ರಾತ್ರಿ ಹನ್ನೆರಡು ಗಂಟೆಗೆ ವಿನಯ ಕುಲಕರ್ಣಿ ಮನೆಗೆ ನಟ ದರ್ಶನ…!
1 min read
ಧಾರವಾಡ: ತಮ್ಮ ಆಪ್ತ ಮಾಜಿ ಸಚಿವ ವಿನಯ ಕುಲಕರ್ಣಿ ಅವರ ಮನೆಗೆ ನಟ ದರ್ಶನ ರಾತ್ರಿ ಹನ್ನೆರಡು ಗಂಟೆಗೆ ಆಗಮಿಸಿ, ಕುಟುಂಬದವರಿಗೆ ಧೈರ್ಯ ತುಂಬಿದರು.
ಬೆಳಿಗ್ಗೆಯಿಂದಲೇ ನಟ ದರ್ಶನ ಬರುತ್ತಾರೆಂದು ವದಂತಿ ಹಬ್ಬಿದ ಹಿನ್ನೆಲೆಯಲ್ಲಿ ಮಾಜಿ ಸಚಿವ ವಿನಯ ಕುಲಕರ್ಣಿಯವರ ಮನೆಯ ಸುತ್ತಲೂ ನೂರಾರೂ ಅಭಿಮಾನಿಗಳು ಆಗಮಿಸಿದ್ದರು. ಅಷ್ಟೇ ಅಲ್ಲ, ಮಾಜಿ ಸಚಿವ ವಿನಯ ಕುಲಕರ್ಣಿಯವರ ಬೆಂಬಲಿಗರು ಆಗಮಿಸಿದ್ದರು.
ಆದರೆ, ರಾಬರ್ಟ್ ಸಿನೇಮಾದ ಪ್ರೀ ರಿಲೀಸ್ ಇವೆಂಟ್ ಬಗ್ಗೆ ಹೆಚ್ಚು ಕಾರ್ಯವಿದ್ದ ಕಾರಣ ನಟ ದರ್ಶನ ಬರಲು ಆಗಿರಲಿಲ್ಲ. ಹುಬ್ಬಳ್ಳಿಯ ರೇಲ್ವೆ ಮೈದಾನದಲ್ಲಿ ಕಾರ್ಯಕ್ರಮ ಮುಗಿದ ತಕ್ಷಣವೇ, ಧಾರವಾಡದ ಬಾರಾಕೋಟ್ರಿಯಲ್ಲಿರುವ ಮಾಜಿ ಸಚಿವ ವಿನಯ ಕುಲಕರ್ಣಿ ಅವರ ಮನೆಗೆ ದರ್ಶನ ಆಗಮಿಸಿದ್ದರು.
ಮಾಜಿ ಸಚಿವ ವಿನಯ ಕುಲಕರ್ಣಿ ಅವರ ಪತ್ನಿ ಶಿವಲೀಲಾ ಹಾಗೂ ಕುಟುಂಬದವರು, ನಟ ದರ್ಶನರ ಜೊತೆ ಕೆಲಕಾಲ ಮಾತನಾಡಿದರು.
