ಧಾರವಾಡದ ರೇಗೆ ಆಟೋ ಸರ್ವೀಸಗೆ ಬೆಂಕಿ..!
1 min readಧಾರವಾಡ: ನಗರದ ಓಲ್ಡ್ ಡಿಎಸ್ಪಿ ಕ್ರಾಸ್ ಬಳಿಯಿರುವ ರೇಗೆ ಆಟೋ ಸರ್ವೀಸಗೆ ಬೆಂಕಿ ತಗುಲಿದ್ದು, ಅಗ್ನಿಶಾಮಕ ದಳ ಹಾಗೂ ಪೊಲೀಸರಿಂದ ಬೆಂಕಿ ನಂದಿಸಲು ಪ್ರಯತ್ನ ಪಡುತ್ತಿದ್ದಾರೆ.
ದ್ವಿಚಕ್ರವಾಹನಗಳನ್ನ ದುರಸ್ತಿ ಮಾಡುವ ರೇಗೆ ಆಟೋ ಸರ್ವೀಸನಲ್ಲಿ ಆಕಸ್ಮಿಕವಾಗಿ ಬೆಂಕಿ ತಗುಲಿದ್ದು, ಮನೆಗೂ ತಗುಲುವ ಸಾಧ್ಯತೆಯಿದ್ದು, ಅದನ್ನ ತಡೆಯುವ ಪ್ರಯತ್ನವನ್ನ ಅಗ್ನಿಶಾಮಕ ದಳದ ಸಿಬ್ಬಂದಿ ಮಾಡುತ್ತಿದ್ದಾರೆ.
ಉಪನಗರ ಠಾಣೆ ಪೊಲೀಸರು ಸ್ಥಳಕ್ಕೆ ಆಗಮಿಸಿದ್ದು, ಸಾರ್ವಜನಿಕರು ಹತ್ತಿರ ಬರದಂತೆ ತಡೆಗಟ್ಟುತ್ತಿದ್ದು, ಬೆಂಕಿ ತಗುಲಿದ ಸ್ಥಳದಲ್ಲಿ ನೂರಾರು ಜನರು ಜಮಾವಣೆಗೊಂಡಿದ್ದಾರೆ.
ಈಗಾಗಲೇ ರೇಗೆ ಆಟೋ ಸರ್ವಿಸ್ ನಲ್ಲಿದ್ದ ಕೆಲವು ವಸ್ತುಗಳು ಸುಟ್ಟು ಕರಕಲಾಗಿದ್ದು, ಇನ್ನುಳಿದ ವಸ್ತುಗಳು ಉಳಿಸುವ ಪ್ರಯತ್ನ ನಡೆದಿದೆ. ಸಧ್ಯ ಬೆಂಕಿಯನ್ನ ಹತೋಟಿಗೆ ತರುವಲ್ಲಿ ಅಗ್ನಿಶಾಮಕ ದಳ ಯಶಸ್ವಿಯಾಗುತ್ತಿದೆ.
