ ಗ್ರುಪ್ ಆಫ್ ಕಂಪನೀಸ, 555 ಮಂಕಿ ಇಂಡಸ್ಟ್ರಿಸ, ಸ್ಕಾಯಟೆಕ ಸಲ್ಯುಶನ್ಸ, ಎಕಸ ಎಕೊಸಿಸ್ಟಮ ಎಫಿಸಿಯನ್ಸಿ ಸೇರಿದಂತೆ ನಲವತ್ತಕ್ಕೂ ಹೆಚ್ಚು ಕಂಪನಿಗಳು ಭಾಗವಹಿಸುತ್ತಿವೆ.
SSLC, PUC, ANY DEGREE, ITI,DIPLOMA, BEd,MBA, MTEC, BE ಕಲಿತಿರುವ ಯುವಕರಿಗೆ ಜೊತೆಗೆ ಹೆಚ್ಚಿನ ಅನುಭವ ಇರುವಂತಹ ಯುವಕ, ಯುವತಿಯರಿಗೆ ಆದ್ಯತೆ ನೀಡಲಾಗುವುದು.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ 7353307657, 9686260451, 9535360256, 8453208555.
ಧಾರವಾಡ: ಭಾರತೀಯ ಜನತಾ ಪಕ್ಷದಿಂದ ಶಾಸಕರಾಗಿರುವ ಬಸನಗೌಡ ಪಾಟೀಲ ಯತ್ನಾಳ ಅವರನ್ನ ತಕ್ಷಣವೇ ಉಚ್ಚಾಟನೆ ಮಾಡಬೇಕು. ಇಲ್ಲದಿದ್ದರೇ, ಇವರ ಷಢ್ಯಂತ್ರಕ್ಕೆ ಬಿಜೆಪಿ ಹಾಳಾಗುತ್ತದೆ ಎಂದು ವೀರಶೈವ ಲಿಂಗಾಯತ ಸಮುದಾಯದ ಮುಖಂಡ ನಾಗನಗೌಡ ನೀರಲಗಿಪಾಟೀಲ ಎಚ್ಚರಿಸಿದ್ದಾರೆ.
ಯತ್ನಾಳ ಅವರು ಪಂಚಮಸಾಲಿ ಸಮುದಾಯದ ಹೆಸರು ಬಳಕೆ ಮಾಡಿಕೊಳ್ಳುತ್ತಿದ್ದಾರೆ ಹೊರತೂ, ಪಂಚಮಸಾಲಿ ಸಮಾಜಕ್ಕೆ ಏನು ಮಾಡಿಯೇ ಇಲ್ಲ. ಇಂತಹ ಸಮಯದಲ್ಲಿ ಇವರನ್ನ ಪಕ್ಷದಲ್ಲಿ ಇಟ್ಟುಕೊಳ್ಳುವುದು ಅವಶ್ಯಕತೆಯಿಲ್ಲ ಎಂದಿದ್ದಾರೆ.
ಈಗೀನ ಕಾಂಗ್ರೆಸ್ ಸರಕಾರ ಇಬ್ಭಾಗವಾದರೇ, ಸಿದ್ಧರಾಮಯ್ಯನವರ ಜೊತೆಗೆ ರಮೇಶ ಜಾರಕಿಹೊಳಿ ಸೇರಿಕೊಂಡು ಹೊಸ ಸರಕಾರ ರಚನೆ ಮಾಡ್ತಾರೆ. ಇದರ ಭಾಗವಾಗಿ ಯತ್ನಾಳ ಮಾತನಾಡುತ್ತಿದ್ದಾರೆಂದು ಪಾಟೀಲರು ಛೇಡಿಸಿದ್ದಾರೆ.
ಉತ್ತರಕರ್ನಾಟಕದಲ್ಲಿ ಹೊಸದೊಂದು ಪಕ್ಷ ಕಟ್ಟುವ ಹುನ್ನಾರವಾಗಿ ಯತ್ನಾಳ ಮಾತನಾಡುತ್ತಿದ್ದಾರೆ. ಈ ಹಿಂದೆ ಹೆಬ್ಬಳ್ಳಿಯಲ್ಲಿ ನಡೆದ ಪಕ್ಷದ ಕಾರ್ಯಕ್ರಮದಲ್ಲಿ ಏನು ನಡೆದಿದೆ ಎಂಬುದನ್ನ ಮಾಜಿ ಶಾಸಕ ಅಮೃತ ದೇಸಾಯಿಯವರಿಗೆ ಗೊತ್ತಿದೆ. ಎಲ್ಲೇಲ್ಲಿ ಯತ್ನಾಳ ಪ್ರಚಾರ ಮಾಡಿದ್ದಾರೋ ಅಲ್ಲೆಲ್ಲಾ ಪಕ್ಷ ಸೋತಿದೆ ಎಂದು ನೀರಲಗಿಪಾಟೀಲರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
