ಹುಬ್ಬಳ್ಳಿಯಲ್ಲಿ ಚಾಕು, ತಲ್ವಾರ್ ತೋರಿಸಿ ಬೆದರಿಕೆ: ಶ್ಯಾಮ ಜಾಧವನ ಮಗ ಅಭಿಷೇಕ ಸೇರಿ 7 ಪುಂಡರು ಅಂದರ್…!!
ಹುಬ್ಬಳ್ಳಿಯಲ್ಲಿ ಚಾಕು, ತಲವಾರು ತೋರಿಸಿ ಬೆದರಿಕೆ: ಏಳು ಆರೋಪಿಗಳ ಬಂಧನ
ಹುಬ್ಬಳ್ಳಿ: ಸಾರ್ವಜನಿಕರಿಗೆ ಹಾಗೂ ಸಾಕ್ಷಿದಾರರಿಗೆ ಚಾಕು ಮತ್ತು ತಲವಾರು ತೋರಿಸಿ ಬೆದರಿಕೆ ಹಾಕಿದ್ದಲ್ಲದೆ, ಕರ್ತವ್ಯ ನಿರತ ಪೊಲೀಸ್ ಅಧಿಕಾರಿಗಳು ಮತ್ತು ಸಿಬ್ಬಂದಿಗೆ ಅಡ್ಡಿಪಡಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಏಳು ಆರೋಪಿಗಳನ್ನು ಹುಬ್ಬಳ್ಳಿ ಪೊಲೀಸರು ಬಂಧಿಸಿದ್ದಾರೆ.
ನ.17ರಂದು ಹುಬ್ಬಳ್ಳಿಯ ಸೆಟ್ಲ್ಮೆಂಟ್ ಪ್ರದೇಶದಲ್ಲಿ ನಡೆದ ಘಟನೆಯ ಹಿನ್ನೆಲೆಯಲ್ಲಿ ಪ್ರಕರಣ ದಾಖಲಾಗಿತ್ತು. ನ.18ರಂದು ಪ್ರಕರಣದ ದೂರುದಾರರು ಹಾಗೂ ಸಾಕ್ಷಿದಾರರಿಗೆ ಹುಬ್ಬಳ್ಳಿಯ ಸೆಟ್ಲ್ಮೆಂಟ್ 2ನೇ ಕ್ರಾಸ್ನಲ್ಲಿ ಆರೋಪಿತರು ಚಾಕು ಮತ್ತು ತಲವಾರು ತೋರಿಸಿ ಬೆದರಿಕೆ ಹಾಕುತ್ತಿದ್ದರು ಎನ್ನಲಾಗಿದೆ.
ಈ ಸಂದರ್ಭದಲ್ಲಿ ಪಿಎಸ್ಐ ಎಂ.ಎಚ್. ಶಿವರಾಜ್ ಹಾಗೂ ಪೊಲೀಸ್ ಸಿಬ್ಬಂದಿ ಆರೋಪಿಗಳನ್ನು ತಡೆಯಲು ಪ್ರಯತ್ನಿಸಿದ್ದು, ಆರೋಪಿತರು ಪೊಲೀಸರ ಕರ್ತವ್ಯಕ್ಕೆ ಅಡ್ಡಿಪಡಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಬೆಂಡಿಗೇರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.
ಪ್ರಕರಣದ ತನಿಖಾಧಿಕಾರಿ ಪಿಐ ಎಸ್.ಆರ್. ನಾಯಕ್ ಅವರು ಹಿರಿಯ ಅಧಿಕಾರಿಗಳ ಮಾರ್ಗದರ್ಶನದಲ್ಲಿ ಕಾರ್ಯಾಚರಣೆ ನಡೆಸಿ ನ.20ರಂದು ಏಳು ಆರೋಪಿಗಳನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ.
ಬಂಧಿತ ಆರೋಪಿಗಳ ವಿವರ
ಅಭಿಷೇಕ್ (28), ತಂದೆ ಶ್ಯಾಮಜಾಧವ, ಬನ್ನಿಮಹಾಕಾಳಿ ನಗರ, ಹುಬ್ಬಳ್ಳಿ.
ವಿಶಾಲ್ (32), ತಂದೆ ಸಹದೇವ ಕರಿಗಾರ, ಗಂಗಾಧರ ನಗರ, ಸೆಟ್ಲ್ಮೆಂಟ್ 4ನೇ ಕ್ರಾಸ್, ಹುಬ್ಬಳ್ಳಿ.
ಧ್ರುವ (23), ತಂದೆ ಹರಿದಾಸ ಗಾಯಕವಾಡ, ಬನ್ನಿಮಹಾಕಾಳಿ ನಗರ, ಸೆಟ್ಲ್ಮೆಂಟ್ 4ನೇ ಕ್ರಾಸ್, ಹುಬ್ಬಳ್ಳಿ.
ಶ್ರೀನಿವಾಸ (29), ತಂದೆ ಕೃಷ್ಣ ಹಂಚಿನಮನಿ, ಶಾಂತಿನಿಕೇತನ ಕಾಲೋನಿ, ಸೆಟ್ಲ್ಮೆಂಟ್, ಹುಬ್ಬಳ್ಳಿ.
ಕರಣ (32), ತಂದೆ ಈರಣ್ಣ ಮುಂಡಗೋಡ, ಶಾಂತಿನಿಕೇತನ ಕಾಲೋನಿ, ಸೆಟ್ಲ್ಮೆಂಟ್, ಹುಬ್ಬಳ್ಳಿ.
ಸುಭಾಷ್ (28), ತಂದೆ ಶಿವಾನಂದ ಕಟ್ಟಿಮನಿ, ಜಂಗ್ಲಿಪೇಟೆ, 1ನೇ ಕ್ರಾಸ್, ಹಳೇ ಹುಬ್ಬಳ್ಳಿ.
ರಾಹುಲ್ (33), ತಂದೆ ಈಶ್ವರ ಸಿದ್ದಾಪುರ, ಬನ್ನಿಮಹಾಕಾಳಿ ನಗರ, ಸೆಟ್ಲ್ಮೆಂಟ್ 3ನೇ ಕ್ರಾಸ್, ಹುಬ್ಬಳ್ಳಿ.
ಈ ಕುರಿತು ಹುಬ್ಬಳ್ಳಿ-ಧಾರವಾಡ ಪೊಲೀಸ್ ಕಮಿಷನರೇಟ್ ಪತ್ರಿಕಾ ಪ್ರಕಟಣೆ ತಿಳಿಸಿದೆ.
