“ಜೈನ್ ಹತ್ಯೆಯ ಸುಫಾರಿ” ಕೊಲೆಗೆಡುಕರಿಗೆ ಪರಿಚಯಿಸಿದ್ದು ಹಾಲಿ ಶಾಸಕನ ಆಪ್ತ…!?

ಹುಬ್ಬಳ್ಳಿ: ಅವಳಿನಗರದಲ್ಲಿ ತೀವ್ರ ಚರ್ಚೆಗೆ ಕಾರಣವಾಗಿದ್ದ ಅಖಿಲ ಜೈನ್ ಹತ್ಯೆ ಪ್ರಕರಣದಲ್ಲಿ ಮಹತ್ವವಾದ ಮಾಹಿತಿಯೊಂದು ಲಭಿಸಿದ್ದು, ಕೊಲೆಗೆಡುಕ ತಂದೆಗೆ ಸುಫಾರಿ ಹಂತಕರನ್ನ ಪರಿಚಯಿಸಿದ್ದು ಹಾಲಿ ಶಾಸಕರ ಆಪ್ತ ಎಂದು ಬಲವಾಗಿ ಹೇಳಲಾಗುತ್ತಿದೆ.

ಹೌದು… ಗ್ಲೋಬಲ್ ಬ್ಯುಸಿನೆಸ್ ಶಾಲೆಯ ಸೆಕ್ರೆಟರಿ ಭರತ ಜೈನ್ ತನ್ನ ಮಗನ ಹತ್ಯೆ ಮಾಡಿಸಬೇಕೆಂದುಕೊಂಡು ಕೇಳಿಕೊಂಡಾಗ “ಮಾಂಡ್‌ವಾಲಿ” ಮಾಡಿದ್ದೆ ಶಾಸಕರ ಜೊತೆ ಉತ್ತಮ ಒಡನಾಟ ಹೊಂದಿದ ವ್ಯಕ್ತಿ ಎಂದು ಹೇಳಲಾಗುತ್ತಿದೆ.

ಕಾಣೆಯಾದ ಪ್ರಕರಣವನ್ನ ಚಾಣಾಕ್ಷತನದಿಂದ ಹೊರತೆಗೆಯುವುದರಲ್ಲಿ ಪೊಲೀಸರು ಯಶಸ್ವಿಯಾಗಿದ್ದು, ಇದೀಗ ಈ ಬಗ್ಗೆಯೂ ತನಿಖೆಯನ್ನ ಮುಂದುವರೆಸಿದ್ದಾರೆ. ಅಷ್ಟೇ ಅಲ್ಲ, ಕೇವಲ ಮಗನ ದುಶ್ವಟಗಳಿಂದ ಬೇಸತ್ತು ಹೀಗೆ ಮಾಡಲು ಸಾಧ್ಯವೇ ಎಂಬ ಬಗ್ಗೆಯೂ ವಿಚಾರಣೆ ನಡೆಯುತ್ತಿದೆ.

ಬಂಧಿತ ಏಳು ಆರೋಪಿಗಳ ಒಂದೊಂದು ಪಾತ್ರವೂ ಬೇರೆ ಬೇರೆ ಸ್ತರದಲ್ಲಿ ಈ ಪ್ರಕರಣದಲ್ಲಿ ಭಾಗಿಯಾಗಿದ್ದಾರೆ. ಎಲ್ಲರ ಪಾತ್ರದ ಬಣ್ಣವನ್ನ ಕಳಚಲು ಪೊಲೀಸರು ಮುಂದಾಗಿದ್ದಾರೆ.