20 ಕಾಡು ಹಂದಿ ಸಮೇತ “ವಿಜಯಪುರ”ದಲ್ಲಿ ಸಿಕ್ಕಿಬಿದ್ದ “ಧಾರವಾಡ”ದ ಆರೋಪಿಗಳು…
20 ಜೀವಂತ ಕಾಡುಹಂದಿಗಳ ಅಕ್ರಮ ಸಾಗಾಟ ಪತ್ತೆ; ಅರಣ್ಯ ಇಲಾಖೆ ಅಧಿಕಾರಿಗಳ ದಾಳಿ, ಮೂವರ ಬಂಧನ
ವಿಜಯಪುರ: ಮಹಾರಾಷ್ಟ್ರದಿಂದ ಅಕ್ರಮವಾಗಿ ಕಾಡುಹಂದಿಗಳನ್ನು ಸಾಗಿಸುತ್ತಿದ್ದ ಜಾಲದ ಮೇಲೆ ಖಚಿತ ಮಾಹಿತಿಯ ಆಧರಿಸಿ ಅರಣ್ಯ ಇಲಾಖೆ ಅಧಿಕಾರಿಗಳು ದಿಢೀರ್ ದಾಳಿ ನಡೆಸಿದ್ದು, 20 ಜೀವಂತ ಕಾಡುಹಂದಿಗಳನ್ನು ವಶಪಡಿಸಿಕೊಂಡು ಮೂವರು ಆರೋಪಿಗಳನ್ನು ಬಂಧಿಸಿರುವ ಘಟನೆ ವರದಿಯಾಗಿದೆ.
ಪ್ರಮುಖಾಂಶಗಳು:
- ದಾಳಿಯ ಸ್ಥಳ: ವಿಜಯಪುರ ಕ್ಷೇತ್ರದ ತಿಡಗುಂದಿ ಟೋಲ್ ನಾಕಾ ಬಳಿ ವಾಹನ ತಪಾಸಣೆ ನಡೆಸುತ್ತಿದ್ದ ವೇಳೆ ಈ ಅಕ್ರಮ ಸಾಗಾಟ ಪತ್ತೆಯಾಗಿದೆ.
- ಬಂಧಿತರು: ಧಾರವಾಡ ಮೂಲದ ನಾಗರಾಜ್, ಶಂಕ್ರೆಪ್ಪ ಹಾಗೂ ಅಭಿಷೇಕ್ ಎಂಬ ಮೂವರನ್ನು ಬಂಧಿಸಲಾಗಿದೆ.
- ಕೃತ್ಯದ ವಿಧಾನ: ಆರೋಪಿಗಳು ಸಾಮಾನ್ಯ ಹಂದಿಗಳ ಸಾಕಾಣಿಕೆಯ ಮರೆಯಲ್ಲಿ ಕಾಡುಹಂದಿಗಳ ಅಕ್ರಮ ವ್ಯವಹಾರ ನಡೆಸುತ್ತಿದ್ದರು.
- ಪ್ಲಾನ್ ಹೆಂಗೆ: ಇಂಡಿ ಭಾಗದಲ್ಲಿ ಖರೀದಿ ಮಾಡಿದ್ದ ಈ ಕಾಡುಹಂದಿಗಳನ್ನು ಗೋವಾ ಸೇರಿದಂತೆ ಹಲವು ಕಡೆಗಳಿಗೆ ಮಾರಾಟ ಮಾಡಲು ಖದೀಮರು ಮುಂದಾಗಿದ್ದರು.
ಮಾರುಕಟ್ಟೆಯಲ್ಲಿ ಕಾಡುಹಂದಿಯ ಮಾಂಸಕ್ಕೆ ಬೇಡಿಕೆ ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ ಆರೋಪಿಗಳು ಈ ಕೃತ್ಯಕ್ಕೆ ಕೈಹಾಕಿದ್ದರು ಎಂದು ಆರ್.ಎಫ್.ಒ (RFO) ಸಂತೋಷ ಅಜೂರ ಅವರು ಮಾಹಿತಿ ನೀಡಿದ್ದಾರೆ. ಆಕ್ರಮವಾಗಿ ಸಾಗಾಟ ಮಾಡಿದ್ದರಿಂದ ಆರೋಪಿಗಳ ವಿರುದ್ಧ ಅರಣ್ಯ ಕಾಯ್ದೆಯಡಿ ದೂರು ದಾಖಲಿಸಿಕೊಳ್ಳಲಾಗಿದೆ.
