ಹುಬ್ಬಳ್ಳಿ: “ಹ್ಯಾರಿಸ್ ಪಠಾಣ ಸೇಫ್”- ಫೈರೋಜ್ ಪಠಾಣ ಹತ್ಯೆ ಹಿಂದಿರುವವರೇ ಇದನ್ನೂ ಮಾಡಿದ್ದಾರಂತೆ…
ಹುಬ್ಬಳ್ಳಿಯಲ್ಲಿ ಹ್ಯಾರಿಸ್ ಪಠಾಣ್ ಹತ್ಯೆಗೆ ಸಂಚು? — “ಬದುಕುಳಿದಿದ್ದೇ ದೊಡ್ಡದು” ಎಂದ ಹ್ಯಾರಿಸ್
ಹುಬ್ಬಳ್ಳಿಯ ಶಾಂತಿನಗರ ಮಾರುಕಟ್ಟೆ ಪ್ರದೇಶದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಲು ಕುಟುಂಬ ಸಮೇತ ತೆರಳಿದ್ದ ರೌಡಿಶೀಟರ್ ಹ್ಯಾರಿಸ್ ಪಠಾಣ್ ಅವರನ್ನು ಗುರಿಯಾಗಿಸಿಕೊಂಡು ಹತ್ಯೆಗೆ ಸಂಚು ನಡೆದಿತ್ತು ಎಂದು ಅವರು ಆರೋಪಿಸಿದ್ದಾರೆ.
ಮದುವೆ ಸಮಾರಂಭಕ್ಕೆ ತೆರಳಿದ್ದ ವೇಳೆ ಈ ಘಟನೆ ನಡೆದಿದೆ ಎನ್ನಲಾಗಿದ್ದು, ಹ್ಯಾರಿಸ್ ಪಠಾಣ್ ಯಾವುದೇ ಗಂಭೀರ ಗಾಯಗಳಿಲ್ಲದೆ ಪಾರಾಗಿದ್ದಾರೆ. “ಬದುಕುಳಿದಿದ್ದೇ ದೊಡ್ಡದು” ಎಂದು ಹ್ಯಾರಿಸ್ ಪ್ರತಿಕ್ರಿಯಿಸಿದ್ದು, ಘಟನೆ ಕುರಿತು ಕಾಂಗ್ರೆಸ್ ಮುಖಂಡ ಅಬ್ದುಲ್ ದೇಸಾಯಿ ಕೂಡ ಪ್ರತಿಕ್ರಿಯಿಸಿದ್ದಾರೆ.
ಹ್ಯಾರಿಸ್ ಪಠಾಣ್ ಅವರ ಆರೋಪದ ಪ್ರಕಾರ, ಇತ್ತೀಚೆಗೆ ನಡೆದ ಫೈರೋಜ್ ಪಠಾಣ್ ಹತ್ಯೆ ಪ್ರಕರಣದಲ್ಲಿ ಜಾಮೀನು ಪಡೆದು ಹೊರಬಂದಿರುವ ಕೆಲವರೇ ಈ ಸಂಚಿನ ಹಿಂದೆ ಇದ್ದಾರೆ. ಅಲ್ಲದೆ, ಈ ಪ್ರಕರಣದಲ್ಲಿ ರಾಜಕೀಯ ಹಿನ್ನೆಲೆಯ ವ್ಯಕ್ತಿಗಳ ಕೈವಾಡವೂ ಇದೆ ಎಂಬ ಗಂಭೀರ ಆರೋಪವನ್ನು ಅವರು ಮಾಡಿದ್ದಾರೆ.
