ಮುದ್ದಿನ ನಾಯಿಯಿಂದಲೇ ಪುಸ್ತಕ ಬಿಡುಗಡೆ ಮಾಡಿಸಿದ ಸುಧಾಮೂರ್ತಿ

ಬೆಂಗಳೂರು: ಸುಧಾಮೂರ್ತಿ ಅಂದರೆ ಹೊಸತನ, ಹೊಸತನ ಎಂದರೆ ಸುಧಾಮೂರ್ತಿ. ಅನ್ನುವ ಹಾಗೆ ಕನ್ನಡಿಗರ ಮನದಾಳದಲ್ಲಿ ಮನೆಮಾತಾಗಿರುವ, ಸುಧಾಮೂರ್ತಿ ಇದೀಗ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ.
ಆದರೆ ಈ ಭಾರಿ ಸುಧಾಮೂರ್ತಿಯವರು ಸುದ್ದಿಯಲ್ಲಿರುವುದು ತಮ್ಮ ಮನೆಯ ಸಾಕು ಪ್ರಾಣಿಯ ಕುರಿತು ಬರೆದಿರುವ ಪುಸ್ತಕದಿಂದ.
ಹೌದು ಸುಧಾಮೂರ್ತಿ, ತಮ್ಮ ಮನೆಯ ಮುದ್ದಿನ ಸಾಕು ಪ್ರಾಣಿ ನಾಯಿಯ ಕುರಿತು ಒಂದು ಪುಸ್ತಕವನ್ನು ಬರೆದಿದ್ದಾರೆ. ಇನ್ನೂ ಸ್ವಾರಸ್ಯದ ಸಂಗತಿ ಎಂದರೆ ಆ ಪುಸ್ತಕವನ್ನ ಇಂದು ಸುಧಾಮೂರ್ತಿ ಲೋಕಾರ್ಪಣೆ ಮಾಡಿದರು ಆದರೆ ಆ ಕಾರ್ಯಕ್ರಮದಲ್ಲಿ ಪುಸ್ತಕವನ್ನು ಬಿಡುಗಡೆ ಮಾಡಲು ಬಂದ ಅತಿಥಿ ಮಾತ್ರ ಅದೇ ಮುದ್ದಿನ ನಾಯಿ.
“ದಿ ಗೋಪಿ ಡೈರೀಸ್ – ಕಮಿಂಗ್ ಹೋಮ್” ಹೆಸರಿನ ಈ ಪುಸ್ತಕವನ್ನು ಅದೇ ನಾಯಿಯ ಮೂಲಕ ಲೋಕಾರ್ಪಣೆ ಮಾಡಿಸಿ ಸಂತಸ ಪಟ್ಟರು. ಒಟ್ಟಿನಲ್ಲಿ ಸುಧಾಮೂರ್ತಿ ಯವರ ಸರಳತೆಗೆ ಆದರ್ಶಗಳಿಗೆ ಅವರೆ ಸರಿಸಾಟಿ ಅನ್ನೊದಂತೂ ಸತ್ಯ