ಹುಬ್ಬಳ್ಳಿ: ಸಚಿವ ಪ್ರಲ್ಹಾದ ಜೋಶಿಯವರ ವಿರುದ್ಧ “ಅಸಹ್ಯದ ಪೋಸ್ಟ್”- ರಾತ್ರೋರಾತ್ರಿ ಪ್ರಕರಣ ದಾಖಲಿಸಿದ “ಬಿಜೆಪಿ ಕಟ್ಟಾಳು” ಮಂಜುನಾಥ ಹೆಬಸೂರ…
ಹುಬ್ಬಳ್ಳಿ: ಕೇಂದ್ರ ಸಚಿವ ಪ್ರಲ್ಹಾದ ಜೋಶಿಯವರ ವಿರುದ್ಧ ತೀರಾ ಅಸಹ್ಯಪಡುವ ಪೋಸ್ಟ್‌ನ್ನ ಸಾಮಾಜಿಕ ಜಾಲತಾಣದಲ್ಲಿ ಹಾಕಿಕೊಂಡಿರುವ ವ್ಯಕ್ತಿಯ ವಿರುದ್ಧ ಈಗಷ್ಟೇ ಮಹಾನಗರ ಜಿಲ್ಲಾ ಯುವ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಮಂಜುನಾಥ ಹೆಬಸೂರ ಪ್ರಕರಣ ದಾಖಲು ಮಾಡಿ, ತಮ್ಮ ನಾಯಕರ ಗೌರವ ಹಾಳು ಮಾಡುತ್ತಿರುವವರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಪ್ರಜ್ವಲಗೌಡ ಪಾಟೀಲ ಎಂಬ ವ್ಯಕ್ತಿಯ ಹೆಸರಿನಲ್ಲಿ ಪೋಸ್ಟ್ ಮಾಡಲಾಗಿದೆ. ಈ ಕುರಿತು ದಾಖಲೆಗಳ ಸಮೇತ ನವನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಲಾಗಿದೆ.
ಈ ಕುರಿತು ಮಂಜುನಾಥ ಹೆಬಸೂರ ಮಾತನಾಡಿ, ರೈತರ ಹೋರಾಟಕ್ಕೆ ಎಲ್ಲರದ್ದೂ ಬೆಂಬಲವಿದೆ. ಆದರೆ, ಉದ್ದೇಶಪೂರ್ವಕವಾಗಿ ಇಂತಹ ಪೋಸ್ಟ್‌ಗಳನ್ನ ಹಾಕಿ ಸಾಮಾಜಿಕವಾಗಿ ವ್ಯವಸ್ಥಿತ ಪಿತೂರಿ ನಡೆಸಲಾಗುತ್ತಿದೆ. ಇವನ ವಿರುದ್ಧ ಪೊಲೀಸರು ಕ್ರಮ ಜರುಗಿಸದೇ ಹೋದರೇ, ನಾವೇ ಕ್ರಮ ಜರುಗಿಸುವುದಕ್ಕೆ ಮುಂದಾಗಬೇಕಾಗತ್ತೆ ಎಂದು ಎಚ್ಚರಿಸಿದ್ದಾರೆ.
ವಕೀಲರಾದ ರಾಜು ಬೆಟಗೇರಿ, ರೋಹಿನಿ ಬನ್ನೂರ, ಮೈನುದ್ದಿನ , ಶಂಕರಗೌಡ ಪಾಟೀಲ, ಶ್ರೀಧರಸಿಂಗ, ಮಿಥುನ ಡಿಕೆ, ವಿನಾಯಕ ಹಳೇಮನಿ, ಅಜಿತಕುಮಾರ, ವಿಜಯ ಹಿರೇಮಠ, ಭೂಪಾಲ ದೇವಕ್ಕಿ ಉಪಸ್ಥಿತರಿದ್ದರು.
