“ಕೂಸು ಹುಟ್ಟುವ ಮುನ್ನ ಕುಲಾವಿ” ಹೊಲೆಸಿಕೊಳ್ತಿದ್ದಾರಾ “Ex Mla NH ಕೋನರೆಡ್ಡಿ”…?

ನವಲಗುಂದ: ಕಳೆದ ವರ್ಷ ಕಾಂಗ್ರೆಸ್ ಪಕ್ಷಕ್ಕೆ ಎಂಟ್ರಿ ಕೊಟ್ಟಿರುವ ಜೆಡುಎಸ್‌ನ ಮಾಜಿ ಶಾಸಕ ಎನ್.ಎಚ್.ಕೋನರೆಡ್ಡಿಯವರು ಕೂಸು ಹುಟ್ಟುವ ಮುನ್ನವೇ ಕುಲಾವಿ ಹೊಲೆಸಿಕೊಳ್ಳುತ್ತಿದ್ದಾರಾ ಎಂಬ ಪ್ರಶ್ನೆಯನ್ನ ಸ್ವತಃ ಕಾರ್ಯಕರ್ತರು ಕೇಳುವ ಸ್ಥಿತಿ ನಿರ್ಮಾಣವಾಗಿದೆ.

ಹೌದು… ಕಳೆದ ಹಲವು ವರ್ಷಗಳಿಂದ ಕಾಂಗ್ರೆಸ್ ಪಕ್ಷವನ್ನ ಜೀವಂತವಾಗಿಟ್ಟ ಯುವ ಕಾಂಗ್ರೆಸ್ ಅಧ್ಯಕ್ಷ ವಿನೋದ ಅಸೂಟಿ, ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಆಗಬೇಕೆಂದು ನೂರಾರು ಕಾರ್ಯಕರ್ತರು ಹೇಳುತ್ತಿರುವ ಸಮಯದಲ್ಲಿ ಕೋನರೆಡ್ಡಿಯವರ ಕರಪತ್ರವನ್ನ ಕ್ಷೇತ್ರದಲ್ಲಿ ಹಂಚಲು ಮುಂದಾಗಿದ್ದಾರೆ.

ಕರಪತ್ರ ಇಲ್ಲಿದೆ ನೋಡಿ…

ಕಾಂಗ್ರೆಸ್ ಪಕ್ಷ ಹಗಲಿರುಳು ಪಕ್ಷಕ್ಕಾಗಿ ದುಡಿದವರನ್ನ ಬಿಟ್ಟು ತಮಗೆ ಟಿಕೆಟ್ ಕೊಡತ್ತೆ ಎಂಬ ಭರವಸೆಯನ್ನ ಒಂದು ವರ್ಷದ ಹಿಂದೆ ಪಕ್ಷಕ್ಕೆ ಸೇರ್ಪಡೆಗೊಂಡಿರುವ ಕೋನರೆಡ್ಡಿಯವರು ಹೊಂದಿರುವುದನ್ನ ಬಹಿರಂಗಗೊಳಿಸಿದ್ದಾರೆ.

ಮಾಜಿ ಶಾಸಕ ಎನ್.ಎಚ್.ಕೋನರೆಡ್ಡಿಯವರು ಜೆಡಿಎಸ್ ಬಿಟ್ಟು ಬಂದು ಕುರುಬ ಸಮಾಜದ ಯುವ ನಾಯಕನಿಗೆ ಅನ್ಯಾಯ ಮಾಡಲು ಹೊರಟರಾ ಎಂಬ ಜಿಜ್ಞಾಸೆ ನವಲಗುಂದ ಕ್ಷೇತ್ರದಲ್ಲಿ ಆರಂಭಗೊಂಡಿದೆ.