ಯೂಥ್ ಕಾಂಗ್ರೆಸ್: ಇಮ್ರಾನ ಯಲಿಗಾರ- ವಿನೋದ ಅಸೂಟಿ ಗೆಲುವು

ಬೆಂಗಳೂರು: ರಾಜ್ಯದಲ್ಲಿ ನಡೆದ ಯುವ ಕಾಂಗ್ರೆಸ್ ಚುನಾವಣೆಯ ಫಲಿತಾಂಶ ಕೊನೆಗೂ ಪ್ರಕಟಗೊಂಡಿದ್ದು ಹುಬ್ಬಳ್ಳಿ-ಧಾರವಾಡ ಶಹರ ಯುವ ಕಾಂಗ್ರೆಸ್ ಗೆ ಅಧ್ಯಕ್ಷರಾಗಿ ಇಮ್ರಾನ ಯಲಿಗಾರ ಹಾಗೂ ಧಾರವಾಡ ಜಿಲ್ಲಾ ಯುವ ಕಾಂಗ್ರೆಸ್ ಅಧ್ಯಕ್ಷರಾಗಿ ವಿನೋದ ಅಸೂಟಿ ಆಯ್ಕೆಯಾಗಿದ್ದಾರೆ.

ತೀವ್ರ ಕುತೂಹಲ ಮೂಡಿಸಿದ್ದ ಚುನಾವಣೆಯಲ್ಲಿ ಕೊನೆಗೂ ಹಳಬರೇ ಮತ್ತೆ ಗೆಲುವು ಸಾಧಿಸಿದ್ದು, ಕೆಲವರಿಗೆ ಸಾಕಷ್ಟು ನೋವನ್ನುಂಟು ಮಾಡಿರುವುದರಲ್ಲಿ ಯಾವುದೇ ಸಂಶಯವಿಲ್ಲ.

ಧಾರವಾಡ ಜಿಲ್ಲಾ ಯುವ ಕಾಂಗ್ರೆಸ್ ಅಧ್ಯಕ್ಷ ಚುನಾವಣೆಯಲ್ಲಿ ವಿನೋದ ಅಸೂಟಿ 2469 ಮತಗಳನ್ನ ಪಡೆದು ಗೆಲುವು ಸಾಧಿಸಿದ್ದಾರೆ. ನವೀನ ಸೋನಾರ ಕೇವಲ 442 ಮತಗಳನ್ನ ಪಡೆದಿದ್ದು, ಮತ್ತೋರ್ವ ದೇವರಾಜ ಪರಸಪ್ಪನವರ 33 ಮತಗಳನ್ನ ಪಡೆದು ಸಮಾಧಾನ ಪಟ್ಟುಕೊಳ್ಳುವಂತಾಗಿದೆ.

ಹುಬ್ಬಳ್ಳಿ-ಧಾರವಾಡ ಯುವ ಕಾಂಗ್ರೆಸ್ ಅಧ್ಯಕ್ಷರಾಗಿ ಇಮ್ರಾನ ಯಲಿಗಾರ ಅತ್ಯಧಿಕ 2652 ಮತಗಳನ್ನ ಪಡೆದು ಗೆಲುವು ಸಾಧಿಸಿದ್ದಾರೆ. ಎದುರಾಳಿ ಚೈತನ್ಯ ಬಿಜವಾಡ ಕೇವಲ 1307 ಮತಗಳನ್ನ ಪಡೆದು ಹೀನಾಯವಾಗಿ ಸೋತಿದ್ದಾರೆ. ಇನ್ನುಳಿದಂತೆ ಫಾರೂಕ ಕಾಲೆಬುಡ್ಡೆ 179, ಆತ್ಮಾನಂದ ತಳವಾರ 168, ಶ್ರೇಯಾ ಹಿರೇಕೆರೂರ 68, ಅಬ್ದುಲಖಾದರ ಸಾವಂತನವರ 62, ಸದಾನಂದ ಕುಲಕರ್ಣಿ 32, ಸಂಗಮೇಶ ಕ್ಯಾತಣ್ಣನವರ 21, ಪೂರ್ಣಿಮಾ ಸವದತ್ತಿ 9 ಹಾಗೂ ಮೇಘನಾ ಗೊರವನಕೊಳ್ಳ 7 ಮತಗಳನ್ನ ಪಡೆದಿದ್ದಾರೆ.