ಹುಬ್ಬಳ್ಳಿಯಲ್ಲಿ ಮಾಸ್ಕ್ ಹಾಕಿಕೊಂಡ “ಕಾಮ-ರತಿ”…!
1 min read
ಹುಬ್ಬಳ್ಳಿ: ಕೊರೋನಾ ಎರಡನೇಯ ಅಲೆಯ ಆರಂಭದ ಆತಂಕ ಮನೆ ಮಾಡುತ್ತಿದ್ದರೂ, ಜನರು ನಿಯಮಗಳನ್ನ ಪಾಲನೆ ಮಾಡುವಲ್ಲಿ ಹಿಂದೇಟು ಹಾಕುತ್ತಿರುವುದರ ನಡುವೆಯೇ, ಹುಬ್ಬಳ್ಳಿಯ ಮರಾಠಾಗಲ್ಲಿಯಲ್ಲಿ ಪ್ರತಿಷ್ಠಾಪನೆ ಮಾಡಿರುವ ಕಾಮ-ರತಿಯರು ಮಾಸ್ಕ್ ಹಾಕಿಕೊಂಡು ಜನರಿಗೆ ಜಾಗೃತಿ ಮೂಡಿಸುತ್ತಿದ್ದಾರೆ.
ಹೋಳಿಹುಣ್ಣಿಮೆಯ ಕಾಲದಲ್ಲೂ ಕಾಮ-ರತಿಯರ ಮೂಲಕವೂ ಜನರಲ್ಲಿ ಜಾಗೃತಿ ಮೂಡಿಸಲು ಮುಂದಾಗಿರುವ ಪ್ರತಿಷ್ಠಾಪಕರಿಗೆ ಜನರು ಅಭಿನಂದನೆ ತಿಳಿಸುತ್ತಿದ್ದಾರೆ..
ಹೌದು.. ಹುಬ್ಬಳ್ಳಿಯಲ್ಲಿ ಇನ್ನೂ ರಂಗಪಂಚಮಿಯಂದು ಕಾಮ-ರತಿಯರ ದಹನ ನಡೆಯುತ್ತದೆ. ಅದಕ್ಕಿಂತ ಪೂರ್ವದಲ್ಲಿ ಪ್ರಮುಖ ಸ್ಥಳದಲ್ಲಿ ಕೂಡಿಸಿರುವ ಕಾಮ-ರತಿಯರು ಮುಖಕ್ಕೆ ಮಾಸ್ಕ್ ಹಾಕಿಕೊಂಡು ಕುಳಿತಿರುವುದು, ಜನರಲ್ಲಿ ಜಾಗೃತಿ ಮೂಡಿಸಲಾಗುತ್ತಿದೆ.
ಹುಬ್ಬಳ್ಳಿಯ ಈ ವಿಶೇಷ ಕಾಮ-ರತಿಯರನ್ನ ಜನರು ನೋಡುತ್ತಲೇ, ಕಿಸೆಯಲ್ಲಿದ್ದ, ವಾಹನದಲ್ಲಿದ್ದ ಮಾಸ್ಕ್ ನ್ನ ತಾವು ಬಳಕೆ ಮಾಡಲು ಮುಂದಾಗುತ್ತಿರುವುದು ಕಂಡು ಬರುತ್ತಿದೆ. ಹುಬ್ಬಳ್ಳಿಯ ರಂಗಪಂಚಮಿಗೆ ದಹಿಸಲ್ಪಡುವ ಕಾಮ-ರತಿಯರು ಕೆಲವು ಜನರಿಗಾದರೂ, ಬುದ್ಧಿಯನ್ನ ಕಲಿಸಿದರೇ ಸಾಕಲ್ಲವೇ..
