ಸರಕಾರಿ ಶಾಲೆ ದತ್ತು ಪಡೆದ ಪೈಲ್ವಾನ್ ಕಿಚ್ಚ: ಹೈಟೆಕ್ ರೂಪು ರೇಷೆ
1 min readಬೆಂಗಳೂರು: ಕೊರೋನಾ ವೈರಸ್ ದಾಂಗುಡಿಯ ನಡುವೆ ಶಾಲೆಗಳ ಆರಂಭ ಇನ್ನೂ ಅನಿಶ್ಚಿತತೆಯಿಂದ ಕೂಡಿರುವಾಗಲೇ ಚಿತ್ರನಟ ಸುದೀಪ ನಾಲ್ಕು ಸರಕಾರಿ ಶಾಲೆಗಳನ್ನ ದತ್ತು ಪಡೆದು ಬಡವರ ಪರವಾಗಿ ನಿಂತಿದ್ದಾರೆ.
ಸರೋವರ ಸಂಜೀವ ಪುತ್ರ ಸುದೀಪ ತಮ್ಮದೇ ಛಾಪನ್ನ ಕನ್ನಡ, ಹಿಂದಿ, ತೆಲುಗು ಚಿತ್ರರಂಗದಲ್ಲಿ ಮೂಡಿಸಿರುವಾಗಲೇ ತಮ್ಮ ಮೂಲ ಜಿಲ್ಲೆಯನ್ನ ಮರೆತಿಲ್ಲ ಎಂಬುದಕ್ಕೆ ಇದು ಸಾಕ್ಷಿಯಾಗಿದೆ.
ಶಿವಮೊಗ್ಗ ಜಿಲ್ಲೆಯ ನಾಲ್ಕು ಸರಕಾರಿ ಶಾಲೆಗಳನ್ನ ದತ್ತು ಪಡೆದಿರುವ ಸುದೀಪ, ಅವುಗಳನ್ನ ಯಾವುದೇ ಖಾಸಗಿ ಶಾಲೆಗಳಿಗೂ ಕಡಿಮೆ ಇಲ್ಲದಂತೆ ಬದಲಾವಣೆ ಮಾಡಲು ನಿರ್ಧರಿಸಲಾಗಿದೆ.
ಈ ಸಂಬಂಧ ಟ್ವೀಟ್ ಮಾಡಿರುವ ಸಚಿವ ಡಾ. ಕೆ. ಸುಧಾಕರ್ ಹೇಳಿದ್ದು ಹೀಗೆ..
“ಕೋವಿಡ್ ಸಂಕಷ್ಟ ಕಾಲದಲ್ಲಿ ನಟ ಸುದೀಪ್ ಅವರು ರಾಜ್ಯದ 4ಸರ್ಕಾರಿ ಶಾಲೆಗಳನ್ನ ದತ್ತು ಪಡೆದು ಅಭಿವೃದ್ಧಿ ಪಡಿಸಲು ಮುಂದಾಗಿರುವ ಸುದ್ದಿ ಅತ್ಯಂತ ಶ್ಲಾಘನೀಯ. ಸರ್ಕಾರದ ಜೊತೆ ಕೈ ಜೋಡಿಸಿ ಶಿವಮೊಗ್ಗದ 4ಸ್ಕೂಲ್ ಗಳನ್ನು ಅಭಿವೃದ್ಧಿ ಪಡಿಸಲು ಮುಂದಾಗಿರುವ ಅವರ ಕಾರ್ಯ ಅತ್ಯಂತ ಸಂತಸದ ವಿಷಯ. ಅವರಿಗೆ ನನ್ನ ಹೃದಯ ಪೂರ್ವಕ ಅಭಿನಂದನೆಗಳು.
