“ಕೇಂದ್ರ ಸಚಿವ PJ” ಅವರಿಗೆ ಅಪಮಾನ: ಆರೋಪಿಯನ್ನ ಕೈ-ಕಾಲು ಮುಗಿಯುವ ಸ್ಥಿತಿಗೆ ತಂದ ಯುವ ಮೋರ್ಚಾದ ಮಂಜುನಾಥ ಹೆಬಸೂರ… ಪೊಲೀಸ್ ವಶದಲ್ಲಿ ಪ್ರಜ್ವಲಗೌಡ ಪಾಟೀಲ…
ಹುಬ್ಬಳ್ಳಿ: ಕೇಂದ್ರ ಸಚಿವ ಪ್ರಲ್ಹಾದ ಜೋಶಿಯವರ ಭಾವಚಿತ್ರದಲ್ಲಿ ಪಾದರಕ್ಷೆಗಳ ಹಾರ ಹಾಕಿ, ಅಸಭ್ಯ ರೀತಿಯಲ್ಲಿ ಹಾಡು ಸೇರಿಸಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದ ಯುವಕನನ್ನ ಪೊಲೀಸರು ಎಳೆ ತರುವಂತೆ ಮಾಡುವಲ್ಲಿ ಮಹಾನಗರ ಜಿಲ್ಲಾ ಯುವ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಮಂಜುನಾಥ ಹೆಬಸೂರ ಯಶಸ್ವಿಯಾಗಿದ್ದಾರೆ.
ಪ್ರಜ್ವಲಗೌಡ ಪಾಟೀಲ ಎಂಬ ಯುವಕ ಸೋಷಿಯಲ್ ಮೀಡಿಯಾದಲ್ಲಿ ಹಾಕಿದ್ದ ಪೋಸ್ಟ್ ನೋಡಿದ ತಕ್ಷಣವೇ ಮಂಜುನಾಥ ಹೆಬಸೂರ ನವನಗರ ಪೊಲೀಸ್ ಠಾಣೆಗೆ ಹೋಗಿ ದೂರು ನೀಡಿದ್ದರು. ಅಷ್ಟೇ ಅಲ್ಲ, ಆತನನ್ನ ಪೊಲೀಸರು ವಶಕ್ಕೆ ಪಡೆಯುವವರೆಗೆ ನಿರಂತರವಾಗಿ ಬೆನ್ನು ಬಿದ್ದಿದ್ದರು.
ದೂರು ನೀಡಿದ ಸಮಯದಲ್ಲಿನ ವೀಡಿಯೋ..
ಇದೀಗ ಆರೋಪಿ ಪ್ರಜ್ವಲಗೌಡ ಪಾಟೀಲನನ್ನ ಪೊಲೀಸರು ಹೆಡಮುರಿ ಕಟ್ಟಿದ್ದು, ಮಾಡಿದ ತಪ್ಪನ್ನ ಒಪ್ಪಿಕೊಂಡಿದ್ದಾನೆ. ಅಷ್ಟೇ ಅಲ್ಲ, ಜೀವನದಲ್ಲಿ ಯಾವತ್ತೂ ಇಂತಹ ತಪ್ಪುಗಳನ್ನ ಮಾಡುವುದಿಲ್ಲವೆಂದು ಬರೆದು ಕೊಟ್ಟಿದ್ದಾನೆಂದು ಗೊತ್ತಾಗಿದೆ.
ಭಾರತೀಯ ಜನತಾ ಪಕ್ಷದ ಯುವ ಮುಖಂಡ ಮಂಜುನಾಥ ಹೆಬಸೂರ, ತಮ್ಮ ನಾಯಕರಿಗೆ ಆದ ಅಪಮಾನ ತಮಗೆ ಆಗಿದ್ದು ಎಂದುಕೊಂಡು ನಿಂತ ಪರಿಣಾಮ ಆರೋಪಿ ಸಿಗಲು ಕಾರಣವಾಗಿದೆ. ಇಂತಹ ಯುವಕರು ಪಕ್ಷದಲ್ಲಿನ ನಿಜವಾದ “ಕಮಲ”ಗಳು ಎನ್ನುವುದರಲ್ಲಿ ಯಾವುದೇ ಸಂಶಯವಿಲ್ಲ.
