ದಯವಿಟ್ಟು ಈ ಮಗುವಿಗೆ ಪಾಲಕರನ್ನ ಹುಡುಕಿಕೊಡಿ

ಹುಬ್ಬಳ್ಳಿ: ಇಲ್ಲಿನ ಕರ್ಕಿಬಸವೇಶ್ವರ ದೇವಾಲಯ ಬಳಿ ಕಳೆದ ನವೆಂಬರ್ 3 ರಂದು ರುಕ್ಸಾನಾ ಎಂಬ ನಾಲ್ಕು ವರ್ಷದ ಬಾಲಕಿಯನ್ನು ಅಕೆಯ ಪಾಲಕರು ಬಿಟ್ಟು ಹೋಗಿದ್ದಾರೆ. ಬೆಂಡಿಗೇರಿ ಪೊಲೀಸ್ ಠಾಣೆಯಲ್ಲಿ ಈ ಕುರಿತು ಪ್ರಕರಣ ದಾಖಲಾಗಿದೆ.

ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ಅಮೂಲ್ಯ ಶಿಶುಗೃಹದಲ್ಲಿ ಮಗುವಿಗೆ ರಕ್ಷಣೆ ನೀಡಲಾಗಿದೆ. ಬಾಲಕಿಯ ಪಾಲಕರು 4 ತಿಂಗಳೊಳಗೆ ಸಂಪರ್ಕಿಸಬೇಕು, ಇಲ್ಲವಾದರೆ ಕಾನೂನುರೀತ್ಯಾ ಮಗುವಿನ ಹಿತರಕ್ಷಣೆಗೆ ಕ್ರಮವಹಿಸಲಾಗುವುದು ಹೆಚ್ಚಿನ ವಿವರಗಳಿಗೆ 0836-2363389 ಸಂಪರ್ಕಿಸಬಹುದು ಎಂದು ಅಮೂಲ್ಯ ಶಿಶುಗೃಹದ ಅಧೀಕ್ಷಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ನಾಲ್ಕು ವರ್ಷದ ಮಗುವನ್ನ ಪಾಲಕರ ಸುಪರ್ಧಿಗೆ ಒಪ್ಪಿಸಲು ತಾವೂ ಕೂಡಾ ಸಹಾಯ ಮಾಡಬಹುದು. ಯಾವುದೇ ರೀತಿಯ ಮಾಹಿತಿ ಲಭಿಸಿದರೇ ಮೇಲೆ ತಿಳಿಸಿದ ನಂಬರಗೆ ಕಾಲ್ ಮಾಡಿ, ಸಹಕರಿಸಿ.