ಒಂದೇ ಶಾಲೆಯಲ್ಲಿ 18ವಿದ್ಯಾರ್ಥಿಗಳಿಗೆ ಕೊರೋನಾ ಪಾಸಿಟಿವ್…!
ಮೈಸೂರು: ಕೊರೋನಾ ಎರಡನೇಯ ಅಲೆ ಶುರುವಾಗಿದೆ ಎನ್ನುವ ವೇಳೆಯಲ್ಲಿಯೇ ಒಂದೇ ಶಾಲೆಯಲ್ಲಿ 18 ವಿದ್ಯಾರ್ಥಿಗಳಿಗೆ ಕೊರೋನಾ ಪಾಸಿಟಿವ್ ದೃಢಪಟ್ಟಿದ್ದು, ಈ ಪ್ರಕರಣದಿಂದ ಶಾಲೆಯು ತಲ್ಲಣಗೊಂಡಂತಾಗಿದೆ.
ಮೈಸೂರು ಜಿಲ್ಲೆಯ ಟಿ ನರಸೀಪುರ ತಾಲ್ಲೂಕಿನ ಬನ್ನೂರಿನ ವಿವೇಕಾನಂದ ಶಿಕ್ಷಣ ಸಂಸ್ಥೆಯ 18 ವಿದ್ಯಾರ್ಥಿಗಳಿಗೆ ಕೊರೋನಾ ಪಾಸಿಟಿವ್ ಪತ್ತೆಯಾಗಿವೆ. ಕಂಡು ಬಂದ ವಿದ್ಯಾರ್ಥಿಗಳೆಲ್ಲರೂ 9 ಮತ್ತು 10 ನೇ ತರಗತಿಯವರಾಗಿದ್ದಾರೆ.
ಕೊರೋನಾ ಪಾಸಿಟಿವ್ ವಿದ್ಯಾರ್ಥಿಗಳಿಗೂ ಹೋಂ ಐಸೋಲೇಷನ್ ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದ್ದು, ಶಿಕ್ಷಕರು ಸೇರಿದಂತೆ ಶಾಲೆಯ 1500 ವಿದ್ಯಾರ್ಥಿಗಳಿಗೆ ಕೊರೋನಾ ಪರೀಕ್ಷೆ ನಡೆಸಲಾಗುತ್ತಿದೆ.
ವಿದ್ಯಾರ್ಥಿಗಳಿಗೆ ಕೊರೋನಾ ಪಾಸಿಟಿವ್ ಇದ್ದರೂ ಮಾಹಿತಿಯನ್ನ ನೀಡದೇ ಗೌಪ್ಯತೆಯನ್ನ ಆರೋಗ್ಯ ಇಲಾಖೆ ಕಾಪಾಡಿಕೊಂಡಿದ್ದು, ನಿಖರವಾದ ಮಾಹಿತಿಯನ್ನ ನೀಡಲು ಹಿಂದೇಟು ಹಾಕಿದೆ.
