Category: ನಮ್ಮೂರು

ನವಲಗುಂದ: ತಾಲ್ಲೂಕಿನ ಯಮನೂರು ಗ್ರಾಮದ ನಿವಾಸಿ, ವೀರಶೈವ ಸಮಾಜದ ಹಿರಿಯರಾದ ನೀಲವ್ವ ಬಸಯ್ಯ ಹಿರೇಮಠ (78) ಬುಧವಾರ ಮಧ್ಯಾಹ್ನ ತೀವ್ರ ಹೃದಯಾಘಾತದಿಂದ ನಿಧನರಾದರು.

ಮೂವರು ಪುತ್ರರು ಹಾಗೂ ಅಪಾರ ಬಂಧು- ಬಳಗ ಅಗಲಿರುವ ಮೃತರ ಅಂತ್ಯಕ್ರಿಯೆ ಗುರುವಾರ ಬೆಳಿಗ್ಗೆ 11 ಗಂಟೆಗೆ ಗ್ರಾಮದ ರುದ್ರಭೂಮಿಯಲ್ಲಿ ನಡೆಯಲಿದೆ.

ನೀಲವ್ವ ಹಿರೇಮಠ, ಗ್ರಾಮದ ಪ್ರತಿಯೊಬ್ಬರಲ್ಲೂ ಒಳ್ಳೆಯ ಬಾಂಧವ್ಯನ್ನಿಟ್ಟುಕೊಂಡಿದ್ದರು. ಇವರನ್ನ ನೋಡಿದ ಪ್ರತಿಯೊಬ್ಬರು ಗೌರವದಿಂದ ನಡೆದುಕೊಳ್ಳುತ್ತಿದ್ದರು. ಹೀಗಾಗಿ ಹಿರಿಯ ಜೀವದ ಸಾವು ಗ್ರಾಮಸ್ಥರಲ್ಲಿ ಬೇಸರ ಮೂಡಿಸಿದೆ.

ಧಾರವಾಡ: ಜಿಲ್ಲಾಧಿಕಾರಿ ಕಚೇರಿಯ ಆಡಳಿತದ ವ್ಯಾಪ್ತಿಗೆ ಬರುವ ಇಲ್ಲಿನ ಕ್ಯಾಂಟಿನ್ ಗೆ ಬೀಗ ಹಾಕಲಾಗಿದ್ದು, ಮೂಲ ಮಾಲೀಕರು ಹಣ ಭರಿಸದೇ ಇರುವುದೇ ಇದಕ್ಕೆ ಕಾರಣವೆನ್ನಲಾಗಿದೆ.

ಹಲವು ವರ್ಷಗಳಿಂದಲೂ ಕ್ಯಾಂಟಿನ್ ನಡೆಸುತ್ತಿದ್ದ ಮೂಲ ಮಾಲೀಕರು, ಪ್ರತಿವರ್ಷ ತುಂಬಬೇಕಾದ ಬಾಬತ್ತನ್ನ ತುಂಬದೇ ಮತ್ತೋಬ್ಬರಿಗೆ ನಡೆಸಲು ಕೊಟ್ಟಿದ್ದು, ನಂತರವೂ ಹಣ ತುಂಬದೇ ಇರುವುದೇ ಬೀಗ ಜಡಿಯುವುದಕ್ಕೆ ಕಾರಣವೆನ್ನಲಾಗಿದೆ.

ಸುಮಾರು 8 ಲಕ್ಷ ರೂಪಾಯಿ ಹಣವನ್ನ ಕಚೇರಿಗೆ ತುಂಬಬೇಕಾಗಿದ್ದು, ಮೂಲ ಮಾಲೀಕರಿಗೆ ಎಷ್ಟು ಸಾರಿ ಹೇಳಿದರೂ ಪ್ರಯೋಜನವಾಗಿಲ್ಲ. ಹಾಗಾಗಿಯೇ ಇಂದು ಕ್ಯಾಂಟೀನ್ ಗೆ ಬೀಗ ಹಾಕಲಾಗಿದೆ.

ಜಿಲ್ಲಾಧಿಕಾರಿ ಅಧೀನದಲ್ಲಿರುವ ಕ್ಯಾಂಟಿನ ಹಣ 8 ಲಕ್ಷ ರೂಪಾಯಿ ಆಗುವವರೆಗೆ ಭರಣಾ ಮಾಡಿಸದೇ ಇರುವುದಕ್ಕೆ ಕಾರಣವೇನು ಎಂಬುದು ನಿಖರವಾಗಿ ತಿಳಿದು ಬಂದಿಲ್ಲವಾದರೂ, ಜಿಲ್ಲಾಧಿಕಾರಿ ಕಚೇರಿಗೆ ಬಂದವರಿಗೆ ತೊಂದರೆಯಾಗಿದ್ದಂತೂ ಸತ್ಯ.

ಬೆಂಗಳೂರು: ಕಳೆದ ಮೂರು ದಿನಗಳ ಹಿಂದೆ ಬಿಆರ್ ಟಿಎಸ್ ಸಂಸ್ಥೆಯಿಂದ ನಿರ್ಮಾಣವಾಗಿರುವ ನವಲೂರು ಬ್ರಿಡ್ಜ್ ಕಾಮಗಾರಿ ಸರಿಯಾಗಿ ಆಗದಿರುವ ಬಗ್ಗೆ ಹುಬ್ಬಳ್ಳಿ-ಧಾರವಾಡ ಪಶ್ಚಿಮ ಕ್ಷೇತ್ರದ ಶಾಸಕ ಅರವಿಂದ ಬೆಲ್ಲದ ಸಿಎಂ ಯಡಿಯೂರಪ್ಪರಿಗೆ ದೂರು ನೀಡಿದ್ದು, ಈ ಬಗ್ಗೆ ಸೂಕ್ತ ಕ್ರಮ ತೆಗೆದುಕೊಳ್ಳುವಂತೆ ಸಿಎಂ ಆದೇಶ ಮಾಡಿದ್ದಾರೆ.

ಬಿಆರ್ ಟಿಎಸ್ ಕಾಮಗಾರಿ ಅವೈಜ್ಷಾನಿಕವಾಗಿ ನಡೆಯುತ್ತಿದೆ. ಈ ಬಗ್ಗೆ ಅಧಿಕಾರಿಗಳಿಗೆ ತಿಳಿಸಿದರೂ ಯಾವುದೇ ಕ್ರಮವನ್ನ ತೆಗೆದುಕೊಂಡಿಲ್ಲ. ಹೀಗಾಗಿ ಸಿಮೆಂಟ್ ಪ್ಯಾನಲ್ ಗಳು ಕಿತ್ತು ಬಂದಿದ್ದು, ಒಳಗಡೆಯ ಮಣ್ಣು ಕುಸಿದು ಬೀಳುತ್ತಿದೆ. ಹೀಗಾಗಿ ಪ್ರಯಾಣಿಕರು ಆತಂಕದಲ್ಲಿದ್ದಾರೆಂದು ಸಿಎಂಗೆ ಶಾಸಕ ಅರವಿಂದ ಬೆಲ್ಲದ ಹೇಳಿಕೊಂಡಿದ್ದಾರೆ.

ಈ ಕಾಮಗಾರಿ ಕೈಗೊಂಡಿರುವ ಇಂಜಿನಿಯರ್ ಮತ್ತು ಗುತ್ತಿಗೆದಾರರ ಮೇಲೆ ಕ್ರಿಮಿನಲ್ ಮೊಕದ್ದಮೆ ದಾಖಲಿಸಿ, ತಪ್ಪಿತಸ್ಥರ ವಿರುದ್ಧ ಕ್ರಮ ತೆಗೆದುಕೊಳ್ಳುವಂತೆ ಶಾಸಕ ಬೆಲ್ಲದ ಸಿಎಂರನ್ನ ವಿನಂತಿಸಿಕೊಂಡಿದ್ದರು.

ಶಾಸಕ ಅರವಿಂದ ಬೆಲ್ಲದರ ಮನವಿ ಸ್ವೀಕರಿಸಿದ ಸಿಎಂ ಯಡಿಯೂರಪ್ಪ, ನಗರಾಭಿವೃದ್ಧಿ ಇಲಾಖೆಯ ಸಹ ಕಾರ್ಯದರ್ಶಿಗೆ, ಸೂಕ್ತ ಕ್ರಮ ತೆಗೆದುಕೊಂಡು ಮೂರು ತಿಂಗಳಲ್ಲಿ ವರದಿ ನೀಡುವಂತೆ ಆದೇಶ ನೀಡಿದ್ದಾರೆ.

ಧಾರವಾಡ: ಕೇಂದ್ರ ಸರಕಾರದ ರೈತ ವಿರೋಧಿ ನೀತಿಯನ್ನ ಖಂಡಿಸಿ ರಾಯಪೂರದ ಬಳಿ ಕಾಂಗ್ರೆಸ್ ಕಾರ್ಯಕರ್ತರು ರಸ್ತೆ ತಡೆ ನಡೆಸಿ, ಪ್ರತಿಭಟನೆ ವ್ಯಕ್ತಪಡಿಸಿದರು.

ಕೇಂದ್ರ ಸರಕಾರ ತಂದಿರುವ ಎಪಿಎಂಸಿ ಕಾಯ್ದೆ ತಿದ್ದುಪಡಿ ವಿರೋಧಿಸಿ ನಡೆದ ಪ್ರತಿಭಟನೆಯಲ್ಲಿ ಹಲವೂ ಕಾರ್ಯಕರ್ತರು ಭಾಗವಹಿಸಿದ್ದರು. ಹೋರಾಟದ ನೇತೃತ್ವ ವಹಿಸಿದ್ದ ಪಿ.ಎಚ್.ನೀರಲಕೇರಿ ರಸ್ತೆಯಲ್ಲೇ ಮಲಗಿಕೊಂಡು ಆಕ್ರೋಶವ್ಯಕ್ತಪಡಿಸಿದರು. ಸುಮಾರು ಒಂದು ಗಂಟೆಗೂ ಹೆಚ್ಚು ಕಾಲ ರಸ್ತೆ ತಡೆ ನಡೆಸಿದ್ದರಿಂದ ಹುಬ್ಬಳ್ಳಿ ಧಾರವಾಡ ಮಧ್ಯ ಕೆಲಕಾಲ ಸಂಚಾರ ಅಸ್ತವ್ಯಸ್ತಗೊಂಡಿತ್ತು.

ರಾಯಾಪುರ ಬಳಿ ಹೋರಾಟ ನಡೆದಿದ್ದರಿಂದ ಬಹುತೇಕ ಸವಾರರು ಅನ್ಯ ಮಾರ್ಗ ಹುಡುಕಿಕೊಂಡು ಅಲೆದಾಡುವಂತಾಯಿತು.
ಪ್ರತಿಭಟನೆಯ ಕಾವು ಹೆಚ್ಚಾಗುತ್ತಿದ್ದಂತೆ ಸ್ಥಳಕ್ಕೆ ಆಗಮಿಸಿದ ಎಸಿಪಿ ಅನುಷಾ, ಪ್ರತಿಭಟನಾನಿರತರನ್ನ ಬಂಧಿಸಿದ್ರು.
ಹೋರಾಟ ಬಂಧನದಿಂದ ಅಂತ್ಯಗೊಂಡಿದ್ದರಿಂದ ರಸ್ತೆ ಸಂಚಾರ ಸಹಜ ಸ್ಥಿತಿಗೆ ಬಂದಿದೆ.

ಧಾರವಾಡ: ವಿದ್ಯಾಗಮ ಯೋಜನೆ ಜಾರಿಗೆ ತಂದಿರುವ ಸರಕಾರದ ಕ್ರಮ ಕೆಲವೆಡೆ ತೊಂದರೆಯನ್ನೂ ಸೃಷ್ಟಿಸುತ್ತಿದೆ. ಹೀಗಾಗಿಯೇ ಎಸ್‌ಡಿಎಂಸಿಯವರೇ ಶಾಲೆಯನ್ನ ಆರಂಭಿಸುವಂತೆ ಆಯುಕ್ತರಿಗೆ ಮನವಿ ಮಾಡಿಕೊಂಡಿದ್ದಾರೆ.

ಧಾರವಾಡದ ಕಂಠಿಗಲ್ಲಿಯ ಎಸ್‌ಡಿಎಂಸಿ ಅಧ್ಯಕ್ಷ ಕೆ.ಜೆ.ಹಳ್ಯಾಳ ಆಯುಕ್ತರಿಗೆ ಮನವಿ ಮಾಡಿಕೊಂಡಿದ್ದಾರೆ. ಈಗಾಗಲೇ ಶಿಕ್ಷಕರು ಮನೆ ಮನೆಗೆ ಹೋಗಿ ಪಾಠಗಳನ್ನ ವಿದ್ಯಾಗಮ ಯೋಜನೆಯ ಮೂಲಕ ಮಾಡುತ್ತಿದ್ದಾರೆ. ಈ ಪ್ರದೇಶದಲ್ಲಿ ಸಣ್ಣಪುಟ್ಟ ಮನೆಗಳು ಇರುವುದರಿಂದ ಮತ್ತಷ್ಟು ತೊಂದರೆ ಆಗುತ್ತಿದೆ. ಯಾವ ಮನೆಯಲ್ಲಿ ಯಾವ ಕಾಯಿಲೆಯಿದ್ದವರು ಇರುತ್ತಾರೋ ಗೊತ್ತಿಲ್ಲದೇ ಪಾಠ ಮಾಡುತ್ತಿದ್ದಾರೆಂದು ಆಯುಕ್ತರಿಗೆ ತಿಳಿಸಿದ್ದಾರೆ.
ಕಂಠಿಗಲ್ಲಿಯಲ್ಲಿ ಯಾವುದೇ ಖಾಲಿ ಜಾಗಗಳು ಇಲ್ಲ. ದೇವಸ್ಥಾನಗಳು ಇಲ್ಲ. ಹೀಗಾಗಿ ಶಾಲೆಯನ್ನು ಆರಂಭಿಸಿ, ಮಕ್ಕಳಿಗೆ ಅನುಕೂಲ ಮಾಡಿಕೊಡಬೇಕೆಂದು ಕೋರಿದ್ದಾರೆ.
ವಿದ್ಯಾಗಮ ಯೋಜನೆ ಯಾವ ಥರದ ಸಂಕಷ್ಟ ಅನುಭವಿಸುತ್ತಿದೆ ಎಂಬುದಕ್ಕೆ ಇದೊಂದು ತಾಜಾ ಉದಾಹರಣೆಯಾಗಿದೆ.

ಚೆನೈ: ಕಳೆದ 49 ದಿನಗಳಿಂದ ಆಸ್ಪತ್ರೆಯಲ್ಲಿಯೇ ಇರುವ ಖ್ಯಾತ ಗಾಯಕ ಎಸ್.ಪಿ.ಬಾಲಸುಬ್ರಹ್ಮಣಂ ಅವರ ಆರೋಗ್ಯ ಮತ್ತಷ್ಟು ಬಿಗಡಾಯಿಸಿದೆ ಎಂದು ಎಂಜಿಎಂ ಹೆಲ್ತ್ ಕೇರ್ ಬುಲೆಟಿನ್ ಬಿಡುಗಡೆ ಮಾಡಿದೆ.

ಈ ಸಂಜೆ 6.30 ಗಂಟೆಗೆ ಹೆಲ್ತ್ ಬುಲೆಟಿನ್ ಬಿಡುಗಡೆ ಮಾಡಿರುವ ಆಸ್ಪತ್ರೆಯು, ಕಳೆದ 24 ಗಂಟೆಯಿಂದ ಎಸ್ಪಿಬಿಯವರಿಗೆ ಆರೋಗ್ಯ ಮತ್ತಷ್ಟು ಹದಗೆಟ್ಟಿದೆ. ಅವರನ್ನ ತೀವ್ರ ನಿಗಾ ಘಟಕದಲ್ಲಿಡಲಾಗಿದ್ದು, ಮತ್ತಷ್ಟು ವೈಧ್ಯರು ನಿಗಾ ವಹಿಸಿದ್ದಾರೆಂದು ಮಾಹಿತಿ ನೀಡಲಾಗಿದೆ.

ಎಂಜಿಎಂ ಆಸ್ಪತ್ರೆಯ ಡಾ.ಅನುರಾಧಾ ಭಾಸ್ಕರನ್ ಈ ಮಾಹಿತಿಯನ್ನ ನೀಡಿದ್ದು, ಎಸ್.ಪಿ.ಬಾಲಸುಬ್ರಹ್ಮಣಂ ಆರೋಗ್ಯದ ಬಗ್ಗೆ ಮತ್ತಷ್ಟು ಅನುಮಾನ ಮೂಡುವಂತಾಗಿದೆ.

ಕಳೆದ ಆಗಸ್ಟ್ 5ರಿಂದ ಆಸ್ಪತ್ರೆಯಲ್ಲೇ ಇರುವ ಎಸ್ಪಿಬಿಯವರ ಆರೋಗ್ಯ ಸುಧಾರಣೆಯಾಗಲಿ ಎಂದು ದೇಶದ ಹಲವೆಡೆ ಪೂಜೆ-ಪುನಸ್ಕಾರಗಳು ನಡೆದಿದ್ದವು. ಹಲವು ನಟ-ನಟಿಯರು ಬಾಲು ಸರ್ ಆರೋಗ್ಯವಾಗಿ ಎಂದು ಬೇಡಿಕೊಂಡಿದ್ದನ್ನ ಇಲ್ಲಿ ಸ್ಮರಿಸಬಹುದು.

ಹುಬ್ಬಳ್ಳಿ: ನೀವೂ ಉತ್ತರಕರ್ನಾಟಕದ ಪ್ರತಿಷ್ಟಿತ ಕಿಮ್ಸ್ ಆಸ್ಪತ್ರೆಗೆ ಎಂದಾದರೂ ಹೋಗಿದ್ದೀರಾ.. ಹಾಗಾದ್ರೇ ನೀವೂ ಈ ಬಾವಲಿಗಳ ಶಬ್ದವನ್ನ ಕೇಳಿಯೇ ಇರ್ತೀರಿ. ಪ್ರತಿ ಗಿಡದಲ್ಲೂ ಸಾವಿರಾರೂ ಬಾವಲಿಗಳು, ಜೀವನಕ್ಕಾಗಿ ಜೋತು ಬಿದ್ದಿರುತ್ತವೆ. ಆದರೆ, ಅವೆಲ್ಲವೂ ದಿನನಿತ್ಯ ಗೋಕುಲ ರಸ್ತೆಯ ಮೂಲಕ ಹೋಗುವುದೆಲ್ಲಿ ಗೊತ್ತಾ.. ಪೂರ್ಣವಾಗಿ ಓದಿ ಮಾಹಿತಿ ಪಡೆಯಿರಿ..

ಹೀಗೆ ಸಾಲು ಸಾಲು ಹೋಗುತ್ತಿರುವ ಲಕ್ಷಾಂತರ ಬಾವಲಿಗಳು ಹೊರಟಿರುವುದು ತಾರಿಹಾಳ ಹೊರವಲಯದತ್ತ. ಇಳಿಸಂಜೆ ಹೊರಡುವ ಸೈನ್ಯ ತಡರಾತ್ರಿ ಮೂರು ಘಂಟೆಗೆ ಮರಳಿ ಕಿಮ್ಸ್ ನತ್ತ ಬರುತ್ತವೆ.

ಹಾಗೇ ನೋಡಿದ್ರೇ, ಇವುಗಳಿಗೆ ಆಹಾರ ಸಿಗುವುದು ರಾತ್ರಿಯಲ್ಲೇ. ಹಾಗಾಗಿಯೇ ತಾರಿಹಾಳದ ಹೊರವಲಯವನ್ನ ಆರಿಸಿಕೊಂಡಿವೆ. ದಿನವೂ ಸಂಜೆ ಸಾಲಾಗಿ ಹೋಗುವುದನ್ನ ನೋಡಿದವರು ಅಚ್ಚರಿಯಿಂದ ಈ ವಿಷಯವನ್ನ ಹೇಳ್ತಾರೆ.

ಕಿಮ್ಸ್ ನ ಬಾವಲಿಗಳ ಜೀವನ ವೃತ್ತಾಂತ ಹೊಸತನದಿಂದಲೇ ಕೂಡಿದೆ. ನೀವೂ ಕಿಮ್ಸ್ ಹಿಂಬಾಗ ಬಂದ್ರೇ ಸದಾಕಾಲ ಮರದಲ್ಲಿ ನೇತಾಡುವ ಇವುಗಳು, ಸಂಜೆ ಆದ ತಕ್ಷಣವೇ ಹೊರುಡುವುದು ಅಚ್ಚರಿಯ ಸಂಗತಿಯೇ ಸರಿ.