ನೌಕರಿ ಆಮಿಷವೊಡ್ಡಿ ಲಕ್ಷ ಲಕ್ಷ ಲೂಟಿ ಮಾಡಿದವನಿಂದಲೇ “ಲಕ್ಷ ರೂಪಾಯಿ ಮೊಬೈಲ್” ಗಿಫ್ಟ್ ಪಡೆದ ಧಾರವಾಡದ ಪಿಎಸ್ಐ…
1 min read
ಧಾರವಾಡ: ಯುವಕರ ಬಾಳಿಗೆ ಬೆಳಕಾಗುತ್ತೇನೆ ಎಂದು ಹೇಳಿ ಕೋಟ್ಯಾಂತರ ರೂಪಾಯಿ ಪಂಗನಾಮ ಹಾಕಿದ ‘ಚೀಟರ್”ನಿಂದಲೇ ಮಹಾನುಭಾವ ಪಿಎಸ್ಐವೋರ್ವ ಲಕ್ಷ ರೂಪಾಯಿ ಮೌಲ್ಯದ ಮೊಬೈಲ್ ಗಿಫ್ಟ್ ಪಡೆದು, ಗುರು ಸೇವೆ ಮಾಡಲು ಮುಂದಾಗಿದ್ದಾರೆಂದು ಹೇಳಲಾಗುತ್ತಿದೆ.
ಕೆಲವು ದಿನಗಳ ಹಿಂದಷ್ಟೇ ಸಾಮಾಜಿಕ ಕಾರ್ಯಕರ್ತ ಬಸವರಾಜ ಕೊರವರ ಅವರು, ನೌಕರಿ ಕನಸು ಕಂಡ ನೂರಾರು ಜನರಿಗೆ ಅನ್ಯಾಯವಾಗಿದೆ ಎಂದು ಕೆಲವೇ ದಿನಗಳ ಹಿಂದೆ ಪತ್ರಿಕಾಗೋಷ್ಠಿ ಮಾಡಿ, ಅನ್ಯಾಯವನ್ನ ಸರಿಪಡಿಸಿ ಎಂದು ಆಗ್ರಹಿಸಿದ್ದರು.
ಇದಾಗಿದ್ದೆ ತಡ, ಚಾಲಾಕಿ ಪಿಎಸ್ಐ, ನೌಕರಿ ಕೊಡಿಸುವುದಾಗಿ ಹೇಳಿದವರಿಂದಲೇ ‘ಬ್ಲ್ಯಾಕಮೇಲ್’ ಮಾಡುತ್ತಿದ್ದಾರೆಂದು ಕಂಪ್ಲೇಟ್ ಕೊಡಿಸಿದ್ದಾನೆಂದು ಗೊತ್ತಾಗಿದೆ. ಅದೇ ಕಾರಣಕ್ಕೆ ಲಕ್ಷ ರೂಪಾಯಿ ಮೌಲ್ಯದ ಮೊಬೈಲ್ ಗಿಫ್ಟ್ ಪಡೆದಿದ್ದಾನೆ.
ಇನ್ನೂ ಪ್ರೋಬೇಷನರಿ ಮುಗಿಸಿ ಅಂಬೇಗಾಲಿಡುತ್ತಿರುವ ಪಿಎಸ್ಐ, ಈಗಲೇ ಇಷ್ಟೊಂದು “ಬಾಯಿ’ತೆಗೆದು ಕೂತು ಬಿಟ್ಟರೇ ಮುಂದಿನ ದಿನಗಳಲ್ಲಿ ಈತ ಎಷ್ಟೊಂದು ಭ್ರಷ್ಟ ಆಗಬಹುದೆಂಬುದನ್ನ ನೀವೇ ಊಹಿಸಿ.
ಸಾಮಾಜಿಕ ಕಾರ್ಯಕರ್ತ ಬಸವರಾಜ ಕೊರವರ ಅವರು ಕೂಡಾ, ಈ ಬಗ್ಗೆ ಯೋಚಿಸಬೇಕಿದೆ. ನೌಕರಿಯ ಕನಸು ಕಂಡವರ ಪರ ಹೋರಾಟ ಮಾಡುತ್ತಿರುವ ತಾವು, ಇಂತಹ ನೀಚ್ ಪಿಎಸ್ಐ ಬಗ್ಗೆಯೂ ಹೋರಾಟ ಮಾಡುವ ಸ್ಥಿತಿ ಬರಬಹುದೆಂಬುದನ್ನ ತಿಳಿಯಬೇಕಿದೆ.
