ಕನಕೂರ “ಉಪಾಧ್ಯಕ್ಷೆಯ” ಪತಿಯಿಂದ “ಗ್ರಾಪಂ ಸದಸ್ಯನ” ಮೇಲೆ ಹಲ್ಲೆ- “ರಕ್ತಸಿಕ್ತ ಸದಸ್ಯ” ಆಸ್ಪತ್ರೆಗೆ ರವಾನೆ…

ಗ್ರಾಮ ಪಂಚಾಯತಿಯಲ್ಲಿ ಮಾರಾಮಾರಿ- ಬಿಜೆಪಿ ಬೆಂಬಲಿತ ಗ್ರಾ.ಪಂ ಉಪಾಧ್ಯಕ್ಷೆ ಗಂಡನಿಂದ ಸದಸ್ಯನ ಮೇಲೆ ತೀವ್ರ ಹಲ್ಲೆ

ಧಾರವಾಡ:  ತಾಲೂಕಿನ ಕನಕೂರು ಗ್ರಾಮ ಪಂಚಾಯತಿಯಲ್ಲಿ ಮಾರಾಮಾರಿ ನಡೆದಿದ್ದು, ಸಭೆಯಲ್ಲಿ ಉಪಾಧ್ಯಕ್ಷೆಯ ಗಂಡ ಒಳಗೆ ಬಂದಿರುವುದನ್ನು ಪ್ರಶ್ನೆ ಮಾಡಿದಕ್ಕೆ ಹಲ್ಲೆ ಮಾಡಲಾಗಿದೆ.

ತಲವಾಯಿ ಗ್ರಾಮದ ಸದಸ್ಯ ಈರಪ್ಪ ಬಸಪ್ಪ ತಲವಾಯಿ ಎಂಬುವವರಿಗೆ ಗಂಭೀರವಾಗಿ ಗಾಯಗೊಂಡಿದ್ದು, ಗ್ರಾಮ ಪಂಚಾಯತಿ ಸದಸ್ಯನನ್ನ ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಕನಕೂರು ಗ್ರಾಮ ಪಂಚಾಯತ್ ಉಪಾಧ್ಯಕ್ಷೆ ಶಬನಾಬಿ ಹಂಚಿನಾಳ ಪತಿ ಚಮನಸಾಬ ಹಂಚಿನಾಳ ಎಂಬಾತನೇ ಹಲ್ಲೆ ಮಾಡಿದ್ದಾನೆಂದು ಹೇಳಲಾಗಿದೆ.

ಕನಕೂರು, ಕವಲಗೇರಿ, ಚಂದನಮಟ್ಟಿ, ತಲವಾಯಿ, ವನಹಳ್ಳಿ ಸೇರಿ 5 ಗ್ರಾಮಗಳ ವ್ಯಾಪ್ತಿಯನ್ನ ಕನಕೂರ ಗ್ರಾಮ ಪಂಚಾಯತಿ ಹೊಂದಿದೆ.

ಧಾರವಾಡ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣದ ಮಾಹಿತಿಯನ್ನ ಪಡೆಯಲಾಗುತ್ತಿದೆ.

ಒಟ್ಟು 17 ಸದಸ್ಯ ಬಲದ ಗ್ರಾಮ ಪಂಚಾಯತಿಯಲ್ಲಿ ಬಿಜೆಪಿ 9- ಹಾಗೂ ಕಾಂಗ್ರೆಸ 8 ಬೆಂಬಲಿತ ಸದಸ್ಯರಿದ್ದಾರೆ. ಬಿಜೆಪಿ ಬೆಂಬಲಿತ ಅಧ್ಯಕ್ಷ, ಉಪಾಧ್ಯಕ್ಷ ಸ್ಥಾನವನ್ನ ಕನಕೂರು ಗ್ರಾಮ ಪಂಚಾಯತಿ ಹೊಂದಿದೆ.