ಹುಬ್ಬಳ್ಳಿಯಲ್ಲಿ “ಯುವರತ್ನ ಪುನೀತ”- ಅಬ್ಬರ ಹೇಗಿತ್ತು ಗೊತ್ತಾ…!

ಹುಬ್ಬಳ್ಳಿ: ಪವರ್ ಸ್ಟಾರ್ ಪುನೀತರಾಜಕುಮಾರ ಅಬ್ಬರ ಹುಬ್ಬಳ್ಳಿಯಲ್ಲಿ ಜೋರಾಗಿಯೇ ಇತ್ತು. ಸಾವಿರಾರೂ ಅಭಿಮಾನಿಗಳು ಸುಮಾರು ಹೊತ್ತು ಕಾದರೂ, ಅವರನ್ನ ನಿರಾಸೆ ಮಾಡಲಿಲ್ಲ, ಪುನೀತ ರಾಜಕುಮಾರ.

ಅಬ್ಬರದ ವೀಡಿಯೋ ಇಲ್ಲಿದೆ ನೋಡಿ..

ಯುವರತ್ನ ಸಿನೇಮಾ ಏಪ್ರೀಲ್ 1ರಂದು ಬಿಡುಗಡೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಕಲ್ಯಾಣ  ಕರ್ನಾಟಕ, ಉತ್ತರ ಕರ್ನಾಟಕದ ಹಲವು ಜಿಲ್ಲೆಗಳಿಗೆ ಆಗಮಿಸಿದ್ದ ಪುನೀತ ರಾಜಕುಮಾರ ಇಂದು ಹುಬ್ಬಳ್ಳಿ ಗೋಕುಲ ರಸ್ತೆಯಲ್ಲಿರುವ ಅರ್ಬನ್ ಓಯಾಸಿಸ್ ಮಾಲ್ ಗೆ ಬರುತ್ತಿದ್ದ ಹಾಗೇ ಅಭಿಮಾನಿಗಳು ಅಪ್ಪು.. ಅಪ್ಪು ಎಂದು ಘೋಷಣೆ ಕೂಗಿ ತಮ್ಮ ಪ್ರೀತಿಯನ್ನ ತೋರಿಸಿದರು.

ಅದಕ್ಕೆ ಪ್ರತಿಯಾಗಿ ಪುನೀತ ರಾಜಕುಮಾರ ಪ್ರೀತಿಯನ್ನೇ ನೀಡಿದರು. ಹೂಮಳೆಯ ನಡುವೆಯೂ ‘ನಂದು ಧಾರವಾಡ.. ಹೆಚ್ಗಿ ಮಾತು ಬೇಡಾ..’ ಹಾಡನ್ನ ಹಾಡಿ ರಂಜಿಸಿದರು. ತಮ್ಮ ಕುಟುಂಬಕ್ಕೆ ಐವತ್ತು ವರ್ಷದಿಂದ ಪ್ರೀತಿಯನ್ನ ಕೊಡುತ್ತಿರುವ ನಿಮಗೆ ಧನ್ಯವಾದ ಎಂದರು.

ಡಾಲಿ ಧನಂಜಯ, ರವಿಶಂಕರ, ನಿರ್ದೇಶಕ ಸಂತೋಷ ಕೂಡಾ ಉಪಸ್ಥಿತರಿದ್ದರು. ಕಾಂಗ್ರೆಸ್ ಮುಖಂಡ ರಜತ ಉಳ್ಳಾಗಡ್ಡಿಮಠ ಆಯೋಜನೆ ಮಾಡಿದ್ದ ಕಾರ್ಯಕ್ರಮದಿಂದ ಉಲ್ಲಶಿತರಾಗಿದ್ದ ಪುನೀತ ರಾಜಕುಮಾರ ವೇದಿಕೆಗೆ ಬಂದ ತಕ್ಷಣವೇ, ರಜತ ಉಳ್ಳಾಗಡ್ಡಿಮಠರಿಗೆ ಕೈಕುಲಕಿ ಧನ್ಯವಾದ ಸಲ್ಲಿಸಿದರು.

ಕೆಲವೇ ನಿಮಿಷಗಳ ಕಾರ್ಯಕ್ರಮವಾದರೂ, ಎಲ್ಲರ ಮನದಲ್ಲಿ ಅಚ್ಚಳಿಯದೇ ಉಳಿಯುವಂತಾಯಿತು.