ಧಾರವಾಡದ ಜನ್ನತನಗರದ ಮನೆಯಲ್ಲಿ “ನರಕ”ದ ರಹಸ್ಯ ಬಯಲು: Exclusive Video… ದಂಗಾದ ಅಧಿಕಾರಿಗಳು…!!!
ಧಾರವಾಡ: ಜನ್ನತನಗರದ ಸಾಮಾನ್ಯ ಮನೆಯೊಂದು ಅಬಕಾರಿ ಇಲಾಖೆಯ ದಾಳಿಯಲ್ಲಿ ಅಕ್ರಮ ಮದ್ಯದ ಅಡಗುತಾಣವಾಗಿ ಬಯಲಾಗಿದ್ದು, ಸ್ಥಳೀಯರನ್ನು ಬೆಚ್ಚಿಬೀಳಿಸಿದೆ.
Exclusive Videos
ಸತತವಾಗಿ ನಡೆಯುತ್ತಿದ್ದ ಅಕ್ರಮ ಮದ್ಯ ಮಾರಾಟದಿಂದ ಬೇಸತ್ತಿದ್ದ ಸಾರ್ವಜನಿಕರು ಅಬಕಾರಿ ಇಲಾಖೆಗೆ ದೂರು ನೀಡಿ, ಅಧಿಕಾರಿಗಳನ್ನು ನೇರವಾಗಿ ಆ ಮನೆಗೆ ಕರೆದುಕೊಂಡು ಹೋದರು. ದಾಳಿ ನಡೆಸಿದ ವೇಳೆ ಮನೆಯ ಪ್ರತಿಯೊಂದು ಮೂಲೆಯಲ್ಲೂ ಮದ್ಯವನ್ನು ಅತ್ಯಂತ ಚಾಣಾಕ್ಷತನದಿಂದ ಅಡಗಿಸಿಡಲಾಗಿತ್ತು.
ಉಪ್ಪಿನಕಾಯಿ ಬರಣಿ, ವಿವಿಧ ಡಬ್ಬಿಗಳು, ಜರ್ಮನ್ ಪಾತ್ರೆಗಳು, ಚೀಲಗಳು, ಪ್ಲಾಸ್ಟಿಕ್ ಬ್ಯಾಗ್ಗಳು ಸೇರಿದಂತೆ ಯಾರೂ ಅನುಮಾನಿಸದ ಸ್ಥಳಗಳಲ್ಲೂ ಮದ್ಯ ಸಂಗ್ರಹಿಸಿಟ್ಟಿದ್ದ ದೃಶ್ಯ ಅಧಿಕಾರಿಗಳನ್ನೇ ಬೆಚ್ಚಿಬೀಳುವಂತೆ ಮಾಡಿತು. ತಪಾಸಣೆ ವೇಳೆ ಪತ್ತೆಯಾದ ಎಲ್ಲಾ ಮದ್ಯವನ್ನು ಅಬಕಾರಿ ಇಲಾಖೆ ವಶಕ್ಕೆ ಪಡೆದಿದೆ.
ದಾಳಿಯಲ್ಲಿ ಕಂಡುಬಂದ ಅಕ್ರಮ ಮದ್ಯ ಅಡಗಿಸುವ ವಿಧಾನವೇ ಅಧಿಕಾರಿಗಳಿಗೆ ಅಚ್ಚರಿ ಮೂಡಿಸಿದ್ದು, “ಇಂತಹ ಮನೆಯನ್ನು ನಮ್ಮ ಸೇವಾವಧಿಯಲ್ಲಿ ಯಾವ ದಾಳಿಯಲ್ಲೂ ನೋಡಿರಲಿಲ್ಲ” ಎಂಬ ಮಾತು ಅಧಿಕಾರಿಗಳ ಬಾಯಿಂದಲೇ ಕೇಳಿಬಂದಿದೆ.
ಸ್ಥಳೀಯರ ಜಾಗೃತಿಯಿಂದ ಬಯಲಾದ ಈ ಕಾರ್ಯಾಚರಣೆ, ಅಕ್ರಮ ಮದ್ಯ ಜಾಲದ ಮತ್ತೊಂದು ಮುಖವನ್ನು ಬಹಿರಂಗಪಡಿಸಿದ್ದು, ಪ್ರಕರಣದ ಕುರಿತು ಅಬಕಾರಿ ಇಲಾಖೆ ಹೆಚ್ಚಿನ ತನಿಖೆ ಮುಂದುವರಿಸಿದೆ.
