ಕಾಂಗ್ರೆಸ್ ಸೇರಿದ ಎನ್.ಎಚ್.ಕೋನರೆಡ್ಡಿ ಮುಂದಿನ ಎಂಪಿ…!!??

ನವಲಗುಂದ: ಜಾತ್ಯಾತೀತ ಜನತಾದಳದಿಂದ ಶಾಸಕರಾಗಿ ನಂತರ ಮಾಜಿಯಾಗಿದ್ದ ಎನ್.ಎಚ್.ಕೋನರೆಡ್ಡಿಯವರು ಕಾಂಗ್ರೆಸ್ ಪಕ್ಷ ಸೇರಿದ್ದು, ಇದೀಗ ಅವರು ಮುಂದಿನ ಲೋಕಸಭೆ ಸದಸ್ಯರು ಎನ್ನುವ ಪೇಜ್ ನ್ನ ತೆಗೆಯಲಾಗಿದೆ.

ಹೌದು.. ಫೇಸ್ ಬುಕ್ ನಲ್ಲಿ ರಾಕೇಶ ರೆಡ್ಡಿ ಕುರಡಗಿ ಮತ್ತು ಮುನ್ಸುಬಾಯಿ ಖಾದರಸಾಬ ಎನ್ನುವವರು ನೆಕ್ಸ್ಟ್ ಎಂಪಿ ಎನ್.ಎಚ್.ಕೋನರೆಡ್ಡಿ ಎಂಬ ಪೇಜ್ ನ್ನ ತೆಗೆದಿದ್ದು, ಅದಾಗಲೇ 27 ಜನರು ಈ ಗುಂಪಿನಲ್ಲಿ ಸೇರ್ಪಡೆಗೊಂಡಿದ್ದಾರೆ.

ನವಲಗುಂದ ಕಾಂಗ್ರೆಸ್ ನಲ್ಲಿ ಈಗಾಗಲೇ ಹಲವು ಊಹಾಪೋಹಗಳಿದ್ದು, ಇದೀಗ ಇದೊಂದು ಹೊಸ ಸೇರ್ಪಡೆಯಾಗಿದೆ. ಧಾರವಾಡ ಜಿಲ್ಲಾ ಯುವ ಕಾಂಗ್ರೆಸ್ ಅಧ್ಯಕ್ಷ ಹಾಗೂ ಮುಂದಿನ ವಿಧಾನಸಭಾ ಚುನಾವಣೆಯ ನವಲಗುಂದ ಕ್ಷೇತ್ರದ ಅಭ್ಯರ್ಥಿ ವಿನೋದ ಅಸೂಟಿಯವರಿಗೆ, ಯಾವುದೇ ಕಿರಿಕಿರಿಯಾಗದಂತ ತೀರ್ಮಾನವನ್ನ ಕಾಂಗ್ರೆಸ್ ತೆಗೆದುಕೊಂಡಿತೇ ಎಂಬ ಕುತೂಹಲ ಮೂಲಕ ಬರಲಾರಂಭಿಸಿದೆ.

ನವಲಗುಂದ ಕ್ಷೇತ್ರದಲ್ಲಿ ವಿನೋದ ಅಸೂಟಿಯವರು, ಕೋನರೆಡ್ಡಿಯವರ ಬಗ್ಗೆ ಯಾವುದೇ ಚಿಂತನೆ ಮಾಡಬಾರದೆಂಬ ಉದ್ದೇಶದಿಂದ ಈ ಪೇಜ್ ನ್ನ ಕ್ರಿಯೇಟ್ ಮಾಡಲಾಗಿದೇಯಾ ಎಂಬ ಸಂಶಯ ಕೂಡಾ ಮೂಡುತ್ತಿದೆ.

ಅದೇನೆ ಇರಲಿ, ಈ ಹೊಸ ಪೇಜ್ ಹಲವು ಊಹಾಪೋಹಗಳಿಗೆ ರೆಕ್ಕೆ-ಪುಕ್ಕವನ್ನ ಕಟ್ಟಿದಂತೂ ಸತ್ಯ..