ಹುಬ್ಬಳ್ಳಿಯಲ್ಲಿ “ರೌಡಿ ಷೀಟರ್”ಗೆ ಚಾಕು ಇರಿತ…!!!

ದಕ್ಷಿಣ ಉಪ ವಿಭಾಗದಲ್ಲಿ ರೌಡಿ ಶೀಟರ್ ಮೇಲೆ ಚಾಕು ಇರಿತ: ಸ್ಥಳಕ್ಕೆ ಪೊಲೀಸರ ದೌಡು

ಹುಬ್ಬಳ್ಳಿ: ಕಳೆದ 20 ದಿನಗಳಿಂದ ಶಾಂತವಾಗಿದ್ದ ಹುಬ್ಬಳ್ಳಿಯ ದಕ್ಷಿಣ ವಿಭಾಗದಲ್ಲಿ ಮತ್ತೆ ಚಾಕು ನೆತ್ತರನ್ನು ಹರಿಸಿದೆ, ಹಳೇ ದ್ವೇಷದ ಹಿನ್ನೆಲೆಯಲ್ಲಿ ರೌಡಿ ಶೀಟರ್ ಮೇಲೆ ಚಾಕು ಇರಿದ ಘಟನೆ ಹುಬ್ಬಳ್ಳಿಯಲ್ಲಿ ಇಂದು ಸಂಜೆ ನಡೆದಿದೆ,ಅಯೋಧ್ಯೆ ನಗರದ ಸುನೀಲ ಕೈರಾಯಿ ಎಂಬ ರೌಡಿ ಶೀಟರ್ ಮೇಲೆಯೇ ಚಾಕು ಇರಿತವಾಗಿದೆ.

ಹುಬ್ಬಳ್ಳಿಯ ಈಶ್ವರ ನಗರದಲ್ಲಿ ಇಂದು ಸಂಜೆ 7-30 ರ ಸುಮಾರಿಗೆ ಕ್ಷುಲ್ಲಕ ವಿಚಾರಕ್ಕೆ ಸುನೀಲ ಜೊತೆ ನಾಲ್ಕೈದು ಜನರ ಯುವಕರ ಗುಂಪೊಂದ ಜಗಳ ತೆಗೆದಿದ್ದು,ಜಗಳ ಅತಿರೇಕಕ್ಕೆ ಹೋಗುತ್ತಿದ್ದ ಹಾಗೆ ಸುನೀಲ ಮೇಲೆ ಯುವಕರು ಗುಂಪು ಚಾಕು ಇರಿದು ಪರಾರಿಯಾಗಿದೆ.

ಚಾಕು ಇರಿತದಿಂದ ರಸ್ತೆಯಲ್ಲಿಯೇ ಕುಸಿದು ಬಿದ್ದಿದ್ದ ಸುನೀಲ ನನ್ನು ಸ್ಥಳೀಯರ ಸಹಾಯದಿಂದ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಘಟನೆಯ ಮಾಹಿತಿ ತಿಳಿಯುತ್ತಿದ್ದ ಹಾಗೆ ಸ್ಥಳಕ್ಕೆ ಹುಬ್ಬಳ್ಳಿಯ ಕಸಬಾಪೇಟ ಠಾಣೆಯ ಪೊಲೀಸರು ಕಿಮ್ಸ್ ಆಸ್ಪತ್ರೆಗೆ ಭೇಟಿಯನ್ನು ನೀಡಿದ್ದಾರೆ.

ಚಾಕು ಇರಿತಕ್ಕೆ ಒಳಗಾಗಿದ್ದ ಸುನೀಲ ನಿಂದ ಘಟನೆಯ ಕುರಿತು ಹೆಚ್ಚಿನ ಮಾಹಿತಿ ಕಲೆಹಾಕುತ್ತಿದ್ದು ಹುಬ್ಬಳ್ಳಿಯ ಕಸಬಾಪೇಟ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.