ದೇವರಗುಡಿಹಾಳದಲ್ಲಿ ಸಿಕ್ಕ ರುಂಡಕ್ಕೆ ಕುಸುಗಲ್ ರಸ್ತೆಯಲ್ಲಿ ಸಿಕ್ಕ ಮುಂಡ…!
1 min read
ದೇವರಗುಡಿಹಾಳ ಬಳಿಯಲ್ಲಿ ದೇಹವನ್ನ ಸುಟ್ಟು ಹಾಕಿರುವ ಶಂಕೆ ವ್ಯಕ್ತವಾಗಿದ್ದು, ಈಗ ಸಿಕ್ಕಿರುವ ದೇಹದಲ್ಲಿ ಕೈ ಹಾಗೂ ಕಾಲುಗಳು ನಾಪತ್ತೆಯಾಗಿದ್ದು, ಅವುಗಳಿಗಾಗಿ ಪೊಲೀಸರು ಇನ್ನೂ ಹುಡುಕಾಟ ಮಾಡಬೇಕಿದೆ..
ಹುಬ್ಬಳ್ಳಿ: ತಾಲೂಕಿನ ದೇವರಗುಡಿಹಾಳ ಗ್ರಾಮದ ಹೊರವಲಯದಲ್ಲಿ ಸಿಕ್ಕಿದ್ದ ರುಂಡದ ದೇಹವೂ ಕುಸುಗಲ್ ರಸ್ತೆಯ ಸಂಸ್ಕಾರ ಶಾಲೆಯ ಸಮೀಪದಲ್ಲಿ ಚೀಲವೊಂದರಲ್ಲಿ ಸಿಲುಕಿದ್ದು, ಇದು ಅದೇ ರುಂಡದ ದೇಹವಾ ಎಂಬುದು ಮತ್ತಷ್ಟು ಗೊಂದಲ ಮೂಡಿಸಿದೆ.
ಹುಬ್ಬಳ್ಳಿ ಗ್ರಾಮೀಣ ಠಾಣೆ ಪೊಲೀಸರನ್ನ ತಲೆ ಕೆಡಿಸಿದ್ದ ಪ್ರಕರಣವಿದು. ಬೆಳಿಗ್ಗೆ ಸಾರ್ವಜನಿಕರ ಮಾಹಿತಿಯ ಮೇರೆಗೆ ರುಂಡವೊಂದು ಹುಳ ಹತ್ತಿದ ರೂಪದಲ್ಲಿ ಪತ್ತೆಯಾಗಿದ್ದು, ಅದರ ಬಳಿಯಲ್ಲಿ ಮದ್ಯದ ಬಾಟಲಿಗಳು ಕೂಡಾ ಸಿಕ್ಕಿವೆ. ಅಷ್ಟೇ ಅಲ್ಲ, ಹರಿದ ಬಟ್ಟೆಗಳು ಕೂಡಾ ಸಿಕ್ಕಿದ್ದವು.
ಸಿಕ್ಕಿರುವ ರುಂಡವನ್ನ ಕಿಮ್ಸಗೆ ರವಾನೆ ಮಾಡಿದ ನಂತರ ಪೊಲೀಸರು ಅದರ ಹಿನ್ನೆಲೆ ಗುರುತಿಸುವ ಮುನ್ನ, ದೇಹವನ್ನ ಪತ್ತೆ ಹಚ್ಚುವುದಕ್ಕೆ ಮುಂದಾಗಿದ್ದರು. ಇದೀಗ ಕುಸುಗಲ್ ರಸ್ತೆಯಲ್ಲಿನ ಚೀಲವೊಂದರಲ್ಲಿ ದೇಹವೊಂದು ಸಿಕ್ಕಿದ್ದು, ಇದು ಗುಡಿಹಾಳ ರಸ್ತೆಯಲ್ಲಿ ಸಿಕ್ಕಿರೋ ರುಂಡದ ದೇಹವಾ ಎಂಬುದನ್ನ ಪತ್ತೆ ಹಚ್ಚಬೇಕಿದೆ.
ಗ್ರಾಮೀಣ ಪೊಲೀಸರಿಗೆ ಚಾಲೆಂಜ್ ಆಗಿರುವ ಪ್ರಕರಣದಲ್ಲಿ ಮೊದಲು ಸಿಕ್ಕಿರುವ ದೇಹ ಯಾರದ್ದೂ ಎಂಬುದನ್ನ ಪತ್ತೆ ಮಾಡಬೇಕಿದೆ. ನಂತರ ಇದರ ಹಿಂದಿರುವ ಕಿರಾತಕರನ್ನ ಪತ್ತೆ ಹಚ್ಚಬೇಕಿದೆ.
