ಸೋಮಾಪುರದ “ಮಟ್ಟಿ ಬಾವಿ” ಬಳಿ ಬಸ್ ಡಿಕ್ಕಿ- ಸವಾರ ಸ್ಪಾಟ್ ಡೆತ್…
1 min read
ಧಾರವಾಡ: ಕವಲಗೇರಿ ರಸ್ತೆಯಿಂದ ಅಮರಗೋಳ ರಸ್ತೆಯತ್ತ ಹೊರಟಿದ್ದ ಬೈಕಿಗೆ ಧಾರವಾಡದಿಂದ ಗಜೇಂದ್ರಗಡಕ್ಕೆ ಹೊರಟಿದ್ದ ಬಸ್ ಡಿಕ್ಕಿ ಹೊಡೆದ ಪರಿಣಾಮ ಸವಾರ ಸ್ಥಳದಲ್ಲಿ ಸಾವಿಗೀಡಾದ ಘಟನೆ ಧಾರವಾಡ ತಾಲೂಕಿನ ಸೋಮಾಪುರದ ಬಳಿಯ ಮಟ್ಟಿಬಾವಿ ಹತ್ತಿರ ಸಂಭವಿಸಿದೆ.
ಮೂಲತಃ ಸವದತ್ತಿ ತಾಲೂಕಿನ ಯಡ್ರಾವಿ ಗ್ರಾಮದ ಸಂಗೂರೇಶ ಎಂಬಾತ ಅಮರಗೋಳದ ಎಪಿಎಂಸಿಗೆ ಹೋಗುತ್ತಿದ್ದಾಗ ದುರ್ಘಟನೆ ನಡೆದಿದೆ.
ಈ ಪ್ರದೇಶದಲ್ಲಿ ನಾಲ್ಕು ರಸ್ತೆಗಳು ಒಂದೇಡೆ ಸೇರುತ್ತವೆ. ಆದರೆ, ಎರಡು ಭಾಗದ ರಸ್ತೆಯ ಅಕ್ಕಪಕ್ಕ ಗಿಡಗಂಟಿಗಳು ಬೆಳೆದಿರುವುದರಿಂದ ವಾಹನಗಳು ಬರುವುದು ಕಾಣುವುದಿಲ್ಲ. ಹಾಗಾಗಿ, ವೇಗವಾಗಿ ಬಂದು ಇಂತಹ ಅವಘಡಗಳಿಗೆ ಕಾರಣವಾಗುತ್ತಿವೆ.
ಸ್ಥಳಕ್ಕೆ ಧಾರವಾಡ ಗ್ರಾಮೀಣ ಠಾಣೆಯ ಪೊಲೀಸರು ಆಗಮಿಸಿ, ಮೃತದೇಹವನ್ನ ಆಸ್ಪತ್ರೆಗೆ ರವಾನಿಸಿ, ಮುಂದಿನ ಕಾನೂನು ಕ್ರಮ ಜರುಗಿಸಿದ್ದಾರೆ.
