ತಾರಿಹಾಳ ಬೈಪಾಸ್: ಕೆಮಿಕಲ್ ತುಂಬಿದ ಟ್ಯಾಂಕರ್ ನಜ್ಜುಗುಜ್ಜು: ತಪ್ಪಿದ ಭಾರೀ ದುರಂತ..!
1 min read
ಹುಬ್ಬಳ್ಳಿ: ಕೆಮಿಕಲ್ ತುಂಬಿದ ಟ್ಯಾಂಕರವೊಂದು ವೇಗವಾಗಿ ಬಂದು ಲಾರಿಗೆ ಡಿಕ್ಕಿ ಹೊಡೆದ ಘಟನೆ ಹುಬ್ಬಳ್ಳಿ-ತಾರಿಹಾಳ ಬೈಪಾಸ್ ನಲ್ಲಿ ನಡೆದಿದ್ದು, ಟ್ಯಾಂಕರ್ ಒಡೆಯದ ಕಾರಣ ದೊಡ್ಡದೊಂದು ದುರಂತ ತಪ್ಪಿದಂತಾಗಿದೆ.
ಧಾರವಾಡ ಕಡೆಯಿಂದ ಹುಬ್ಬಳ್ಳಿಯತ್ತ ಹೊರಟಿದ್ದ ಕೆಮಿಕಲ್ ತುಂಬಿದ್ದ ಟ್ಯಾಂಕರ್ ಚಾಲಕನೇ ವೇಗವಾಗಿ ಬಂದು ಹಿಂಬದಿಯಿಂದ ಲಾರಿಯೊಂದಿಗೆ ಡಿಕ್ಕಿ ಹೊಡೆದು, ಪಕ್ಕದಲ್ಲಿಯೇ ಇದ್ದ ಗುಡ್ಡಕ್ಕೆ ಡಿಕ್ಕಿ ಹೊಡೆದಿದ್ದು, ಲಾರಿಯ ಮುಂಭಾಗ ಸಂಪೂರ್ಣ ನಜ್ಜುಗುಜ್ಜಾಗಿದೆ.
ಅದೃಷ್ಟವಶಾತ್ ಟ್ಯಾಂಕರ್ ಗೆ ಏನೂ ತಾಗದ ಕಾರಣ, ಟ್ಯಾಂಕರಿನಲ್ಲಿದ್ದ ಕೆಮಿಕಲ್ ಲೀಕ್ ಆಗಿಲ್ಲ. ಅದಕ್ಕೇನಾದರೂ ಆಗಿದ್ದರೇ, ಭಾರೀ ಅನಾಹುತವೊಂದು ನಡೆಯುತ್ತಿತ್ತು.
ಉತ್ತರ ಸಂಚಾರಿ ಠಾಣೆಯ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದು, ಹಿಂಬದಿಯಿಂದ ಜಖಂಗೊಂಡಿರುವ ಲಾರಿಯನ್ನ ಬೇರೇಡೆ ಸ್ಥಳಾಂತರ ಮಾಡಿದ್ದು, ಟ್ಯಾಂಕರನ್ನ ಎಚ್ಚರಿಕೆಯಿಂದ ತೆಗೆಯುವ ಪ್ರಯತ್ನವನ್ನ ನಡೆಸುತ್ತಿದ್ದಾರೆ.
