ಧಾರವಾಡ ಜಿಲ್ಲೆಯಲ್ಲೇ ಇಂತಹ ಘಟನೆ ಎಂದೂ ನಡೆದಿರಲಿಲ್ಲ: ವೃದ್ಧನ ಅಶ್ಲೀಲತೆ ವೀಡಿಯೋ ವೈರಲ್

ಧಾರವಾಡ: ವಯೋವೃದ್ಧನೋರ್ವ ತನ್ನದೇ ಮನೆಯ ಅಂಗಳದಲ್ಲಿ ಕುಳಿತ ಬಾಲಕಿಗೆ ಅಶ್ಲೀಲತೆಯಿಂದ ನಡೆದುಕೊಂಡ ವೀಡಿಯೋ ವೈರಲ್ ಆಗಿದ್ದು, 65ರ ಆಸುಪಾಸಿನ ಮುದುಕ ನಾಪತ್ತೆಯಾಗಿದ್ದಾನೆ.

ಇಂತಹ ಅಸಹ್ಯಕರ ಘಟನೆಯೊಂದು ಧಾರವಾಡ ಜಿಲ್ಲೆಯ ಕುಂದಗೋಳ ತಾಲೂಕಿನ ಹಿರೇಹರಕುಣಿ ಗ್ರಾಮದಲ್ಲಿ ನಡೆದಿದ್ದು, ಅಜ್ಜ ಬಸವರಾಜ ಮಡ್ಲಿ ಮೇಲೆ ಪ್ರಕರಣ ದಾಖಲಾಗಿದೆ.

ಎರಡು ಪುಟ್ಟ ಬಾಲಕಿಯರು ಮನೆಯ ಮುಂದೆ ಪಾತ್ರೆ ತೊಳೆಯುತ್ತಿದ್ದಾಗ, ಓರ್ವ ಬಾಲಕಿಯನ್ನ ತನ್ನತ್ತ ಸೆಳೆಯುವ ವಯೋವೃದ್ಧ ತನ್ನ ಅಂಗಾಂಗವನ್ನ ತೋರಿಸುವ ಯತ್ನವನ್ನ ಮಾಡುತ್ತಾನೆ. ಇದನ್ನೇಲ್ಲ ದೂರದಲ್ಲಿ ಕುಳಿತ ಯುವಕನೋರ್ವ ವೀಡಿಯೋ ಮಾಡಿದ್ದು, ಪ್ರಕರಣ ಬೆಳಕಿಗೆ ಬರಲು ಕಾರಣವಾಗಿದೆ.

ವೃದ್ಧನ ಆಟಾಟೋಪದ ಬಗ್ಗೆ ಮಾಹಿತಿ ಪಡೆದ ಧಾರವಾಡ ಮಹಿಳಾ ಠಾಣೆಯ ಇನ್ಸಪೆಕ್ಟರ್ ಕಾಮನಬೈಲ್ ಪ್ರಕರಣವನ್ನ ದಾಖಲು ಮಾಡಿಕೊಂಡು, ನಾಪತ್ತೆಯಾಗಿರುವ ಆಸಾಮಿಯ ಹುಡುಕಾಟ ನಡೆಸಿದ್ದಾರೆ.

ವೃದ್ಧನ ಆವಾಂತರದ ವೀಡಿಯೋ ಒಂದು ನಿಮಿಷಕ್ಕೂ ಹೆಚ್ಚಿದ್ದು, ತೀರಾ ತೋರಿಸದ ರೀತಿಯಲ್ಲಿದೆ. ಹೀಗಾಗಿ ಅದನ್ನ ಇಲ್ಲಿ ಹಾಕಲಾಗುತ್ತಿಲ್ಲ. ಅದೇ ಕಾರಣಕ್ಕೆ ಕೇವಲ ಭಾವಚಿತ್ರಗಳನ್ನ ಬಳಕೆ ಮಾಡಿಕೊಳ್ಳಲಾಗಿದೆ.