ಕಚೇರಿಗೆ ನುಗ್ಗಿ “ಸಂತೋಷ ಇಂಚಲ್”ನ ಶರ್ಟ್ ಹಿಡಿದು ಮುಖಕ್ಕೆ ಹೊಡೆದ ಮಹಿಳೆ: ಗೋಕುಲ ಠಾಣೆಯಲ್ಲಿ FIR…
ಹುಬ್ಬಳ್ಳಿಯಲ್ಲಿ ಬ್ಲ್ಯಾಕ್ಮೇಲ್ ಮತ್ತು ಹಲ್ಲೆ: 50 ಲಕ್ಷ ರೂ. ವಸೂಲಿ ಆರೋಪ, ಇಬ್ಬರ ವಿರುದ್ಧ ಪ್ರಕರಣ ದಾಖಲು
ಹುಬ್ಬಳ್ಳಿ: ವೈಯಕ್ತಿಕ ವಿಚಾರವೊಂದನ್ನು ಮುಂದಿಟ್ಟುಕೊಂಡು ವ್ಯಕ್ತಿಯೊಬ್ಬರಿಗೆ ಬೆದರಿಕೆ ಹಾಕಿ, ಬರೋಬ್ಬರಿ 50 ಲಕ್ಷ ರೂ. ಸುಲಿಗೆ ಮಾಡಿರುವ ಘಟನೆ ಹುಬ್ಬಳ್ಳಿಯಲ್ಲಿ ನಡೆದಿದೆ. ಈ ಸಂಬಂಧ ಸಂತೋಷ ಬಸಪ್ಪ ಇಂಚಲ ಎಂಬುವವರು ನೀಡಿದ ದೂರಿನ ಮೇರೆಗೆ ಅರುಣಾ ಸುರೇಶ ಮತ್ತು ರೋಹಿತ ಸುರೇಶ ಎಂಬುವವರ ವಿರುದ್ಧ ಪ್ರಕರಣ ದಾಖಲಾಗಿದೆ.
ಸಂತೋಷ ಬಸಪ್ಪ ಇಂಚಲ ನೀಡಿರುವ ದೂರಿನ ಪ್ರತಿಯಲ್ಲಿನ ಪ್ರಮುಖ ಅಂಶಗಳು ಇಲ್ಲಿವೆ ನೋಡಿ…
- ಹಳೆಯ ಪರಿಚಯದ ಲಾಭ: ಸುಮಾರು 14 ವರ್ಷಗಳ ಹಿಂದೆ ಕೆಲಸದ ನಿಮಿತ್ತ ಪರಿಚಯವಾಗಿದ್ದ ಆರೋಪಿ ಅರುಣಾ ಸುರೇಶ ಮತ್ತು ಫಿರ್ಯಾದಿ ಸಂತೋಷ, ಕಾಲಕ್ರಮೇಣ ಆತ್ಮೀಯರಾಗಿದ್ದರು. ಈ ಸಮಯದಲ್ಲಿ ಸಂತೋಷ ಅವರು ಆರೋಪಿಯ ಮನೆ ಖರ್ಚಿಗಾಗಿ ಹಣಕಾಸಿನ ನೆರವು ನೀಡುತ್ತಿದ್ದರು.
- ಬ್ಲ್ಯಾಕ್ಮೇಲ್ ತಂತ್ರ: ಇತ್ತೀಚೆಗೆ ಆರೋಪಿ ಅರುಣಾಳ ಕೌಟುಂಬಿಕ ವ್ಯಾಜ್ಯದ ಬಗ್ಗೆ ಸಂತೋಷಗೆ ತಿಳಿದು, ಆಕೆಯ ಮನೆಗೆ ಭೇಟಿ ನೀಡುವುದನ್ನು ನಿಲ್ಲಿಸಿದ್ದಾರೆ. ಇದರಿಂದ ಕುಪಿತಳಾದ ಆರೋಪಿ, “ಸಮಾಜದಲ್ಲಿ ನಿನ್ನ ಮಾನ-ಮರ್ಯಾದೆ ತೆಗೆಯುತ್ತೇನೆ” ಎಂದು ಬೆದರಿಸಿ ಹಂತ-ಹಂತವಾಗಿ 50 ಲಕ್ಷ ರೂ. ಹಣ ವಸೂಲಿ ಮಾಡಿದ್ದಾಳೆ.
- ಕಚೇರಿಯಲ್ಲೇ ಹಲ್ಲೆ: ಏಪ್ರಿಲ್ 16, 2026ರಂದು ಮಧ್ಯಾಹ್ನ 12:30ರ ಸುಮಾರಿಗೆ ಆರೋಪಿಗಳಾದ ಅರುಣಾ ಮತ್ತು ರೋಹಿತ, ಹುಬ್ಬಳ್ಳಿಯ ಗೋಕುಲ ರಸ್ತೆಯಲ್ಲಿರುವ ಸಂತೋಷ ಅವರ ಕಚೇರಿಗೆ ಅತಿಕ್ರಮವಾಗಿ ಪ್ರವೇಶಿಸಿದ್ದಾರೆ.
- ಅಪಶಬ್ದ ಮತ್ತು ಜೀವ ಬೆದರಿಕೆ: ಕಚೇರಿಯೊಳಗೆ ನುಗ್ಗಿ ಏಕವಚನದಲ್ಲಿ ನಿಂದಿಸಿ, “ಹಣ ಏಕೆ ಕೊಡುತ್ತಿಲ್ಲ? ಹಣ ನೀಡದಿದ್ದರೆ ನಿನ್ನ ಮರ್ಯಾದೆಯನ್ನು ಹರಾಜು ಹಾಕುತ್ತೇವೆ” ಎಂದು ಬೆದರಿಕೆ ಹಾಕಿದ್ದಾರೆ. ಇದೇ ವೇಳೆ ರೋಹಿತ ಸಂತೋಷ ಅವರನ್ನು ಹಿಡಿದುಕೊಂಡರೆ, ಅರುಣಾ ಅವರ ಶರ್ಟ್ ಹಿಡಿದು ಮುಖಕ್ಕೆ ಹಲ್ಲೆ ನಡೆಸಿದ್ದಾರೆ.
- ಪ್ರಾಣಾಪಾಯದ ಎಚ್ಚರಿಕೆ: ಸ್ಥಳೀಯರು ಮಧ್ಯಪ್ರವೇಶಿಸಿ ಫಿರ್ಯಾದಿಯನ್ನು ರಕ್ಷಿಸಿದ್ದಾರೆ. ಈ ವೇಳೆ ಆರೋಪಿಗಳು, “ಇಂದು ಬಚಾವಾದೆ, ಇಲ್ಲದಿದ್ದರೆ ನಿನ್ನನ್ನು ಜೀವ ಸಹಿತ ಬಿಡುವುದಿಲ್ಲ” ಎಂದು ಕೊಲೆ ಬೆದರಿಕೆ ಹಾಕಿ ಪರಾರಿಯಾಗಿದ್ದಾರೆ.
ಸದ್ಯ ಈ ಘಟನೆಯ ಕುರಿತು ಹುಬ್ಬಳ್ಳಿಯ ಗೋಕುಲ ರಸ್ತೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಆರೋಪಿಗಳ ವಿರುದ್ಧ ತನಿಖೆ ಮುಂದುವರೆದಿದೆ.
