ಏ.. ಬುಲ್‌ಬುಲ್ ಎನ್ನುತ್ತಿದ್ದವರಿಗೆ ಹುಬ್ಬಳ್ಳಿ ಪೊಲೀಸರೇನು ಮಾಡಿದ್ರು ಗೊತ್ತಾ…!?
1 min read
ಹುಬ್ಬಳ್ಳಿ: ಹಳೇಹುಬ್ಬಳ್ಳಿಯಲ್ಲಿ ಅಪ್ರಾಪ್ತ ಬಾಲಕಿಯನ್ನ ಬೈಕ್ ಅಡ್ಡ ಹಾಕಿ ಚುಡಾಯಿಸುತ್ತಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶುಭo, ಮೆಹಬೂಬ್, ಸಾಗರ, ಶ್ರೀವತ್ಸವ್, ಸಚಿನ್ ಎಂಬ 5 ಜನ ಆರೋಪಿಗಳನ್ನು ಬಂಧನ ಮಾಡಿ ಪೋಕ್ಸೋ ಪ್ರಕರಣ ದಾಖಲಿಸಿ ಆರೋಪಿಗಳನ್ನ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.
ವೀಡಿಯೋ…
ಕಳೆದ ಮೂರು ದಿನಗಳ ಹಿಂದೆ ಹಳೇ ಹುಬ್ಬಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಶಾಲಾ ಬಾಲಕಿ ಹೋಗುತ್ತಿದ್ದ ವೇಳೆ ಸ್ಕೂಟಿಯಲ್ಲಿ ಬಂದಿದ್ದ ಐದು ಜನ ಬಾಲಕಿಯನ್ನು ಚುಡಾಯಿಸಿದ್ದರು. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದ ಹಾಗೆ ಅಲರ್ಟ್ ಆದ ಹಳೇ ಹುಬ್ಬಳ್ಳಿ ಪೊಲೀಸರು ಬಾಲಕಿಯ ಹೇಳಿಕೆಯನ್ನು ಆಧರಿಸಿ ಬಾಲಕಿಯನ್ನು ಚುಡಾಯಿಸುತ್ತಿದ್ದ 5 ಜನ ಯುವಕರನ್ನು ಬಂಧನ ಮಾಡಿ ಆರೋಪಿಗಳಿಂದ ಐದು ಮೊಬೈಲ್ ಹಾಗೂ ಒಂದು ಸ್ಕೂಟಿಯನ್ನು ವಶಕ್ಕೇ ಪಡೆದಿದ್ದಾರೆ.
ಈ ಪೈಕಿ ಮೂವರ ವಿರುದ್ಧ ಹಳೇ ಹುಬ್ಬಳ್ಳಿ ಪೊಲೀಸ್ ಠಾಣೆ ಹಾಗೂ ಕಸಬಾಪೇಟ್ ಪೊಲೀಸ್ ಠಾಣೆಯಲ್ಲಿ ವಿವಿಧ ಪ್ರಕರಣಗಳು ದಾಖಲಾಗಿದೆ ಅಂತಾ ಪೊಲೀಸ್ ಕಮಿಷನರ್ ಎನ್ ಶಶಿಕುಮಾರ್ ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿದ್ದಾರೆ.
ಸದ್ಯ ಅವಳಿ ನಗರದ ಶಾಲಾ-ಕಾಲೇಜು ಸುತ್ತಮುತ್ತಲು ಹುಡುಗಿಯರನ್ನ ಕಾಡಿಸುವ ಪೋಲಿ ಪುಂಡರಿಗೆ ಇದೊಂದು ಸ್ಯಾಂಪಲ್ ಆಗಿದೆ.ಇನ್ನು ಮೇಲಾದ್ರೂ ಬೈಕ್ ಏರಿ ಶಾಲಾ ಕಾಲೇಜು ಸುತ್ತಮುತ್ತಲು ಹುಡುಗಿಯರನ್ನು ಕಾಡಿಸಬೇಕು ಎನ್ನೋರು ಜೈಲಿಗೆ ಹೋಗಲು ರೆಡಿ ಆಗಿರಬೇಕು ಅಂತಾ ಕಮಿಷನರ್ ಶಶಿಕುಮಾರ್ ಪುಂಡರಿಗೆ ವಾರ್ನಿಂಗ್ ನೀಡಿದ್ದಾರೆ.
