Mla ಎಸ್ಕಾರ್ಟ್: ಸಚಿವರನ್ನ ಪ್ರಶ್ನಿಸಿದರೇ ಉತ್ತರ ಕೊಟ್ಟಿದ್ದು ಶಾಸಕರು: “ಎಸ್ಕಾರ್ಟ್ ರಿವರ್ಸ್”

ಧಾರವಾಡ: ನವಲಗುಂದ ಕ್ಷೇತ್ರದ ಶಾಸಕ ಎನ್.ಎಚ್. ಕೋನರೆಡ್ಡಿ ಅವರು ಪೊಲೀಸ್ ಎಸ್ಕಾರ್ಟ್ ವಾಹನವನ್ನು ಬಳಸುತ್ತಿರುವುದು ಕಾನೂನುಬಾಹಿರ ಎಂದು ಸಾಮಾಜಿಕ ಕಾರ್ಯಕರ್ತರು ಆರೋಪಿಸಿರುವ ವಿಚಾರ ಇದೀಗ ರಾಜಕೀಯ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಈ ಕುರಿತು ಸಚಿವ ಸಂತೋಷ ಲಾಡ್ ಅವರನ್ನು ಪತ್ರಕರ್ತರು ಪ್ರಶ್ನಿಸಿದಾಗ, “ಈ ಆರೋಪಗಳಿಗೆ ಸ್ವತಃ ಶಾಸಕರೇ ಉತ್ತರಿಸಲು ಮುಂದಾದರು.
ಶಾಸಕ ಎನ್.ಎಚ್. ಕೋನರೆಡ್ಡಿ, “ಪೊಲೀಸರು ಜೊತೆಗೆ ಬರುತ್ತಾರೆ. ಅದಕ್ಕೆ ನಾನು ಏನು ಮಾಡಬೇಕು? ಎಲ್ಲಿಗೆ ಹೋದರೂ ಅವರು ಬರುತ್ತಾರೆ ಅಷ್ಟೇ” ಎಂದು ಹೇಳಿಕೊಂಡಿದ್ದಾರೆ.
ಇದರ ನಡುವೆ ಎಸ್ಕಾರ್ಟ್‌ಗೆ ಬಳಸಲಾಗುತ್ತಿದ್ದ ಪೊಲೀಸ್ ವಾಹನವನ್ನು ಹೆಡ್ ಆಫೀಸ್‌ಗೆ ಹಿಂತಿರುಗಿಸಲಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ವಾಹನಕ್ಕೆ ಡೀಸೆಲ್ ಕೂಡ ತುಂಬಿಸಬಾರದು ಎಂದು ಹಿರಿಯ ಅಧಿಕಾರಿಗಳು ಮೌಖಿಕ ಸೂಚನೆ ನೀಡಿರುವುದಾಗಿ ತಿಳಿದುಬಂದಿದೆ. ಇದರೊಂದಿಗೆ ಶಾಸಕರ ಎಸ್ಕಾರ್ಟ್ ವಾಹನ ಬಳಕೆಗೆ ತಾತ್ಕಾಲಿಕ ಬ್ರೇಕ್ ಬಿದ್ದಿರುವುದು ಗಮನಾರ್ಹ ಬೆಳವಣಿಗೆಯಾಗಿದೆ.