ಹುಬ್ಬಳ್ಳಿ ವಾಸನ್ ಐ ಕೇರ್ ಹತ್ತಿರ… ಕಳ್ಳನಿಗೆ ಬಿತ್ತು ಸಾರ್ವಜನಿಕ ಗೂಸಾ…!
1 min read
ಹುಬ್ಬಳ್ಳಿ: ನಗರದ ವಾಸನ್ ಐ ಕೇರ್ ಬಳಿಯಲ್ಲಿ ಆಟೋರಿಕ್ಷಾದಲ್ಲಿ ಕಳ್ಳತನ ಮಾಡುತ್ತಿದ್ದವನು ಸಾರ್ವಜನಿಕರ ಕೈಗೆ ಸಿಕ್ಕುಹಿಗ್ಗಾ-ಮುಗ್ಗಾ ಥಳಿಸಿಕೊಂಡ ಘಟನೆ ನಡೆದಿದೆ.
ವಾಸನ್ ಐ ಕೇರ್ ಬಳಿ ನಿಂತಿದ್ದ ಆಟೋದಲ್ಲಿದ್ದ ಪ್ರಮುಖ ವಸ್ತುಗಳನ್ನ ಕದಿಯುತ್ತಿದ್ದ ಸಮಯದಲ್ಲಿ ಸಿಕ್ಕಿ ಬಿದ್ದಿದ್ದಾನೆ. ತಕ್ಷಣವೇ ಆತನನ್ನ ಹಿಡಿದು, ಹಗ್ಗದಿಂದ ಕೈ ಕಾಲು ಕಟ್ಟಿ ಹೊಡೆಯಲಾಯಿತು.
ಆಟೋ ನಿಲ್ಲಿಸಿ ಬ್ಯಾಂಕಿಗೆ ಹೋಗಿದ್ದ ಚಾಲಕ ಮರಳಿ ಬರುವಷ್ಟರಲ್ಲಿಯೇ ಕಳ್ಳ ತನ್ನ ಕೈಚಳಕ ತೋರಿಸುತ್ತಿದ್ದ. ಚಾಲಕ ಬಂದು ಆತನನ್ನ ಕೇಳಿದಾಗ, ‘ಏ, ನನ್ನ ಆಟೋ, ನಾ ಏನಾರ್ ಮಾಡ್ತೇನಿ’ ಎಂದು ದಬಾಯಿಸಿದ್ದಾನೆ. ತಕ್ಷಣವೇ ನಿಜವಾದ ಚಾಲಕ, ಕಳ್ಳನಿಗೆ ಹಿಡಿದು ಗೂಸಾ ಕೊಟ್ಟಿದ್ದಾನೆ.
