ಧಾರವಾಡ: ಕೃಷಿ ಮೇಳದ ಮೊದಲ ದಿನವೇ ಅವಘಡ- ನೆಲಕ್ಕುರುಳಿದ ಶಾಪ್ಗಳು, ಮೂವರು ಬಚಾವ್…
ಕಳಪೆ ನಿರ್ಮಾಣದ ಆರೋಪ; ಅಗ್ನಿಶಾಮಕ ದಳ, ಪೊಲೀಸರ ಸಮಯಪ್ರಜ್ಞೆಯಿಂದ ತಪ್ಪಿದ ಭಾರೀ ಅನಾಹುತ
ಧಾರವಾಡ: ಧಾರವಾಡ ಕೃಷಿ ವಿಶ್ವವಿದ್ಯಾಲಯದಲ್ಲಿ ಇಂದಿನಿಂದ ಆರಂಭಗೊಂಡಿರುವ ಕೃಷಿ ಮೇಳದ ಮೊದಲ ದಿನವೇ ಬಹುದೊಡ್ಡ ಅವಘಡ ಸಂಭವಿಸಿದ್ದು, ಅದೃಷ್ಟವಶಾತ್ ಮೂವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಮೇಳದಲ್ಲಿ ನಿರ್ಮಿಸಲಾಗಿದ್ದ 7 ತಾತ್ಕಾಲಿಕ ಶಾಪ್ಗಳು ಬಲವಾದ ಗಾಳಿಗೆ ಕುಸಿದು ಬಿದ್ದಿದ್ದು, ಅವುಗಳೊಳಗಿದ್ದ ಮೂವರು ಸಿಲುಕಿಕೊಂಡಿದ್ದರು. ಘಟನೆ ಬಳಿಕ ಮೇಳದ ಆವರಣದಲ್ಲಿ ಕೆಲಕಾಲ ಆತಂಕದ ವಾತಾವರಣ ನಿರ್ಮಾಣವಾಗಿತ್ತು.
ತಕ್ಷಣವೇ ಸ್ಥಳಕ್ಕೆ ಧಾವಿಸಿದ ಅಗ್ನಿಶಾಮಕ ದಳ ಹಾಗೂ ಧಾರವಾಡ ಉಪನಗರ ಠಾಣೆ ಪೊಲೀಸರು ರಕ್ಷಣಾ ಕಾರ್ಯಾಚರಣೆ ನಡೆಸಿ, ಅವಶೇಷಗಳ ನಡುವೆ ಸಿಲುಕಿದ್ದ ಮೂವರನ್ನು ಸುರಕ್ಷಿತವಾಗಿ ಹೊರತೆಗೆದಿದ್ದಾರೆ.
ಶಾಪ್ಗಳ ನಿರ್ಮಾಣವನ್ನು ಸಮರ್ಪಕವಾಗಿ ಮಾಡದಿರುವುದೇ ಅವಘಡಕ್ಕೆ ಕಾರಣ ಎಂಬ ಆರೋಪ ಕೇಳಿಬಂದಿದ್ದು, ಸಾವಿರಾರು ಜನರು ಸೇರುವ ಕೃಷಿ ಮೇಳದಲ್ಲಿ ತಾತ್ಕಾಲಿಕ ನಿರ್ಮಾಣಗಳ ಸುರಕ್ಷತೆಯನ್ನು ಸಮರ್ಪಕವಾಗಿ ಪರಿಶೀಲಿಸಲಾಗಿತ್ತೇ ಎಂಬ ಗಂಭೀರ ಪ್ರಶ್ನೆ ಎದುರಾಗಿದೆ.
ಮೂವರು ಪ್ರಾಣಾಪಾಯದಿಂದ ಪಾರಾಗಿರುವುದು ಸಮಾಧಾನಕರವಾದರೂ, ಇದೇ ಘಟನೆ ಹೆಚ್ಚಿನ ಜನರಿದ್ದ ಸಂದರ್ಭದಲ್ಲಿ ಸಂಭವಿಸಿದ್ದರೆ ಭಾರೀ ಅನಾಹುತಕ್ಕೆ ಕಾರಣವಾಗಬಹುದಿತ್ತು. ಹೀಗಾಗಿ ಮೇಳದ ಆವರಣದಲ್ಲಿರುವ ಉಳಿದ ತಾತ್ಕಾಲಿಕ ಶಾಪ್ಗಳು ಹಾಗೂ ಇತರ ನಿರ್ಮಾಣಗಳ ಸುರಕ್ಷತೆಯನ್ನು ಅಧಿಕಾರಿಗಳು ತಕ್ಷಣ ಪರಿಶೀಲಿಸಬೇಅನಾಹುತ
