ಹುಬ್ಳಿ-ಧಾರ್ವಾಡದಲ್ಲಿ ಎಷ್ಟು “ರೌಡಿ ಷೀಟರ್” ಗಳು ಚುನಾವಣೆ ಕಣದಲ್ಲಿ.. ನಿಮಗೆ ಗೊತ್ತಾ…!?
ಹುಬ್ಬಳ್ಳಿ: ಮಹಾನಗರ ಪಾಲಿಕೆ ಚುನಾವಣೆಯಲ್ಲಿ ರಾಷ್ಟ್ರೀಯ ಪಕ್ಷಗಳು, ಪ್ರಾದೇಶಿಕ ಪಕ್ಷಗಳು ತಮ್ಮ ಅಭ್ಯರ್ಥಿಗಳನ್ನ ಕಣಕ್ಕೀಳಿಸುವಲ್ಲಿ ತಮ್ಮದೇ ಆದ ರೀತಿಯಲ್ಲಿ ನಡೆಸುತ್ತಿರುವ “ಕ್ರಿಯೇಟಿವಿಟಿ” ಎಲ್ಲರಿಗೂ ಗೊತ್ತಿರುವ ವಿಚಾರವೇ ಆಗಿದೆ. ಆದರೂ, ಪ್ರಮುಖ ಪಕ್ಷಗಳಲ್ಲಿ ರೌಡಿ ಷೀಟರ್ ಗಳು ಟಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.
ಹುಬ್ಬಳ್ಳಿ ಧಾರವಾಡ ಮಹಾನಗರ ಪಾಲಿಕೆಯ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷದಿಂದ ರೌಡಿ ಷೀಟರ್ ಗಳಿಗೆ ಎಷ್ಟು ಟಿಕೆಟ್ ಕೊಡಲಾಗಿದೆ ಎಂಬುದನ್ನ ಮಹಾನಗರ ಅಧ್ಯಕ್ಷ ಅಲ್ತಾಪ ಹಳ್ಳೂರ ಹೇಳಬೇಕಿದೆ. ಬಿಜೆಪಿಯಿಂದ ಹಾಗೆ ಮಾಡಲಾಗಿದೇಯಾ ಎಂಬುದರ ಬಗ್ಗೆ ಮಹಾನಗರ ಅಧ್ಯಕ್ಷರೂ ಆಗಿರುವ ಶಾಸಕ ಅರವಿಂದ ಬೆಲ್ಲದ ಮಾಹಿತಿ ನೀಡಬೇಕಿದೆ. ಹಾಗೇ ಜೆಡಿಎಸ್, ಆಮ್ ಆದ್ಮಿ ಪಕ್ಷ ಕೂಡಾ ಉತ್ತರ ನೀಡಬೇಕಿದೆ.
ಅವಳಿನಗರದ ಅಭಿವೃದ್ಧಿ ಸಧ್ಯ ಯಾವ ಮಟ್ಟದಲ್ಲಿದೆ ಎಂಬುದನ್ನ ಯಾರಿಗೂ ತಿಳಿಸಬೇಕಾದ ಅವಶ್ಯಕತೆಯಿಲ್ಲ. ಇಂತಹ ಸಂದರ್ಭದಲ್ಲಿ ಚುನಾವಣೆ ನಡೆಯುತ್ತಿರುವುದು ಸಾರ್ವಜನಿಕರಲ್ಲಿ ಬೇಸರದ ಜೊತೆಗೆ ಭರವಸೆ ಮೂಡಿಸಿದೆ.
ಆದರೆ, ಕೆಲವರು ರೌಡಿ ಷೀಟರ್ ಗಳಿಗೆ ಟಿಕೆಟ್ ಕೊಟ್ಟಿರುವುದು ಸೋಜಿಗ ಮೂಡಿಸಿದೆ. ಆಯಾ ಪಕ್ಷಗಳೇ ಅದನ್ನ ಬಹಿರಂಗ ಮಾಡದೇ ಹೋದಲ್ಲಿ ಕರ್ನಾಟಕವಾಯ್ಸ್.ಕಾಂ ರೌಡಿ ಷೀಟರ್ ಗಳು ಯಾವ ಪಕ್ಷದಿಂದ ಟಿಕೆಟ್ ಪಡೆದಿದ್ದಾರೆಂದು ಬಹಿರಂಗ ಮಾಡತ್ತೆ.
