ಪತ್ನಿ ನೇಣಿನಲ್ಲಿ ಉಸಿರುಗಟ್ಟಿ ಸಾಯುತ್ತಿರುವುದನ್ನ “ಮೊಬೈಲ್ ವೀಡಿಯೋ” ಮಾಡಿಟ್ಟುಕೊಂಡ ಪತಿ ಮಹಾಶಯ…!?
(ಪತ್ನಿ ಸಾಯುತ್ತಿರುವ ವೀಡಿಯೋ ಕರ್ನಾಟಕವಾಯ್ಸ್.ಕಾಂಗೆ ಲಭ್ಯವಾಗಿದ್ದು, ಅದನ್ನ ಪ್ರದರ್ಶನ ಮಾಡುವುದು ಒಳಿತಲ್ಲ ಎಂಬ ಕಾರಣಕ್ಕೆ ಅದನ್ನ ಹಾಕಿಲ್ಲ)
ಬಾಗಲಕೋಟೆ: ಪತ್ನಿ ನೇಣಿಗೆ ಶರಣಾಗಿ ಉಸಿರುಗಟ್ಟಿ ಸಾಯುತ್ತಿದ್ದರೂ ಪತಿಯೇ ವಿಡಿಯೋ ಮಾಡಿದ ಭೀಕರ ಘಟನೆ ಬೀಳಗಿ ತಾಲೂಕಿನ ಗಲಗಲಿ ಗ್ರಾಮದಲ್ಲಿ ನಡೆದಿದೆ.
ಭಾಗ್ಯಶ್ರೀ (23) ಮೃತಪಟ್ಟ ಮಹಿಳೆ. 6 ವರ್ಷದ ಹಿಂದೆ ಮದುವೆಯಾಗಿದ್ದ ಈ ದಂಪತಿಗೆ ಒಂದು ಮಗುವಿದೆ. ಪತ್ನಿಯ ಅನೈತಿಕ ಸಂಬಂಧದ ವಿಚಾರವಾಗಿ ಗಂಡ-ಪೆಂಡತಿಯ ನಡುವೆ ಜಗಳ ನಡೆಯುತ್ತಿತ್ತು. ಘಟನೆ ವೇಳೆ ಆಕೆ ಸಾಯುತ್ತಿದ್ದರೆ ಕಾಪಾಡುವ ಬದಲು ಪತಿ ಪ್ರವೀಣ್ ವಿಡಿಯೋ ಮಾಡಿದ್ದು, ಪತಿಯೇ ಕೊಲೆ ಮಾಡಿರಬಹುದು ಎಂಬ ಶಂಕೆಯೂ ವ್ಯಕ್ತವಾಗಿದೆ.
ಸ್ಥಳಕ್ಕೆ ಎಸ್ಪಿ ಸಿದ್ದಾರ್ಥ ಗೋಯಲ್ ಭೇಟಿ ನೀಡಿ ಪರಿಶೀಲಿಸಿದ್ದು, ಬೀಳಗಿ ಪೊಲೀಸರು ಆರೋಪಿ ಪ್ರವೀಣ್ನನ್ನು ವಶಕ್ಕೆ ಪಡೆದು ತನಿಖೆ ನಡೆಸುತ್ತಿದ್ದಾರೆ.
