“T ಹಿಡಸ್ತೇನಿ, ಕಾಲ್ಮರಿ, ಹೆಂಡ್ತಿ-ಮಕ್ಳಿಗೆ ಊಟ ಹಾಕ್ಸಿದ ಮಾಲಕ್ ನಾ” ಗುರೂಜಿ ಟಾಕ್ಸ್- ಪ್ರಲ್ಹಾದ ಜೋಶಿ ಟಾರ್ಗೆಟ್ ಮಾಡಿದ್ದಾ, ಮಾಡಿಸಿದ್ದಾ…!?

ಹುಬ್ಬಳ್ಳಿ: ಹೋರಾಟದ ಹೆಸರಿನಲ್ಲಿ ವೈಯಕ್ತಿಕ ದಾಳಿ? ಚರ್ಚೆಗೆ ಗ್ರಾಸ

ಹುಬ್ಬಳ್ಳಿ: ನಿನ್ನೆ ನಡೆದ ರೈತರ ಹೋರಾಟದ ವೇಳೆ ಕೇಂದ್ರ ಸಚಿವರ ವಿರುದ್ಧ ಕೇಳಿಬಂದ ವೈಯಕ್ತಿಕ ಹಾಗೂ ಅವಹೇಳನಕಾರಿ ಹೇಳಿಕೆಗಳು ಇದೀಗ ವ್ಯಾಪಕ ಚರ್ಚೆಗೆ ಗ್ರಾಸವಾಗಿವೆ.

Exclusive Videos….

ರೈತರ ಸಮಸ್ಯೆಗಳು ಹಾಗೂ ಬೇಡಿಕೆಗಳನ್ನು ಮುಂದಿಟ್ಟುಕೊಂಡು ನಡೆಯಬೇಕಿದ್ದ ಹೋರಾಟದಲ್ಲಿ ವ್ಯಕ್ತವಾದ ಕೆಲವು ಕಟುವಾದ ಮಾತುಗಳು, ಪ್ರತಿಭಟನೆಯ ನೈಜ ಉದ್ದೇಶದ ಬಗ್ಗೆಯೇ ಪ್ರಶ್ನೆ ಮೂಡುವಂತೆ ಮಾಡಿವೆ. ಇದು ರೈತರ ಹಕ್ಕುಗಳಿಗಾಗಿ ನಡೆದ ಹೋರಾಟವೇ ಅಥವಾ ಕೇಂದ್ರ ಸಚಿವರನ್ನು ವೈಯಕ್ತಿಕವಾಗಿ ಗುರಿಯಾಗಿಸಿಕೊಂಡ ಪ್ರತಿಭಟನೆಯೇ ಎಂಬ ಚರ್ಚೆ ಇದೀಗ ಮುನ್ನೆಲೆಗೆ ಬಂದಿದೆ.

ರೈತರ ಬೇಡಿಕೆಗಳಿಗಾಗಿ ಪ್ರಜಾಸತ್ತಾತ್ಮಕವಾಗಿ ಹೋರಾಟ ನಡೆಸುವುದು ಹಕ್ಕಾಗಿದ್ದರೂ, ವೈಯಕ್ತಿಕ ನಿಂದನೆ, ಅವಹೇಳನಕಾರಿ ಹೇಳಿಕೆಗಳು ಹಾಗೂ ಅತಿರೇಕದ ಭಾಷೆ ಬಳಕೆಯಾಗಿರುವುದು ಎಷ್ಟು ಸಮಂಜಸ ಎಂಬ ಪ್ರಶ್ನೆಯನ್ನು ಪ್ರಜ್ಞಾವಂತರು ಮುಂದಿಟ್ಟಿದ್ದಾರೆ.

ಈ ಹಿನ್ನೆಲೆಯಲ್ಲಿ ನಿನ್ನೆ ನಡೆದ ಘಟನೆಯ ಸಂಪೂರ್ಣ ಹಿನ್ನೆಲೆ, ಹೋರಾಟದ ಉದ್ದೇಶ ಹಾಗೂ ವಿವಾದಾತ್ಮಕ ಹೇಳಿಕೆಗಳ ಸಂದರ್ಭದ ಕುರಿತು ಸಮಗ್ರ ಪರಿಶೀಲನೆ ನಡೆಯಬೇಕು. ಹೋರಾಟದ ಹೆಸರಿನಲ್ಲಿ ವೈಯಕ್ತಿಕ ದ್ವೇಷ ಅಥವಾ ಗುರಿಸಾಧನೆಗೆ ಅವಕಾಶ ನೀಡಲಾಗಿದೆಯೇ ಎಂಬ ಬಗ್ಗೆಯೂ ನಿಷ್ಪಕ್ಷಪಾತವಾಗಿ ಪರಿಶೀಲನೆ ಅಗತ್ಯ ಎಂಬ ಅಭಿಪ್ರಾಯಗಳು ವ್ಯಕ್ತವಾಗಿವೆ.