ಹುಬ್ಬಳ್ಳಿ: ಪ್ರೂಟ್ ಇರ್ಫಾನ ಮಗನಿಂದ “ಅಬ್ದುಲ ದೇಸಾಯಿ ಮೇಲೆ FIR”- ಪೂರ್ಣ ವಿವರ ಇಲ್ಲಿದೆ ನೋಡಿ…

ಹುಬ್ಬಳ್ಳಿ: ಕಾರಿನಲ್ಲಿ ತೆರಳುವಾಗ ಪರಸ್ಪರ ನೋಡಿಕೊಂಡ ವಿಚಾರವಾಗಿ ಗಲಾಟೆ ನಡೆದಿದ್ದು, ವ್ಯಕ್ತಿಯೊಬ್ಬರ ಮೇಲೆ ಹಲ್ಲೆ ನಡೆಸಿ ಕೊಲೆ ಬೆದರಿಕೆ ಹಾಕಲಾಗಿದೆ ಎಂದು ಆರೋಪಿಸಿ ಹುಬ್ಬಳ್ಳಿ ಪೊಲೀಸರಿಗೆ ದೂರು ನೀಡಲಾಗಿದೆ.

ಅಕ್ಟೋಬರ್ 7ರಂದು ಬೆಂಗೇರಿ ಸಂತೆ ಮೈದಾನದ ಬಳಿ ಘಟನೆ ನಡೆದಿದ್ದು, ಅರ್ಬಾಜ್‌ ಹಂಚಿನಾಳ (27) ನೀಡಿದ ದೂರಿನ ಮೇರೆಗೆ ಹ್ಯಾರಿಸ್ ಪಠಾಣ್, ಅಬ್ದುಲ್ ದೇಸಾಯಿ, ಹ್ಯಾರಿಸ್ ಪತ್ನಿ ಸೇರಿದಂತೆ ಇತರರ ವಿರುದ್ಧ ಪ್ರಕರಣ ದಾಖಲಾಗಿದೆ.

ಮದುವೆ ಕಾರ್ಯಕ್ರಮಕ್ಕೆ ತೆರಳುತ್ತಿದ್ದ ವೇಳೆ ಮಾತಿನ ಚಕಮಕಿ ನಡೆದು, ಬಳಿಕ ತಮ್ಮ ಹಾಗೂ ಸ್ನೇಹಿತ ಪ್ರೇಮ್ ಗೋಡಕೆ ಮೇಲೆ ಹಲ್ಲೆ ನಡೆಸಲಾಗಿದೆ. ಅಲ್ಲದೆ, ಚಾಕು ಮತ್ತು ಪಿಸ್ತೂಲ್ ತೋರಿಸಿ ಕೊಲೆ ಬೆದರಿಕೆ ಹಾಕಲಾಗಿದೆ ಎಂದು ಅರ್ಬಾಜ್‌ ದೂರಿನಲ್ಲಿ ಆರೋಪಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.