ಮಾಜಿ ಮೇಯರ್ ವೀರಣ್ಣ ಸವಡಿ ಮನೆಗಳ್ಳತನ- ಆರೋಪಿ ಬಂಧಿಸಿದ ಪೊಲೀಸರು…!
1 min read
ಹುಬ್ಬಳ್ಳಿ: ಮಹಾನಗರ ಪಾಲಿಕೆಯ ಮಾಜಿ ಮೇಯರ್ ವೀರಣ್ಣ ಸವಡಿಯವರ ವಿಜಯನಗರದ ನಿವಾಸದಲ್ಲಿ ಕಳ್ಳತನ ಮಾಡಿ ಪರಾರಿಯಾಗಿದ್ದ ಕೇರ್ ಟೇಕರ್ ನನ್ನ ಬಂಧನ ಮಾಡುವಲ್ಲಿ ಅಶೋಕನಗರ ಠಾಣೆ ಪೊಲೀಸರು ಯಶಸ್ವಿಯಾಗಿದ್ದಾರೆ.
ವೀರಣ್ಣ ಸವಡಿಯವರ ತಂದೆಯವರನ್ನ ನೋಡಿಕೊಳ್ಳುತ್ತಿದ್ದ ಕೇರ್ ಟೇಕರ್ ಅರುಣ ಆನಂದ ಲಮಾಣಿ ಎಂಬಾತನನ್ನ ಬಂಧನ ಮಾಡಲಾಗಿದ್ದು, ಈತ ಹಾವೇರಿ ಜಿಲ್ಲೆಯ ಸವಣೂರ ತಾಲೂಕಿನ ಬಡ್ನಿ ತಾಂಡಾದ ನಿವಾಸಿಯಾಗಿದ್ದ.
ಬಂಧಿತ ಆರೋಪಿಯಿಂದ 1ಲಕ್ಷ 38 ಸಾವಿರ ರೂಪಾಯಿ ಮೌಲ್ಯದ 40.90 ಗ್ರಾಂ ಬಂಗಾರದ ಆಭರಣ, ಒಂದು ವಾಚ್ ಹಾಗೂ 1500 ರೂಪಾಯಿ ನಗದನ್ನ ಜಪ್ತಿ ಮಾಡಲಾಗಿದೆ.
ಆರೋಪಿ ಅರುಣ ಲಮಾಣಿ, ಬೆಡ್ ರೂಂ ಕಪಾಟಿನ ಬಾಕ್ಸನಲ್ಲಿದ್ದ ಚಿನ್ನವನ್ನ ಕದ್ದು ಪರಾರಿಯಾದ ಬಗ್ಗೆ ದೂರು ದಾಖಲಾದ ಹಿನ್ನೆಲೆಯಲ್ಲಿ ಅಶೋಕನಗರ ಠಾಣೆ ಇನ್ಸಪೆಕ್ಟರ್ ಅರುಣಕುಮಾರ ಸಾಳುಂಕೆ ನೇತೃತ್ವದ ತಂಡ ಆರೋಪಿಯನ್ನ ಬಂಧನ ಮಾಡಿದೆ.
