ಧಾರವಾಡ: ರಾಜ್ಯದಲ್ಲಿ ಇನ್ನೂ ನೂರಾರು ಜನರ ಅಶ್ಲೀಲ ಸಿಡಿಗಳಿವೆ. ಅವು ಕಾಲ ಕಾಲಕ್ಕೆ ರಿಲೀಸ್ ಆಗ್ತವೆ ಎಂದು ಅಂಜುಮನ್ ಸಂಸ್ಥೆಯ ಮಾಜಿ ಅಧ್ಯಕ್ಷ ಹಾಗೂ ಕಾಂಗ್ರೆಸ್ ಮುಖಂಡ ಇಸ್ಮಾಯಿಲ್ ತಮಾಟಗಾರ ಹೇಳಿದ್ದಾರೆ.
ನಗರದಲ್ಲಿ ಮಾತನಾಡಿರೋ ಇಸ್ಮಾಯಿಲ್ ತಮಾಟಗಾರ್, ನ್ಯೂಸ್ ಚಾನಲ್ ಗಳಲ್ಲಿ ತೋರಿಸುವುದೇ ಸರಿಯಿಲ್ಲ. ಅವುಗಳಿಂದಲೇ ವಾತಾವರಣ ಹದಗೆಟ್ಟಿದೆ.. ಆ ಮಾತುಗಳು ಹೇಗಿವೆ ನೀವೇ ಕೇಳಿ ಬಿಡಿ..
ನವದೆಹಲಿ: ಕೇಂದ್ರೀಯ ಪ್ರೌಢ ಶಿಕ್ಷಣ ಮಂಡಳಿ ಶುಕ್ರವಾರ 10 ಮತ್ತು 12 ನೇ ಬೋರ್ಡ್ ಪರೀಕ್ಷೆಯ ಪರಿಷ್ಕೃತ ದಿನಾಂಕವನ್ನು ಪ್ರಕಟಿಸಿದೆ. ಸಿಬಿಎಸ್ಇ 10 ಮತ್ತು 12 ನೇ ತರಗತಿಗಳ ಪರೀಕ್ಷೆಯನ್ನು ಮೇ 4 ರಿಂದ ಜೂನ್ 14 ರವರೆಗೆ ನಡೆಸಲು ನಿರ್ಧರಿಸಿದೆ.
ಇದರ ಮಾಹಿತಿಯನ್ನು cbse.nic.in ನ ಅಧಿಕೃತ websiteನಲ್ಲಿ ನೀಡಲಾಗಿದೆ. ಹಳೆಯ ಡೇಟ್ಶೀಟ್ ಬದಲು ವಿದ್ಯಾರ್ಥಿಗಳು ಪರಿಷ್ಕೃತ ಡೇಟ್ಶೀಟ್ ನ ಪ್ರಕಾರ ಪರೀಕ್ಷೆಗೆ ತಯಾರಿ ನಡೆಸುವಂತೆ ಸೂಚಿಸಲಾಗಿದೆ.
ಮಂಡಳಿಯ ಪರಿಷ್ಕೃತ ದಿನಾಂಕಗಳಲ್ಲಿ ಹಲವು ಬದಲಾವಣೆಗಳನ್ನು ಪ್ರಕಟಿಸಿದೆ. ಈ ಬದಲಾವಣೆಯ ಅನ್ವಯ ಜಿಯೋಗ್ರಾಫಿ ವಿಷಯದ ಪರೀಕ್ಷೆಯು ಜೂನ್ 3 ರಂದು ನಡೆಯಲಿದೆ. ಮತ್ತು Physics ಮೇ 13ರ ಬದಲು ಜೂನ್ 8 ರಂದು ನಡೆಯಲಿದೆ. ಹೊಸ ವೇಳಾಪಟ್ಟಿಯ ಪ್ರಕಾರ, ಮೇ 13 ಮತ್ತು 14 ರಂದು 12 ನೇ ತರಗತಿಗೆ ಯಾವುದೇ ಪರೀಕ್ಷೆಗಳು ಇರುವುದಿಲ್ಲ.
10 ನೇ ತರಗತಿ ಪರೀಕ್ಷೆಯ ವೇಳಾಪಟ್ಟಿಯಲ್ಲಿ ಸ್ವಲ್ಪ ಬದಲಾವಣೆಯಾಗಿದೆ. ಮಂಡಳಿಯ ಹೊಸ ಡೇಟ್ಶೀಟ್ ಪ್ರಕಾರ, ವಿಜ್ಞಾನ ಪರೀಕ್ಷೆಯು ಮೇ 21ರಂದು ನಡೆಯಲಿದೆ, ಮತ್ತು ಗಣಿತ ಪರೀಕ್ಷೆಯು ಜೂನ್ 2 ರಂದು ನಡೆಯಲಿದೆ.
12 ನೇ ತರಗತಿಯ ಪರೀಕ್ಷೆಯನ್ನು ಎರಡು ಪಾಳಿಯಲ್ಲಿ ನಡೆಸಲಾಗುವುದು :
ಸಿಬಿಎಸ್ಇ ಬಿಡುಗಡೆ ಮಾಡಿದ ಹೊಸ ಡೇಟ್ಶೀಟ್ನ ಪ್ರಕಾರ, 12 ನೇ ತರಗತಿಯ ಪರೀಕ್ಷೆಯನ್ನು ಎರಡು ಪಾಳಿಯಲ್ಲಿ 4 ದಿನಗಳವರೆಗೆ ನಡೆಸಲಾಗುವುದು. ಮೊದಲ ಪಾಳಿ ಬೆಳಿಗ್ಗೆ 10.30 ಕ್ಕೆ ಪ್ರಾರಂಭವಾಗಲಿದ್ದು, ಮಧ್ಯಾಹ್ನ 1.30 ರವರೆಗೆ ಮುಂದುವರಿಯಲಿದೆ. ಎಲ್ಲಾ ಅಭ್ಯರ್ಥಿಗಳಿಗೆ ಬೆಳಿಗ್ಗೆ 10-10.15 ರ ನಡುವೆ ಬುಕ್ ಲೆಟ್ ನೀಡಲಾಗುವುದು. ಎರಡನೇ ಶಿಫ್ಟ್ ನ ಪರೀಕ್ಷೆಯು ಮಧ್ಯಾಹ್ನ 2.30 ರಿಂದ ಸಂಜೆ 5.30 ರವರೆಗೆ ಪ್ರಾರಂಭವಾಗುತ್ತದೆ. ಈ ಶಿಫ್ಟ್ನ ಅಭ್ಯರ್ಥಿಗಳಿಗೆ ಮಧ್ಯಾಹ್ನ 2-2.15 ರ ನಡುವೆ ಬುಕ್ ಲೆಟ್ ನೀಡಲಾಗುವುದು.
10 ನೇ ತರಗತಿಯ ವಿದ್ಯಾರ್ಥಿಗಳಿಗೆ ಜೂನ್ 7 ರಂದು ಕೊನೆಗೊಳ್ಳುತ್ತವೆ. 12 ನೇ ತರಗತಿ ಪರೀಕ್ಷೆಯು ಜೂನ್ 11 ರವರೆಗೆ ನಡೆಯಲಿದೆ.
ಹುಬ್ಬಳ್ಳಿ: ಸರಕಾರಿ ಶಾಲೆಗಳನ್ನ ಅಸಡ್ಡೆಯಿಂದ ನೋಡುವವರು ಮುಜುಗರಕ್ಕೆ ಒಳಗಾಗುವಂತಹ ಕಾರ್ಯಕ್ರಮವೊಂದು ಹುಬ್ಬಳ್ಳಿ ತಾಲೂಕಿನ ಸುತಗಟ್ಟಿ ಸರಕಾರಿ ಕನ್ನಡ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ನಡೆಯಿತು.
ಹುಬ್ಬಳ್ಳಿಯ ಸುನಿಧಿ ಕಲಾ ಸೌರಭ, ಸುತಗಟ್ಟಿ ಶಾಲೆಯ ಸಂಯುಕ್ತ ಆಶ್ರಯದಲ್ಲಿ ಮಕ್ಕಳಿಗಾಗಿ ಕವನ ರಚನೆ ಮಾಡುವ ‘ಕಾವ್ಯ ಕಮ್ಮಟ’ವನ್ನ ಹಮ್ಮಿಕೊಳ್ಳಲಾಗಿತ್ತು. ಕಾರ್ಯಕ್ರಮಕ್ಕೆ ಮೆರಗನ್ನ ತಂದಿದ್ದು, ತಾಲೂಕು ಕನ್ನಡ ಸಾಹಿತ್ಯ ಸಮ್ಮೇಳನದ ಸರ್ವಾಧ್ಯಕ್ಷ ಹಾಗೂ ಮಕ್ಕಳ ಸಾಹಿತಿ ನಿಂಗಣ್ಣ ಕುಂಟಿಯವರು. ಮಕ್ಕಳಿಗೆ ಕವನ ರಚನೆ ಮಾಡುವ ಶೈಲಿಯನ್ನ ಹೇಳಿ, ಮೆಚ್ಚಿಸಿದರು.
ಸಿದ್ಧಾರೂಢಸ್ವಾಮಿ ಮಠದ ಟ್ರಸ್ಟ್ ಚೇರಮನ್ನ ದೇವೇಂದ್ರಪ್ಪ ಮಾಳಗಿ ಕಾರ್ಯಕ್ರಮ ಉದ್ಘಾಟಿಸಿ, ಪ್ರಾಥಮಿಕ ಹಂತದಲ್ಲಿಯೇ ಕನ್ನಡ ಸಾಹಿತ್ಯವನ್ನ ಉಳಿಸಿ, ಬೆಳೆಸುವ ಕೆಲಸವನ್ನ ನಾವೂ ಮಾಡಬೇಕಿದೆ. ಆ ಕೆಲಸವನ್ನ ಸುನಿಧಿ ಕಲಾ ಸೌರಭ ಮಾಡುತ್ತಿದೆ ಎಂದರು.
ಅತಿಥಿಗಳಾಗಿ ಲಕ್ಷ್ಮಣರಾವ್ ಓಕ್, ಸಿದ್ಧಪ್ಪ ಕುಂಬಾರ, ಲೀಲಾವತಿ ತಡಸದ, ಸೇವಂತಿ ಕಾಂಬ್ಳೆ, ಶ್ರೀಮತಿ ನರೇಂದ್ರ, ಶ್ರೀಮತಿ ಓಕ್ ಭಾಗವಹಿಸಿದ್ದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಸುನಿಧಿ ಕಲಾ ಸೌರಭದ ಸಂಸ್ಥಾಪಕ ಅಧ್ಯಕ್ಷ ರಂಗಾಯಣದ ಮಾಜಿ ನಿರ್ದೇಶಕ ಸುಭಾಸ ನರೇಂದ್ರ, ಮಕ್ಕಳಿಗೆ ತಾವು ಸಂಘಟಿಸುವ ಕಾರ್ಯಕ್ರಮದ ಬಗ್ಗೆ ತಿಳಿಸಿದರು. ನಿವೃತ್ತ ಶಿಕ್ಷಕಿ ವೀಣಾ ಅಠವಲೆ(ಮೋಡಕ) ಕಾರ್ಯಕ್ರಮದ ಉದ್ದೇಶ ತಿಳಿಸಿದರು.
ಶಾಲೆಯ ಪ್ರಧಾನ ಗುರುಗಳಾದ ಎಂ.ಬಿ.ತಹಶೀಲ್ದಾರ ಸ್ವಾಗತಿಸಿದರು. ವಿದ್ಯಾ ಕುಲಕರ್ಣಿ ವಂದಿಸಿದರು. ಡಾ.ಆಶಾಬೇಗಂ ಮುನವಳ್ಳಿ ಕಾರ್ಯಕ್ರಮ ನಿರೂಪಿಸಿದರು.
ಧಾರವಾಡ: ಇಂದು ಬೆಳ್ಳಂಬೆಳಿಗ್ಗೆ ಪೊಲೀಸ್ ಕಂಟ್ರೋಲ್ ರೂಂಗೆ ಅಪರೂಪದ ಕಾಲ್ ಬಂದಿತ್ತು. ಇಂತಹ ದೂರವಾಣಿಗಳು ಕರೆಗಳು ಬರುವುದು ಯಾವತ್ತೋ ಒಂದೀನಾ ಮಾತ್ರ. ಹಾಗಾಗಿಯೇ, ಇಂದು ಪೊಲೀಸರು ಅಪರೂಪದ ಗಳಿಗೆಯನ್ನ ಉತ್ತಮವಾಗಿ ನಿಭಾಯಿಸಿದರು.
ಇಂದು ಗಿರಿನಗರದಿಂದ ಕಂಟ್ರೋಲ್ ರೂಂ ಗೆ ಬಂದ್ ಕಾಲ್ “ ಸರ್, ದಯವಿಟ್ಟು ಯಾರನ್ನಾದರೂ ಕಳಿಸಿ. ಇಲ್ಲೊಂದು ಜಿಂಕೆಯನ್ನ ನಾಯಿ ಕಚ್ಚಿ ತೀವ್ರವಾಗಿ ಗಾಯಗೊಳಿಸಿದೆ. ಹೇಗಾದರೂ ಮಾಡಿ, ಕಾಪಾಡಿ.. ಸರ್” ಎನ್ನುತ್ತಲೇ ಪೋನ್ ಕಟ್ ಆಗಿತ್ತು.
ತಕ್ಷಣವೇ ಜಾಗೃತರಾದ ಪೊಲೀಸರು, ಚಾಲುಕ್ಯ 13ನ್ನ ಸ್ಥಳಕ್ಕೆ ಕಳಿಸಿ, ಜಿಂಕೆಯನ್ನ ರಕ್ಷಣೆಯನ್ನ ಮಾಡಿದ್ದಲ್ಲದೇ, ಅರಣ್ಯ ಇಲಾಖೆಯ ಸುಪರ್ಧಿಗೆ ಒಪ್ಪಿಸಲಾಗಿದೆ. ಪೊಲೀಸರ ಈ ಕಾರ್ಯ ಸಾರ್ವಜನಿಕರಲ್ಲಿ ಮೆಚ್ಚುಗೆಯನ್ನ ವ್ಯಕ್ತಪಡಿಸುವಂತೆ ಮಾಡಿದೆ.
ಹುಬ್ಬಳ್ಳಿ: ಮನೆ ನಿರ್ಮಾಣ ಕೆಲಸಕ್ಕಾಗಿ ಬಂದಿದ್ದ ಯುವಕನೋರ್ವ ನೀರಿನ ಮೋಟರ್ ಆರಂಭಿಸಲು ಹೋದಾಗ ವಿದ್ಯುತ್ ತಗುಲಿ ಸಾವನ್ನಪ್ಪಿದ ಘಟನೆ ಬಿಡನಾಳದಲ್ಲಿ ನಡೆದಿದೆ.
ಕಲಘಟಗಿ ತಾಲೂಕಿನ ಮಿಶ್ರಿಕೋಟಿ ಗ್ರಾಮದ ಸಿದ್ಧಾರೂಢ ಭೋವಿ ಎಂಬ ಯುವಕನೇ ಸಾವಿಗೀಡಾಗಿದ್ದಾನೆ. ಬಿಡನಾಳ ಗ್ರಾಮದಲ್ಲಿ ಮನೆ ಕಟ್ಟುವ ಕಾಮಗಾರಿಗಾಗಿ ಮೇಸ್ತ್ರಿಯೊಂದಿಗೆ ಆಗಮಿಸಿದ್ದ ಯುವಕ, ನೀರಿಗಾಗಿ ಮೋಟಾರ ಆರಂಭಿಸಲು ಹೋಗಿದ್ದಾನೆ. ಅದೇ ಸಮಯದಲ್ಲಿ ವಿದ್ಯುತ್ ತಗುಲಿ ಸ್ಥಳದಲ್ಲಿಯೇ ಸಾವಿಗೀಡಾಗಿದ್ದಾನೆ.
19 ವರ್ಷದ ಯುವಕ ಜೀವನ ನಡೆಸಲು ದುಡಿಯುವುದಕ್ಕಾಗಿ ಬಂದಾಗ ದುರ್ಘಟನೆ ಸಂಭವಿಸಿದೆ. ಘಟನೆಗೆ ಸಂಬಂಧಿಸಿದ ಹಾಗೇ ಶವವನ್ನ ಹುಬ್ಬಳ್ಳಿಯ ಕಿಮ್ಸನ ಶವಾಗಾರಕ್ಕೆ ರವಾನೆ ಮಾಡಲಾಗಿದೆ.
ಪ್ರಕರಣವನ್ನ ದಾಖಲು ಮಾಡಿಕೊಂಡಿರುವ ಬೆಂಡಿಗೇರಿ ಠಾಣೆಯ ಪೊಲೀಸರು ಮುಂದಿನ ಕಾನೂನು ಕ್ರಮವನ್ನ ಜರುಗಿಸಿದ್ದಾರೆ.
ಹುಬ್ಬಳ್ಳಿ: ಆಕೆ ಎಲ್ಲವನ್ನೂ ಎದುರಿಸಿಯೇ ಬದುಕು ಕಟ್ಟಿಕೊಂಡಿದ್ದಳು. ಗಂಡನ ನೋವಿನಲ್ಲೂ ಕುಗ್ಗದೇ ಜೀವನ ನಡೆಸುವ ಛಾತಿ ಹೊಂದಿದ್ದಳು. ಅಂತವಳು ಹೇಗೆ ನೇಣಿಗೆ ಶರಣಾಗಿ ಪ್ರಾಣವನ್ನ ಬಿಡ್ತಾಳೆ ಎನ್ನುವ ಸ್ಥಿತಿಯ ಘಟನೆ ಹುಬ್ಬಳ್ಳಿಯಲ್ಲಿ ನಡೆದಿದೆ.
ಘಂಟಿಕೇರಿ ಪೊಲೀಸ್ ಠಾಣೆ ವ್ಯಾಪ್ತಿಯ ಚೋಳನವರ ಓಣಿಯ ನಿವಾಸಿ ಬಲರಾಮ ಚಂದಾವರಿ ಎಂಬುವವನ್ನ ಪೂಜಾ ಎಂಬಾಕೆ ಮದುವೆಯಾಗಿದ್ದಳು. ಕೆಎಸ್ಸಾರ್ಟಿಸಿ ಚಾಲಕ ಬಲರಾಮನ ಜೊತೆಗೆ ಅನ್ಯೋನ್ಯವಾಗಿಯೇ ಪ್ರತಿಕ್ಷಣವನ್ನೂ ಕಳೆಯುತ್ತ ಬಂದಿದ್ದಳು. ಅಷ್ಟೇ ಅಲ್ಲ, ಇಬ್ಬರ ಮಕ್ಕಳ ತಾಯಿಯಾಗಿ ಅವರಿಬ್ಬರು ಜೋಪಾನ ಮಾಡಿಕೊಂಡು ಹೊರಟಿದ್ದಳು. ಅಂಥವಳು ನೇಣಿಗೆ ಶರಣಾಗ್ತಾಳಾ ಎಂಬ ಸಂಶಯ ಪೂಜಾಳ ಮನೆಯವರಿಗೆ ಮೂಡಿದೆ.
ಅದೇ ಕಾರಣಕ್ಕೆ ಪೂಜಾಳ ಶವವಿರುವ ಕಿಮ್ಸ್ ನ ಶವಾಗಾರದ ಮುಂದೆ, ಕಣ್ಣೀರಿಡುತ್ತ ಇದು ಆತ್ಮಹತ್ಯೆಯಲ್ಲ, ಅನುಮಾನಸ್ಪದ ಸಾವು. ಇದನ್ನ ಸರಿಯಾಗಿ ತನಿಖೆ ಮಾಡಿ, ತಪ್ಪಿತಸ್ಥರನ್ನ ಬಂಧನ ಮಾಡಿ ಎಂದು ಗೋಗೆರೆಯುತ್ತಿದ್ದಾರೆ.
ಪೂಜಾ, ಮನೆಯಲ್ಲಿಯೇ ನೇಣು ಬಿಗಿದುಕೊಂಡು ಸಾವಿಗೆ ಶರಣಾಗಿದ್ದು, ನಿನ್ನೆಯಿಂದಲೇ ಆಕೆಯ ಶವವನ್ನ ಕಿಮ್ಸನ ಶವಾಗಾರದಲ್ಲಿಡಲಾಗಿದೆ. ಪ್ರಕರಣ ದಾಖಲು ಮಾಡಿಕೊಂಡಿರುವ ಘಂಟಿಕೇರಿ ಠಾಣೆಯ ಪೊಲೀಸರು ಮುಂದಿನ ಕಾನೂನು ಕ್ರಮವನ್ನ ಜರುಗಿಸಿದ್ದಾರೆ.
ಬೆಂಗಳೂರು: ಧಾರವಾಡ ಜಿಲ್ಲೆಯ ಹೆಬ್ಬಳ್ಳಿ ಜಿಲ್ಲಾ ಪಂಚಾಯತಿ ಕ್ಷೇತ್ರದ ಬಿಜೆಪಿ ಸದಸ್ಯ ಯೋಗೇಶಗೌಡ ಗೌಡರ ಹತ್ಯೆ ಪ್ರಕರಣದಲ್ಲಿ ಬಂಧಿತರಾಗಿರುವ ಮಾಜಿ ಸಚಿವ ವಿನಯ ಕುಲಕರ್ಣಿ ಅವರ ಜಾಮೀನು ಅರ್ಜಿಗೆ ಸಿಬಿಐ ತಕರಾರು ಅರ್ಜಿಯನ್ನ ಸಲ್ಲಿಸಿದೆ.
ಬೆಂಗಳೂರಿನ ಜನಪ್ರತಿನಿಧಿಗಳ ನ್ಯಾಯಾಲಯದಲ್ಲಿ ಜಾಮೀನು ಅರ್ಜಿಗೆ ಸಂಬಂಧಿಸಿದ ಹಾಗೇ, ವಾದ-ಪ್ರತಿವಾದಕ್ಕೆ ಅವಕಾಶವನ್ನ ನೀಡಿ ಮಾರ್ಚ 6ಕ್ಕೆ ಮುಂದೂಡಿದೆ.
ಮಾಜಿ ಸಚಿವ ವಿನಯ ಕುಲಕರ್ಣಿ ಪರವಾದ ವಕೀಲರು ನ್ಯಾಯಾಲಯಕ್ಕೆ ಹಾಜರಾಗಿ ಕೆಲವು ದಾಖಲೆಗಳನ್ನ ಸಲ್ಲಿಸಿದ್ದು, ಎರಡು ಕಡೆಯ ವಾದ-ಪ್ರತಿವಾದ ನಾಳೆ ನಡೆಯಲಿದ್ದು, ಈ ಕುರಿತು ಸಾಕಷ್ಟು ಕುತೂಹಲ ಮೂಡಿಸಿದೆ.
ಮಾಜಿ ಸಚಿವ ವಿನಯ ಕುಲಕರ್ಣಿಯವರ ಬಂಧನವಾಗಿ ಇಂದಿಗೆ ಬರೋಬ್ಬರಿ ನಾಲ್ಕು ತಿಂಗಳು ಕಳೆದಿದ್ದು, ಬೆಳಗಾವಿಯ ಹಿಂಡಲಗಾ ಜೈಲಿನಲ್ಲಿ ವಿನಯ ಕುಲಕರ್ಣಿಯವರು ಇರುವುದನ್ನ ಇಲ್ಲಿ ಸ್ಮರಿಸಬಹುದು.
ರಾಯಚೂರು: ಸರಕಾರಿ ಶಾಲೆಗಳನ್ನ ಪ್ರೀತಿಸುವ ಮನಸ್ಸುಗಳು ಈ ಸುದ್ದಿಯನ್ನ ಪೂರ್ಣವಾಗಿ ನೋಡಲೇಬೇಕು. ಓರ್ವ ಶಿಕ್ಷಕ ತಾನು ಕೆಲಸ ಮಾಡುವ ಜಾಗದಲ್ಲಿ ಆತ್ಮ ಸಂತೃಪ್ತಿ ಕಂಡುಕೊಳ್ಳುವುದು ಹೇಗೆ ಎನ್ನುವ ಪ್ರಶ್ನೆ ನಿಮ್ಮಲ್ಲಿದ್ದರೇ, ಇವರನ್ನ ನೋಡಿ ಕಲಿಯಬಹುದು.
ಇವರು ರಾಯಚೂರು ಜಿಲ್ಲೆಯ ಮಸ್ಕಿ ತಾಲೂಕಿನ ದಿಗ್ಗನಬಾವಿ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆಯ ಶಿಕ್ಷಕ ಪರಮಾನಂದ. ಹೆಸರಿಗೆ ತಕ್ಕ ಹಾಗೇ ಇವರು ಪರಮಾನಂದರೇ. ಇವರು ಶಾಲೆಯ ಸ್ವರೂಪವನ್ನೇ ಬದಲಿ ಮಾಡಿದ್ದಾರೆ.
ಕೊರೋನಾ ಮಹಾಮಾರಿಯ ಹಿನ್ನೆಲೆಯಲ್ಲಿ ಮಕ್ಕಳು ಶಾಲೆಯಿಂದ ದೂರವುಳಿದಿದ್ದು ನಿಮಗೆ ಗೊತ್ತೆಯಿದೆ. ಅದನ್ನ ಹೋಗಲಾಡಿಸಿ ಮುದೊಂದು ದಿನ ಮಕ್ಕಳು ಇದನ್ನೇಲ್ಲ ನೋಡಿ, ಶಾಲೆಗೆ ಓಡೋಡಿ ಬರಬೇಕೆಂಬ ಭಾವನೆ ಈ ಶಿಕ್ಷಕರದ್ದು.
ಹೊಸತನದಿಂದ ಕೂಡಿರುವ ಹಲವು ಬಗೆಯನ್ನ ಸುಂದರವಾಗಿ ಮಾಡಲು ಪರಮಾನಂದರ ಆಪ್ತರು, ಗ್ರಾಮದ ಹಲವರು ಧನ ಸಹಾಯ ಮಾಡಿದ್ದಾರೆ. ಆ ಹಣವನ್ನ ಅತ್ಯುತ್ತಮ ಕೆಲಸಕ್ಕೆ ಬಳಕೆಯಾಗಿದ್ದು ಈ ಶಿಕ್ಷಕರಿಂದ.
ಇದನ್ನೇಲ್ಲ ನೋಡಿ ನಿಮಗೆ ಖುಷಿಯಾಗಿ ಶಿಕ್ಷಕ ಪರಮಾನಂದರಿಗೆ ಅಭಿನಂದನೆ ಹೇಳಬೇಕೆನಿಸಿದರೇ 99007 04973 ಕಾಲ್ ಮಾತಾಡಿ. ವಿದ್ಯಾರ್ಥಿಗಳ ‘ಗುರು’ವಿಗೆ ಮತ್ತಷ್ಟು ಪ್ರೋತ್ಸಾಹಿಸಿ…
ಬದುಕುಬಂಡಿ ???? ????
????????????????????????????????????????
ಗೊತ್ತು ಗುರಿ ಇಲ್ಲದ ಜೀವ
ಎತ್ತಲೋ ಸಾಗಿದೆ
ಎಳೆ ಹಸುಳೆಯ ಬದುಕಿನ ಬಂಡಿ
ಮತ್ತೆಲ್ಲೋ ಹೊರಟಿದೆ |
ರೈಲು ಬಂಡಿಯನೇರಿ ಊರ
ಸೇರುವ ಮುನ್ನ
ಬಳಲಿ ಬಾಯಾರಿ ನೀರು ತರಲು
ಇಳಿದಳು ಸ್ಟೇಷನ್ನ |
ಏನೂ ತೀಳಿಯದ ಕಂದ
ಓಡಿ ಬರುವುದರೊಳಗೆ
ರೈಲು ಬಂಡಿಯು ಸಾಗಿದೆ
ದೂರದೂರಿಗೆ |
ಅತ್ತೂ ಅತ್ತೂ ಕಣ್ಣೀರು ಕೋಡಿ
ಹರಿದು ಹೋಗಿದೆ ಕೇಳಿ,
ಕೇಳುಗರು ಪುಣ್ಯದ ಫಲವಾಗಿ
ಸಾಕಿದರು ಜೋಪಾನ ಅವಳ |
ಹೆಣ್ಣು ಅಬಲೆಯನೆಂದು ನೋಯಿಸದೇ
ದೊಡ್ಡವಳನ್ನಾಗಿ ಮಾಡಿದರು
ದಿನೇದಿನೇ ಬೆಳೆದ ಬಾಲೆಯನು
ಚೆನ್ನಾಗಿ ಕಲಿಸಿದರು |
ಯವೌನಕೆ ಬಂದ ಬಾಲೆಯನು
ಮದುವೆ ಮಾಡಿದರು ಕೂಡಿ
ಬಾಲ್ಯದ ಗೆಳೆಯ ಕೈಹಿಡಿದನು;
ಅದರೊಳಗೊಬ್ಬ ನೋಡಿ |
ಕೆಲವೆ ದಿನಗಳಲ್ಲಿ ಮುರಿದು;
ಹೋಯಿತು ಮಾಂಗಲ್ಯ
ವಿಧವೆಯ ಪಟ್ಟವನೇರಿ
ಕಳಚಿತು ಅವಳ ಭಾಗ್ಯ |
ಗಟ್ಟಿಗಿತ್ತಿ ಮತ್ತೆ ಹೊಸ ಬದುಕಿನತ್ತ
ಹರಸಿದಳು ಚಿತ್ತ
ಸರಕಾರಿ ನೌಕರಿ ಸೇರಿ ಅತ್ತಿತ್ತ
ಮುಖ ಮಾಡಿದಳು ಶಾಲೆಯತ್ತ |
ಬಡಮಕ್ಕಳ ಕಲ್ಯಾಣಕ್ಕಾಗಿ
ದುಡಿದು ಹಣ್ಣಾದಳು
ಬದುಕು ಸವೆಸಿ ಸಣ್ಣಾಗಿ
ಮಕ್ಕಳಿಗೆ ನೆರಳಾದಳು |
ಸರಕಾರಿ ಮಕ್ಕಳ ಬದುಕು
ಶೃಂಗರಿಸಿ ಮಾತೆಯಾದಳು
ದತ್ತಿ ನೀಡುತ ಶಾಲೆಯುದ್ದಕೂ
ದತ್ತಿ ದಾನಿಯಾದಳು |
ಕಲ್ಮಶವಿಲ್ಲದ ಕಠೋರ ಹೃದಯ
ಸಾಗೀತು ಸಮಾಜದತ್ತ
ಸೇವೆಯೇ ಗುರಿ ಮಾಡಿಕೊಂಡು
ನಡೆದಳು ಪುಣ್ಯವಂತೆ |
ಸಮಾಜ ಲೂಸಿ ಸಾಲ್ಡಾನಾಗೆ
ಎತ್ತಿಕೊಂಡಿದೆ ಅಂಗೈಯಲ್ಲಿ
ಅವಳ ಕಣ್ಣೀರು ಬತ್ತಿಹೊಗಿ
ಸಾಗಿದೆ ಹೂನಗೆಯಲಿ |
ಕೀಲು ಕಳಚಿದ ಬಂಡಿಗೆ
ಜಡಿದಳು ಗಟ್ಟಿ
ನಡೆದಳು ಮತ್ತೆ ಸಾರಿದೂರಿಗೆ
ಸಂಘ ಕಟ್ಟಿ |
ಶ್ರೀ ಅಕ್ಬರಅಲಿ ಸೋಲಾಪೂರ
ಧಾರವಾಡ 7975605054
ಬಾಗಲಕೋಟೆ: ಚಿಮ್ಮಡ ಸರಕಾರಿ ಪ್ರೌಢಶಾಲೆಯ ಮುಖ್ಯ ಶಿಕ್ಷಕಿ ಜೆ.ಆರ್.ಹಂಜಗಿ ಅವರು ರಜೆ ಪಡೆಯದೇ ಕರ್ತವ್ಯಕ್ಕೆ ಗೈರು ಹಾಜರಾಗಿದ್ದರಿಂದ ಜಿಲ್ಲೆಯ ಕಾರ್ಯನಿರ್ವಾಹಕ ಅಧಿಕಾರಿ ಅಮಾನತ್ತು ಮಾಡಿ ಆದೇಶ ಹೊರಡಿಸಿದ್ದಾರೆ.
ಬಾಗಲಕೋಟೆ ಜಿಲ್ಲೆಯ ಜಮಖಂಡಿ ತಾಲೂಕಿನ ಚಿಮ್ಮಡ ಗ್ರಾಮದ ಪ್ರಾಥಮಿಕ ಆರೋಗ್ಯ ಕೇಂದ್ರ, ಗ್ರಾಮ ಪಂಚಾಯತಿ ಹಾಗೂ ಸರಕಾರಿ ಪ್ರೌಢಶಾಲೆಗೆ ದಿಢೀರ್ ಭೇಟಿ ನೀಡಿದ ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಟಿ.ಬುಬಾಲನ್ ಅವರು ಚಿಮ್ಮಡ ಪ್ರೌಢಶಾಲೆಗೆ ಭೇಟಿ ನೀಡಿದಾಗ ಮುಖ್ಯ ಶಿಕ್ಷಕಿ ಹಂಜಗಿ ರಜೆ ಪಡೆಯದೇ ಗೈರು ಹಾಜರಾಗಿದ್ದು ಬೆಳಕಿಗೆ ಬಂದಿದೆ. ಕ್ಷೇತ್ರ ಶಿಕ್ಷಣಾಧಿಕಾರಿಗಳಿಗೂ ಮಾಹಿತಿ ನೀಡದೇ ಇರುವುದನ್ನ ಅರಿತ ಸಿಇಓ ತಕ್ಷಣವೇ ಮುಖ್ಯ ಶಿಕ್ಷಕಿಯನ್ನ ಅಮಾನತುಗೊಳಿಸಿದರು.
ತಾಲೂಕು ಪಂಚಾಯತಿ ಕಾರ್ಯನಿರ್ವಾಹಕ ಅಧಿಕಾರಿ ಸಂಜೀವ ಹಿಪ್ಪರಗಿ, ಗ್ರಾಮ ಪಂಚಾಯತಿ ಅಧ್ಯಕ್ಷ ಗುರುಲಿಂಗಪ್ಪಾ ಪೂಜಾರಿ, ಪಿಡಿಓ ಎಂ.ಎಸ್.ರೂಗಿ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.