Ex ಮಿನಿಸ್ಟರ್ ಶಂಕರ ಪಾಟೀಲಮುನೇನಕೊಪ್ಪ-ಯಡಿಯೂರಪ್ಪ ಭೇಟಿ: ಕೌತುಕ…
1 min read
ಬೆಂಗಳೂರು: ಮಾಜಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರನ್ನ ಮಾಜಿ ಸಚಿವ ಶಂಕರ ಪಾಟೀಲ ಮುನೇನಕೊಪ್ಪ ಅವರು ತಮ್ಮ ಆತ್ಮೀಯರೊಂದಿಗೆ ಭೇಟಿ ಮಾಡಿದ್ದು, ಹಲವು ಕೌತುಕಗಳು ಮೂಡಿವೆ.
ಸಚಿವ ಶಂಕರ ಪಾಟೀಲಮುನೇನಕೊಪ್ಪ ಅವರ ಬಗ್ಗೆ ಹಲವು ವದಂತಿಗಳು ಹಬ್ಬುತ್ತಿರುವ ಸಮಯದಲ್ಲಿ ಯಡಿಯೂರಪ್ಪನವರನ್ನ ಭೇಟಿ ಮಾಡಿರುವುದು ರಾಜಕೀಯ ಪಂಡಿತರಲ್ಲಿ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ.
ಕಳೆದ ಹಲವು ದಿನಗಳಿಂದ ಮಾಜಿ ಸಚಿವ ಶಂಕರ ಪಾಟೀಲಮುನೇನಕೊಪ್ಪ ಅವರ ರಾಜಕೀಯ ನಡೆಯ ಬಗ್ಗೆ ಕೆಲವರು ಊಹಾಪೋಹಗಳನ್ನ ಹರಡುತ್ತಿದ್ದಾರೆ. ಇಲ್ಲಿಯವರೆಗೆ ಮುನೇನಕೊಪ್ಪ ಅವರು ಯಾವುದೇ ರೀತಿಯ ಹೇಳಿಕೆಯನ್ನೂ ನೀಡಿಲ್ಲ. ಆದರೆ, ಇದೇ ಸಮಯದಲ್ಲಿ ಯಡಿಯೂರಪ್ಪನವರ ಜೊತೆಗೆ ಅದೇನು ಮಾತುಕತೆ ನಡೆಯಿತೋ ಎಂಬ ಪ್ರಶ್ನೆ ಎದುರಾಗಿದೆ.
ಧಾರವಾಡ ಜಿಲ್ಲೆಯಲ್ಲಿಂದು ರಾಜಕೀಯ ಸಂಚಲನ ಮೂಡಿಸಿದ್ದು, ಈ ಬಗ್ಗೆ ನಿಖರವಾಗಿ ಸಂಬಂಧಿಸಿದವರೇ ತಿಳಿಸಬೇಕಿದೆ. ಮುನೇನಕೊಪ್ಪ ಅವರು ಯಡಿಯೂರಪ್ಪನವರ ಭೇಟಿಯ ಸಮಯದಲ್ಲಿ ರೇಣುಕಾಚಾರ್ಯರು ಉಪಸ್ಥಿತರಿದ್ದರು.
