ಕಾಂಗ್ರೆಸ್ ಗುಂಪಲ್ಲಿ “ಜೆಡಿಎಸ್ ಕೋನರೆಡ್ಡಿ ಚೆಂದ” ಕಾಣಿಸ್ತಿದ್ದಾರಲ್ವಾ…!
1 min read
ನವಲಗುಂದ: ರಾಜ್ಯದ ಹಲವು ಭಾಗಗಳಲ್ಲಿ ವಿಧಾನಪರಿಷತ್ ಚುನಾವಣೆಗಳು ನಡೆದಿದ್ದು, ಹಳೇ ಧಾರವಾಡ ಜಿಲ್ಲೆಯಲ್ಲಿ ಮಾತ್ರ ಚುನಾವಣೆ ಪ್ರಚಾರ ರಂಗು ರಂಗಾಗಿ ಕಾಣತೊಡಗಿದೆ.
ಧಾರವಾಡ, ಹಾವೇರಿ, ಗದಗ ಜಿಲ್ಲೆಯ ಸ್ಥಳೀಯ ಸಂಸ್ಥೆಗಳ ವಿಧಾನಪರಿಷತ್ ಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಸಲೀಂ ಅಹ್ಮದರ ಪ್ರಚಾರ ಭರದಿಂದ ಸಾಗಿದೆ. ಬಹುತೇಕ ಕಡೆಗಳಲ್ಲಿ ಮೊದಲ ಪ್ರಾಸಸ್ತ್ಯದ ಭರವಸೆಯನ್ನ ಸದಸ್ಯರು ನೀಡುತ್ತಿದ್ದಾರೆ.
ಇಂತಹ ಸಮಯದಲ್ಲಿ ನವಲಗುಂದ ಕ್ಷೇತ್ರದ ಮುಂದಿನ ವಿಧಾನಸಭಾ ಅಭ್ಯರ್ಥಿ ವಿನೋದ ಅಸೂಟಿ ನೇತೃತ್ವದಲ್ಲಿ ನವಲಗುಂದ ಪಟ್ಟಣದಲ್ಲಿ ನಡೆದ ಪ್ರಚಾರ ಕಾರ್ಯಕ್ರಮದಲ್ಲಿ ಜೆಡಿಎಸ್ ನ ಮಾಜಿ ಶಾಸಕ ಎನ್.ಎಚ್.ಕೋನರೆಡ್ಡಿ ಭಾಗವಹಿಸಿದ್ದು, ಎಲ್ಲರ ಗಮನ ಸೆಳೆಯಿತು.
ಸದಾಕಾಲ ಕಾಂಗ್ರೆಸ್ ಹಾಗೂ ಬಿಜೆಪಿಯ ವಿರುದ್ಧ ಮಾತನಾಡುತ್ತಲೇ, ಟೀಕೆ ಮಾಡುತ್ತಲೇ ಸಮಯ ಕಳೆದಿದ್ದ ಕೋನರೆಡ್ಡಿಯವರ ಕಾಂಗ್ರೆಸ್ ಬೆಂಬಲ, ಬಹುತೇಕರಲ್ಲಿ “ಹಾಗೀಗೆ” ಅನಿಸುವಂತೆ ಮಾಡಿತು.
ಇದೇಲ್ಲದರ ನಡುವೆ ಕಾಂಗ್ರೆಸ್ ನವರು ಹಾಕಿದ ಟಾವಲ್ ನ್ನೂ ಹಾಕಿಕೊಂಡು, ತಮ್ಮ ಹಸಿರು ಟವೆಲ್ ನ್ನ ಕೆಲಕಾಲ ದೂರಿಟ್ಟಿದ್ದು, ಮಾತ್ರ ಬಹುತೇಕರಿಗೆ “ಹೀಗಿಂಗೆ” ಎಂದು ಮಾತನಾಡಿಕೊಳ್ಳುವಂತೆ ಮಾಡಿದ್ದು ಮಾತ್ರ ಸತ್ಯ.
