24ಲಕ್ಷಕ್ಕೆ 2.25ಲಕ್ಷ ಲಂಚ ಬೇಡಿಕೆ: 1ಲಕ್ಷ ಪಡೆಯುವಾಗ “ಕೈಕೊಳ” ಹಾಕಿಸಿಕೊಂಡ ಪಿಡಿಓ, ಜೆಇ…
ಒಂದು ಲಕ್ಷ ರೂಪಾಯಿ ಲಂಚ ಪಡೆಯುವಾಗ ರೇಡ್
ಲೋಕಾಯುಕ್ತರ ಸಮ್ಮುಖದಲ್ಲಿ ರೇಡ್
ಬೀದರ: ಲಂಚ ಸ್ವೀಕರಿಸೋವಾಗ ರೆಡ್ ಹ್ಯಾಂಡ್ ಆಗಿ ಬೀದರ್ ಜಿಲ್ಲೆಯ ಭಾಲ್ಕಿ ತಾಲೂಕಿನ ಕೋಸಮ್ ಗ್ರಾಮ ಪಂಚಾಯತಿಯ ಪಿಡಿಓ ಹಾಗೂ ಜೆಇ ಲೋಕಾಯುಕ್ತರ ಬಲೆಗೆ ಸಿಕ್ಕಿದ್ದಾರೆ.
ಲೋಕಾ ಬಲೆಗೆ ಬಿದ್ದ ಪಿಡಿಓ ರಾಹುಲ್, ಜೆಇ ಸಿದ್ರಾಮೇಶ್ವರ್ ಬಿದ್ದಿದ್ದು, 24 ಲಕ್ಷ ರೂ. ಬಿಲ್‌ ಪಾವತಿ ಬಳಿಕ ಕಮೀಷನ್ ಪಡೆಯುವಾಗ ದಾಳಿ ನಡೆದಿದೆ.
24 ಲಕ್ಷ ರೂಪಾಯಿ ಬಿಲ್‌ಗೆ 2.55 ಲಕ್ಷ ಬೇಡಿಕೆಯಿಟ್ಟಿದ್ದ ಪಿಡಿಓ ಮತ್ತು ಜೆಇ, ಈ ಪೈಕಿ ಒಂದು ಲಕ್ಷ ರೂ. ಪಡೆಯುತ್ತಿದ್ದ ವೇಳೆ ಲೋಕಾ ಬಲೆಗೆ ಸಿಲುಕಿದ್ದಾರೆ.
ಗುತ್ತಿಗೆದಾರ ಅರವಿಂದ ಭಾಲ್ಕೆ ನೀಡಿದ ದೂರಿನ ಹಿನ್ನೆಲೆಯಲ್ಲಿ ನೌಬಾದ್‌ನ ಆಟೋ ನಗರ, ಹಲ್ಬರ್ಗಾ ಬಸ್ ಸ್ಟ್ಯಾಂಡ್ ಬಳಿ ಲಂಚ ಪಡೆಯುತ್ತಿದ್ದ ವೇಳೆ ಲೋಕಾ ದಾಳಿ ನಡೆದಿದೆ.
ಎಸ್ಪಿ ಹನುಮಂತರಾಯ್ ಹಾಗೂ ಇನ್ಸ್‌ಪೆಕ್ಟರ್ ಬಾಬಾಸಾಹೇಬ್ ಪಾಟೀಲ್‌ ನೇತೃತ್ವದಲ್ಲಿ ಎರಡು ತಂಡಗಳಾಗಿ ಪ್ರತ್ಯೇಕ ದಾಳಿ ನಡೆದಿದ್ದು, ದಾಳಿ ವೇಳೆ ಇಬ್ಬರಿಂದ ಒಂದು ಲಕ್ಷ ವಶಪಡಿಸಿಕೊಂಡಿದ್ದಾರೆ.
ಕೋಸಮ್ ಪಂಚಾಯತಿ ವ್ಯಾಪ್ತಿಯಲ್ಲಿ ನರೇಗಾ ಕೆಲಸ ಮಾಡಿದ್ದ ಗುತ್ತಿಗೆದಾರನಿಗೆ ಲಂಚದ ಬೇಡಿಕೆಯಿಟ್ಟು ಕೈಕೊಳ ಹಾಕಿಸಿಕೊಂಡಿದ್ದಾರೆ.
