“ಹ್ಯಾರಿಸ್ ಪಠಾಣ ಕಂಪ್ಲೇಟ್” ಇಸ್ಮಾಯಿಲ್ ತಮಾಟಗಾರ, ಇಕಬಾಲ್ ತಮಾಟಗಾರ ಮೇಲೂ FIR… ಅರ್ಬಾಜ್ ಬಿಟ್ಟು ಹತ್ಯೆ ಯತ್ನ…!?
ಮದುವೆ ಸಮಾರಂಭದಲ್ಲೇ ಹಳೆಯ ವೈಷಮ್ಯಕ್ಕೆ ಘರ್ಷಣೆ? ಹಲ್ಲೆ ಆರೋಪದಡಿ 9 ಮಂದಿ ವಿರುದ್ಧ ದೂರು!
ಹುಬ್ಬಳ್ಳಿ–ಧಾರವಾಡ: ಮದುವೆಯಂತಹ ಶುಭ ಸಮಾರಂಭದಲ್ಲೇ ಹಳೆಯ ವೈಷಮ್ಯ ಮುಂದಿಟ್ಟುಕೊಂಡು ಗಲಾಟೆ ಹಾಗೂ ಹಲ್ಲೆ ನಡೆಸಿದ ಆರೋಪ ಕೇಳಿಬಂದಿದ್ದು, ಪ್ರಕರಣದಲ್ಲಿ ಎಂಟು ಹೆಸರಿಸಲಾದ ವ್ಯಕ್ತಿಗಳು ಹಾಗೂ 2ರಿಂದ 3 ಅಪರಿಚಿತ ವ್ಯಕ್ತಿಗಳ ವಿರುದ್ಧ ಆರೋಪ ಉಲ್ಲೇಖಿಸಿರುವುದು ಗಮನ ಸೆಳೆದಿದೆ.
ಹ್ಯಾರಿಸ್ ಪಠಾಣ, ಪತ್ನಿ, ಮಕ್ಕಳು ನೀಡಿದ ದೂರಿನಲ್ಲಿ ಅಂಜುಮನ ಅಧ್ಯಕ್ಷ ಇಸ್ಮಾಯಿಲ್ ತಮಾಟಗಾರ ಹೆಸರಿದ್ದು, ಈ ಬಾರಿ ಇವರ ಸಹೋದರ ಯುವ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಇಕಬಾಲ್ ತಮಾಟಗಾರ ಹೆಸರು ಜೊತೆಗಿದೆ.
ದೂರಿನಲ್ಲಿ ಉಲ್ಲೇಖಿಸಿರುವ ಪ್ರಕಾರ, 2026ರ ಅಕ್ಟೋಬರ್ 7ರಂದು ಮಧ್ಯಾಹ್ನ ಸುಮಾರು 2 ಗಂಟೆಗೆ ಅರ್ಬಾಜ್ ಹಂಚಿನಾಳ (27) ಅವರು ತಮ್ಮ ಸ್ನೇಹಿತರೊಂದಿಗೆ ಕಾರಿನಲ್ಲಿ ಮದುವೆ ಸಮಾರಂಭಕ್ಕೆ ಆಗಮಿಸಿದ್ದ. ಈ ವೇಳೆ ಹಳೆಯ ವೈಷಮ್ಯದ ಹಿನ್ನೆಲೆಯಲ್ಲಿ ಗಲಾಟೆ ನಡೆದಿದ್ದು, ಹಲ್ಲೆ ನಡೆದಿರುವುದಾಗಿ ದೂರಿನಲ್ಲಿ ಆರೋಪಿಸಲಾಗಿದೆ.
ಈ ಪ್ರಕರಣದಲ್ಲಿ ಅರಬಾಜ್ ಹಂಚಿನಾಳ (ಎ1), ಸಾಗರ್ ಕಲಾಲ್ (ಎ2), ದಾದಾಪೀರ್ (ಎ3), ಇಸ್ಮಾಯಿಲ್ ತಮಟಗಾರ (ಎ4), ಇಕ್ಬಾಲ್ ತಮಟಗಾರ (ಎ5), ರಹೀಮ್ ರಾಜಾಬಲಿ (ಎ6), ತೌಸಿಫ್ ಶೇಖ್ (ಎ7), ರಿಯಾಜ್ ಶೇಖ್ (ಎ8) ಹಾಗೂ ಇನ್ನೂ 2ರಿಂದ 3 ಅಪರಿಚಿತ ವ್ಯಕ್ತಿಗಳನ್ನು ಆರೋಪಿಗಳ ಪಟ್ಟಿಯಲ್ಲಿ ಉಲ್ಲೇಖಿಸಲಾಗಿದೆ.
ಶುಭ ಸಮಾರಂಭದಲ್ಲಿ ಇಂತಹ ಘಟನೆ ನಡೆದಿರುವ ಆರೋಪ ಸಾರ್ವಜನಿಕ ವಲಯದಲ್ಲಿ ಆತಂಕ ಮೂಡಿಸುವಂತಿದೆ. ಹಳೆಯ ವೈಷಮ್ಯವಿದ್ದರೂ ಅದನ್ನು ಕಾನೂನುಬಾಹಿರವಾಗಿ ಬಗೆಹರಿಸಿಕೊಳ್ಳುವ ಬದಲು ಕಾನೂನಿನ ಮಾರ್ಗ ಅನುಸರಿಸಬೇಕೆಂಬುದು ಮುಖ್ಯ. ಪ್ರಕರಣದ ಹಿನ್ನೆಲೆ, ಗಲಾಟೆಗೆ ನಿಖರ ಕಾರಣ, ಹಲ್ಲೆಯ ಸ್ವರೂಪ ಹಾಗೂ ಭಾಗಿಯಾದವರ ಪಾತ್ರದ ಕುರಿತು ಸಮಗ್ರ ತನಿಖೆಯಿಂದ ಸತ್ಯಾಂಶ ಹೊರಬರಬೇಕಿದೆ.
