Big Impact- MP, Mla ಕಾಯದೆ ರಸ್ತೆ ಸುಧಾರಿಸಲು ನಿಂತ ಹಾರೋಬೆಳವಡಿ PDO: ವಿದ್ಯಾರ್ಥಿಯ ನೋವಿಗೆ ಸ್ಪಂದನೆ..
ಬಾಲಕನ ಕಣ್ಣೀರಿಗೆ ಸ್ಪಂದನೆ: ರಸ್ತೆ ಕಾಮಗಾರಿ ಆರಂಭ
ಕರ್ನಾಟಕವಾಯ್ಸ್ ವರದಿಗೆ ಸ್ಪಂದನೆ
ಧಾರವಾಡ: ಹಾರೋಬೆಳವಡಿ ಗ್ರಾಮದಿಂದ ಆಯಟ್ಟಿ ಗ್ರಾಮಕ್ಕೆ ಸಂಪರ್ಕ ಕಲ್ಪಿಸುವ ಹದಗೆಟ್ಟ ರಸ್ತೆಯಿಂದ ಶಾಲಾ-ಕಾಲೇಜು ವಿದ್ಯಾರ್ಥಿಗಳು ಹಾಗೂ ಗ್ರಾಮಸ್ಥರು ಎದುರಿಸುತ್ತಿದ್ದ ಸಂಕಷ್ಟಕ್ಕೆ ಇದೀಗ ಪರಿಹಾರದ ಹೆಜ್ಜೆ ಇಡಲಾಗಿದೆ.
ರಸ್ತೆಯ ದುಸ್ಥಿತಿ ಕುರಿತು ಕರ್ನಾಟಕವಾಯ್ಸ್.ಕಾಂನಲ್ಲಿ ನಿನ್ನೆ ವರದಿ ಪ್ರಕಟಿಸಲಾಗಿತ್ತು. ಇದೇ ವೇಳೆ ವಿದ್ಯಾರ್ಥಿಯೊಬ್ಬ ರೀಲ್ಸ್ ಮೂಲಕ “ದಯವಿಟ್ಟು ನಮ್ಮ ಕಷ್ಟವನ್ನಾದರೂ ಅರ್ಥ ಮಾಡಿಕೊಳ್ಳಿ” ಎಂದು ಕೈಮುಗಿದು ಸರ್ಕಾರಕ್ಕೆ ಮನವಿ ಮಾಡಿದ್ದ ದೃಶ್ಯ ಗಮನ ಸೆಳೆದಿತ್ತು.
ವರದಿ ಹಾಗೂ ಬಾಲಕನ ಮನವಿಗೆ ಸ್ಪಂದಿಸಿರುವ ಗ್ರಾಮ ಪಂಚಾಯಿತಿ ಇದೀಗ ರಸ್ತೆ ಸುಧಾರಣಾ ಕಾಮಗಾರಿಗೆ ಮುಂದಾಗಿದೆ. ಪಿಡಿಒ ಮಾಳಣ್ಣನವರ ಸ್ಪಂದನೆಗೂ ಗ್ರಾಮಸ್ಥರಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ಒಬ್ಬ ಬಾಲಕನ ಕಣ್ಣೀರಿನ ಮನವಿ ಇದೀಗ ಗ್ರಾಮದ ರಸ್ತೆಯ ಸುಧಾರಣೆಗೆ ಕಾರಣವಾಗಿದ್ದು, ‘ಕಣ್ಣೀರಿಗೆ ನ್ಯಾಯ ಸಿಕ್ಕಿದೆ’ ಎಂಬ ಸಂತಸ ಗ್ರಾಮಸ್ಥರಲ್ಲಿ ಮೂಡಿದೆ.
