”ಪೊಲೀಸ್ ಕಂಪ್ಲೇಂಟ್ ಕೊಡೋಕೆ ಬಂದ “ಬುಲ್ಡೋಜರ್”: ಕಂಪೌಂಡ್ನೇ ಉರುಳಿಸಿಬಿಡ್ತು!”🙄😮
ಧಾರವಾಡ: ನಗರದ ವಿದ್ಯಾಗಿರಿ ಪೊಲೀಸ್ ಠಾಣೆಯ ಆವರಣದಲ್ಲಿ ವಿಚಿತ್ರವೋ ಎಂಬಂತಹ ಘಟನೆಯೊಂದು ನಡೆದಿದೆ. ಅಕ್ರಮ ಕಟ್ಟಡಗಳನ್ನು ನೆಲಸಮ ಮಾಡುವ ಬುಲ್ಡೋಜರ್, ಸ್ವತಃ ಪೊಲೀಸ್ ಠಾಣೆಯ ಕಂಪೌಂಡ್ಗೆ ಡಿಕ್ಕಿ ಹೊಡೆದು ಅದನ್ನು ಧ್ವಂಸಗೊಳಿಸಿದೆ.
ರಸ್ತೆಯಲ್ಲಿ ಸಾಗುತ್ತಿದ್ದ ಬುಲ್ಡೋಜರ್ ಚಾಲಕನ ನಿಯಂತ್ರಣ ತಪ್ಪಿ ನೇರವಾಗಿ ವಿದ್ಯಾಗಿರಿ ಪೊಲೀಸ್ ಠಾಣೆಯ ಆವರಣಕ್ಕೆ ನುಗ್ಗಿದೆ. ಅತಿ ವೇಗವಾಗಿ ಬಂದ ಬುಲ್ಡೋಜರ್ ಠಾಣೆಯ ಹಿಂಭಾಗದ ಕಂಪೌಂಡ್ಗೆ ಬಲವಾಗಿ ಡಿಕ್ಕಿ ಹೊಡೆದಿದ್ದು, ಈ ರಭಸಕ್ಕೆ ಗೋಡೆ ಸಂಪೂರ್ಣವಾಗಿ ಛಿದ್ರಗೊಂಡಿದೆ. ಇನ್ನು ಸ್ವಲ್ಪ ಅಂತರದಲ್ಲಿ ಬುಲ್ಡೋಜರ್ ನಿಂತಿದ್ದರಿಂದ ಠಾಣೆಯ ಕಟ್ಟಡಕ್ಕೆ ಆಗಬಹುದಾದ ದೊಡ್ಡ ಗಂಡಾಂತರವೊಂದು ಕೂದಲೆಳೆ ಅಂತರದಲ್ಲಿ ತಪ್ಪಿದಂತಾಗಿದೆ.
ಅನಿರೀಕ್ಷಿತವಾಗಿ ಘರ್ಜಿಸುತ್ತಾ ಠಾಣೆಯ ಆವರಣಕ್ಕೆ ನುಗ್ಗಿ ಬಂದ ಬುಲ್ಡೋಜರ್ ಕಂಡು ಪೊಲೀಸರು ಹಾಗೂ ಸಾರ್ವಜನಿಕರು ಒಂದು ಕ್ಷಣ ಬೆಚ್ಚಿಬಿದ್ದರು. ಸಾಮಾನ್ಯವಾಗಿ ಜನರಿಗೆ ಬುಲ್ಡೋಜರ್ ಭಯ ಹುಟ್ಟಿಸುತ್ತದೆ, ಆದರೆ ಇಲ್ಲಿ ಬುಲ್ಡೋಜರ್ ನೇರವಾಗಿ ಕಾನೂನಿನ ಮನೆಗೇ ನುಗ್ಗಿರುವುದು ಸ್ಥಳೀಯರಲ್ಲಿ ಕುತೂಹಲ ಮೂಡಿಸಿದೆ.
ಸದ್ಯ ಪೊಲೀಸರು ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿದ್ದು, ಚಾಲಕನ ಅಜಾಗರೂಕತೆಯ ಬಗ್ಗೆ ತನಿಖೆ ಕೈಗೊಂಡಿದ್ದಾರೆ. ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ.
