ಏ ಕಟಿಗಲೇ.. ಅಲ್ಲೇಪಾ ಅದ್ …. ?- ಬಲೆ ನೋಡಿ ಅಲ್ಲಿದ್ದವರೆಲ್ಲ ಓಡಿದ್ದೇ ಓಡಿದ್ದು..
1 min readಉತ್ತರಕನ್ನಡ: ಮೀನು ಹಿಡಿಯಬೇಕೆಂದು ಸಮುದ್ರಕ್ಕೆ ಇಳಿದ ಮೀನುಗಾರರು ಬಲೆಯಲ್ಲಿ ದೊಡ್ಡದೊಂದು ಮೀನು ಸಿಕ್ಕಿದೆ ಎಂದು ದಂಡೆಗೆ ಬಂದು ನೋಡಿದಾಗ ಅದು ಮೀನಾಗಿರಲಿಲ್ಲ.. ಮೊಸಳೆಯಾಗಿತ್ತು..!
ಉತ್ತರಕನ್ನಡ ಜಿಲ್ಲೆಯ ಭಟ್ಕಳ ತಾಲೂಕಿನ ಅಳ್ಬಕೋಡಿಯಲ್ಲಿ ಮೀನುಗಾರರು ಶಾಕ್ ಆಗಿದ್ದಾರೆ. ಸಮುದ್ರದ ಅಬ್ಬರ ಹೆಚ್ಚಿರುವ ಕಾರಣ ಮೀನುಗಾರರು ಅಳ್ಬೆಕೋಡಿಯ ಸಮುದ್ರದ ಭಾಗದಲ್ಲಿ ಸಾಂಪ್ರದಾಯಿಕ ಮೀನುಗಾರಿಕೆ ನಡೆಸ್ತಾಯಿದ್ದರು. ಇನ್ನೇನು ಬಲೆಗೆ ಭಾರೀ ಮೀನು ಸಿಕ್ಕೇಬಿಡ್ತು ಅಂತಾ ಸಂತೋಷದಲ್ಲಿದ್ದ ಮೀನುಗಾರರು ದಡಕ್ಕೆ ಬಲೆಯನ್ನು ಎಳೆದಾಗ ಅವರಿಗೆ ಅಚ್ಚರಿ ಕಾದಿತ್ತು. ಬಲೆಯಲ್ಲಿ ಮೀನುಗಳ ರಾಶಿಯೊಂದಿಗೆ ಭಾರೀ ಗಾತ್ರದ ಮೊಸಳೆಯೂ ಸಿಕ್ಕಾಕ್ಕೊಂಡಿತ್ತು. ಒಂದೊಮ್ಮೆ ಮೊಸಳೆ ಕಂಡಾಗ ಮೀನುಗಾರರು ಅಚ್ಚರಿ ಪಟ್ಟರು.
ಕೊನೆಗೂ ಮೊಸಳೆಯನ್ನು ಬಲೆಯ ಬಂಧನದಿಂದ ಬಿಡಿಸಿ ಸಂಬಂಧಪಟ್ಟ ಅಧಿಕಾರಿಗಳ ಮೂಲಕ ಸುರಕ್ಷಿತ ಸ್ಥಳಕ್ಕೆ ಬಿಡಲಾಯಿತು.
