ರಾಷ್ಟ್ರೀಯ ಹೆದ್ದಾರಿ “ಇಂದೂ” ಬಂದ್- ರೈಲು ತಡೆ, ಸಕ್ಕರೆ ಹೊರಗೆ ಹೋಗದ ಹಾಗೇ ದಿಗ್ಭಂಧನ: ಚೂನಪ್ಪ ಪೂಜಾರಿ ಎಚ್ಚರಿಕೆ…
ಹತ್ತರಕಿ ಟೋಲ್: ಕಬ್ಬು ಬೆಳೆಗಾರರ ಹೋರಾಟ ಎರಡನೇಯ ದಿನಕ್ಕೆ ಕಾಲಿಟ್ಟಿದ್ದು, ಇಂದು ಕೂಡಾ ರಾಷ್ಟ್ರೀಯ ಹೆದ್ದಾರಿ ಬಂದ್ ಮುಂದುವರೆದಿದೆ. ಹೋರಾಟದ ಸ್ವರೂಪ ಬದಲಾಗುವ ಕುರಿತು ರೈತ ಮುಖಂಡ ಚೂನಪ್ಪ ಪೂಜಾರಿ ಎಚ್ಚರಿಕೆ ನೀಡಿದ್ದಾರೆ.
ರಾತ್ರಿಯಿಂದಲೂ ಟೋಲ್‌ನಲ್ಲಿ ಮಲಗಿದ್ದ ನೂರಾರೂ ರೈತರು ಬೆಳಗಿನಿಂದಲೇ ಹೋರಾಟ ಆರಂಭಿಸಿದ್ದು, ಬೇಡಿಕೆ ಈಡೇರದೇ ಇದ್ದರೆ ರೈಲು ತಡೆ ನಡೆಸುವುದಾಗಿ ಹೇಳಿದ್ದಾರೆ.
ಕಾರ್ಖಾನೆಯಿಂದ ಹೊರಗಡೆ ಸಕ್ಕರೆ ಹೋಗದಂತೆ ಪ್ರತಿಭಟನೆ ಆರಂಭಿಸಿ ಎಂದು ರೈತರಿಗೆ ಚೂನಪ್ಪ ಪೂಜಾರಿ ಕರೆ ನೀಡಿದ್ದು, ಇಂದು ಯಾವ ಸ್ವರೂಪವನ್ನ ಹೋರಾಟ ಪಡೆಯುತ್ತದೆ ಎಂಬುದನ್ನ ಕಾದು ನೋಡಬೇಕಿದೆ.
