ಹುಬ್ಬಳ್ಳಿ ಇನ್ಸಪೆಕ್ಟರ್ ನೌಕರಿಗೆ “ಕುತ್ತು ತಂದ-ಕತ್ತು ಕೊಯ್ದವ” ಅರೆಸ್ಟ್…!!!

ತಾಯಿಯನ್ನೇ ಕೊಲೆ ಮಾಡಿ ಇನ್ಸ್‌ಪೆಕ್ಟರ್ ನೌಕರಿ ಕಳೆದಿದ್ದ ಕೊಲೆಗರನನ್ನು; ಪತ್ತೆ ಹಚ್ಚಿದ ಬೆಳಗಾವಿಯ ಪೊಲೀಸರು

ಹುಬ್ಬಳ್ಳಿ: ಕಳೆದ ಎರಡು ತಿಂಗಳ ಹಿಂದೆ ದುಡ್ಡಿನ ಆಸೆಗಾಗಿ ದೊಡ್ಡಮ್ಮಳನ್ನೇ ಕೊಲೆ ಮಾಡಿ ತಲೆ ಕರೆಸಿಕೊಂಡಿದ್ದ ಮಹಾಂತೇಶ ಚಿಕ್ಕಮಠ ಎಂಬಾತನನ್ನು ಬಂಧನ ಮಾಡುವಲ್ಲಿ ಬೆಳಗಾವಿಯ ಖಡೆಬಜಾರ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಹುಬ್ಬಳ್ಳಿಯ ರಣದಮ್ಮ ಕಾಲೋನಿಯಲ್ಲಿ ಒಂಟಿಯಾಗಿ ಜೀವನ ಸಾಗಿಸುತ್ತಿದ್ದ 72 ವರ್ಷದ ಕಮಲಮ್ಮನನ್ನು ಆಕೆಯ ತಂಗಿಯ ಮಗ ಮಹಾಂತೇಶ ಚಿಕ್ಕಮಠ ಹಣದ ಆಸೆಗಾಗಿ ಮಲಗಿದ್ದ ಕಮಲಮ್ಮನನ್ನು ಕೊಲೆ ಮಾಡಿ ಕಿವಿಯಲ್ಲಿದ್ದ ಒಲೆ,ಕೊರಳಲ್ಲಿನ ಬೋರಮಾಳ ಕಳ್ಳತನ ಮಾಡಿ ಪರಾರಿಯಾಗಿದ್ದ.

ಈ ಹಿನ್ನೆಲೆಯಲ್ಲಿ ಕಸಬಾಪೇಟ ಪೊಲೀಸರು ಆರೋಪಿಯನ್ನು ಪತ್ತೆ ಹಚ್ಚಲು ಹರಸಾಹಸ ಪಟ್ಟಿದ್ದರು,ಅಷ್ಟೇ ಅಲ್ಲದೆ ಇದೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿಯನ್ನು ಪತ್ತೆ ಹಚ್ಚಲು ವಿಫಲವಾದ ಕಸಬಾಪೇಟ ಠಾಣೆಯ ಇನ್ಸ್ಪೆಕ್ಟರ್ ಅಡಿವೆಪ್ಪ ಬನ್ನಿ ಅವರನ್ನು ಕಮೀಷನರ್ ಲಾಬುರಾಮ್ ಅಮಾನತ್ತು ಮಾಡಿದ್ದರು.

ಆದ್ರೆ ಕೊಲೆ ಮಾಡಿ ಪರಾರಿಯಾಗಿದ್ದ ಆರೋಪಿ ಮಹಾಂತೇಶ ಬಂಗಾರವನ್ನು ಮಾರಿ ಅದೇ ದುಡ್ಡಿನಲ್ಲಿ ಕೆಲವು ದಿನಗಳ ಕಾಲ ಬೆಂಗಳೂರಿನಲ್ಲಿ ತಲೆ ಮರೆಸಿಕೊಂಡಿದ್ದ, ಕೈಯಲ್ಲಿನ ದುಡ್ಡು ಖಾಲಿಯಾದ ನಂತರ ಬೆಳಗಾವಿಗೆ ಬಂದು ಅಲ್ಲಿ ಕೆಲಸಕ್ಕಾಗಿ ಅಲೆಯುತ್ತಿದ್ದಾಗ,ತನ್ನ ಸಂಬಂಧಿಗಳ ಬಳಿ ದುಡ್ಡು ಕೇಳಲು ಫೋನ್ ಮಾಡಿದಾಗ ಆತನ ಸಂಬಂಧಿಕರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಕೂಡಲೇ ಅಲರ್ಟ್ ಆದ ಬೆಳಗಾವಿಯ ಖಡೆಬಜಾರ ಠಾಣೆಯ ಪೊಲೀಸರು ಆರೋಪಿ ಮಹಾಂತೇಶ ಚಿಕ್ಕಮಠ ನನ್ನು ಬಂಧನ ಮಾಡಿ ಹುಬ್ಬಳ್ಳಿಯ ಕಸಬಾಪೇಟ ಪೊಲೀಸರಿಗೆ ಒಪ್ಪಿಸಿದ್ದಾರೆ.