ನವಲಗುಂದದ “ಸುಲೇಮಾನ ನಾಶಿಪುಡಿ”ಗೆ ಮನ್ನಣೆ ನೀಡಿದ ರಾಜ್ಯ ಸರಕಾರ… ನಿರ್ದೇಶಕ ಸ್ಥಾನಕ್ಕೆ ನೇಮಕ…
ಬೆಂಗಳೂರು: ಮೂಲ ಕಾಂಗ್ರೆಸ್ ಕಾರ್ಯಕರ್ತರನ್ನ ಗುರುತಿಸುವ ಕಾರ್ಯವನ್ನ ರಾಜ್ಯ ಸರಕಾರ ಮಾಡಿದ್ದು, ಪಕ್ಷದ ಏಳಿಗೆಗಾಗಿ ದುಡಿಯುವವರಿಗೆ ಸ್ಥಾನಮಾನ ನೀಡಿ ಗೌರವಿಸುವ ಆದೇಶ ಹೊರ ಬಿದ್ದಿದೆ.
ನವಲಗುಂದ ಕ್ಷೇತ್ರದ ಮೂಲ ಕಾಂಗ್ರೆಸ್‌ನ ಸುಲೇಮಾನ ನಾಶಿಪುಡಿ ಅವರನ್ನ ಮೈಸೂರು ಇಲೆಕ್ಟ್ರಿಕಲ್ ಇಂಡಸ್ಟ್ರಿ ಲಿಮಿಟೆಡ್‌ಗೆ ನಿರ್ದೇಶಕರನ್ನಾಗಿ ನೇಮಕ ಮಾಡಿ ಆದೇಶ ಹೊರಡಿಸಿದ್ದು, ಯುವ ಕಾರ್ಯಕರ್ತರಲ್ಲಿ ಹುಮ್ಮಸ್ಸು ಹೆಚ್ಚಿಸಿದೆ.
ನವಲಗುಂದ ಕ್ಷೇತ್ರದಲ್ಲಿ ಪಕ್ಷದ ಸಂಘಟನೆಗಾಗಿ ಹಗಲಿರುಳು ಶ್ರಮಿಸುವ ವಿನೋದ ಅಸೂಟಿ ಅವರೊಂದಿಗೆ ಸದಾಕಾಲ ಜೊತೆಗಿದ್ದ ಪರಿಣಾಮ, ಸರಕಾರ ಅವಕಾಶ ನೀಡಿದೆ ಎನ್ನಲಾಗುತ್ತಿದೆ. ಇದು ಮೂಲ ಕಾರ್ಯಕರ್ತರಲ್ಲಿ ಸಂತಸ ಮೂಡಿಸಿದೆ.
