ತಲ್ವಾರ್ ಹಿಡಿದು, ಹುಡುಗರನ್ನ ಬಡಿದು ಶೂಟ್ ಮಾಡುತ್ತಿದ್ದವರನ್ನ ಹೆಡಮುರಿಗೆ ಕಟ್ಟಿದ ಪೊಲೀಸರು..

https://www.youtube.com/watch?v=dJ1XV1Oo4gA

ಕಲಬುರಗಿ: ಯುವಕರನ್ನ ಕರೆದುಕೊಂಡು ಹೋಗಿ ಮನಬಂದಂತೆ ಥಳಿಸಿ, ಅದನ್ನ ವೀಡಿಯೋ ಮಾಡಿ ವೈರಲ್ ಮಾಡುತ್ತಿದ್ದ ಖತರನಾಕ್ ಕಿಲಾಡಿಗಳನ್ನ ಬಂಧಿಸುವಲ್ಲಿ ಕಲಬುರಗಿ ನಗರ ರೌಡಿ ನಿಗ್ರಹ ಪಡೆ ಯಶಸ್ವಿಯಾಗಿದೆ.

ಕಳೆದ ರಾತ್ರಿ ಕಲಬುರಗಿ ನಗರದ ಹೊರವಲಯದಲ್ಲಿ ಬಂಧನ ಮಾಡಲಾಗಿದ್ದು, ಬಿಲ್ಡಪ್ ಕೊಡಲು ಅನೇಕರನ್ನು ಥಳಿಸಿ ವೀಡಿಯೋ ಮಾಡಿಕೊಳ್ಳುತ್ತಿದ್ದ ದುರುಳರಿಗೆ ಪೊಲೀಸರ ಹೆಡಮುರಿಗೆ ಕಟ್ಟಿದ್ದಾರೆ. ಕೈಯಲ್ಲಿ ಮಾರಕಾಸ್ತ್ರಗಳನ್ನು ಹಿಡಿದು ವಿಡಿಯೋ ಮಾಡಿಕೊಂಡಿದ್ದರು. ಯುವಕನೋರ್ವನನ್ನು ಹಿಗ್ಗಾಮುಗ್ಗಾ ಥಳಿಸಿದ್ದು, ತಲೆ ಕೆಳೆಗೆ ಕೈ ಕಾಲು ಮಾಡಿ ಹಿಡಿದು ಥಳಿಸಿರೋದನ್ನ ವೀಡಿಯೋ ಮಾಡಿಕೊಂಡಿದ್ದರು.

ದರೋಡೆ, ಲ್ಯಾಂಡ್ ಡೀಲ್ ಕೇಸ್ ಮಾಡುತ್ತಿದ್ದ ಖತರ್ನಾಕ ಕಿಲಾಡಿಗಳಾದ ಮಿರ್ಜಾ ಬೇಗ್, ಮಿರ್ಜಾ ಸಲ್ಮಾನ್, ಮಹಮ್ಮದ್ ರಪೀಕ್, ಶೇಖ್ ವಸೀಂ, ಮಹಮ್ಮದ್ ಜುಬೇರ್, ಮಾಜೀದ್ ಬಂಧಿಸಲಾಗಿದೆ. ಬಂಧಿತರಿಂದ ಎರಡು ತಲವಾರ್, ಮೂರು ಲಾಂಗ್ ಜಪ್ತಿ ಮಾಡಲಾಗಿದ್ದು, ಕಲಬುರಗಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.