ಹುಬ್ಬಳ್ಳಿ ಉದಯನಗರದಲ್ಲಿ ಮಟಕಾ ಕುಳ ರಾಘವೇಂದ್ರ, ರಾಜೇಶ ಬಂಧಿಸಿದ ಕೇಶ್ವಾಪುರ ಠಾಣೆ ಪೊಲೀಸರು…!

ಹುಬ್ಬಳ್ಳಿ: ನಗರದ ಕೇಶ್ವಾಪುರ ಪೊಲೀಸ್ ಠಾಣೆ ವ್ಯಾಪ್ತಿಯ ಉದಯನಗರದಲ್ಲಿ ಇಬ್ಬರು ಮಟಕಾ ಕುಳಗಳನ್ನ ಬಂಧನ ಮಾಡುವಲ್ಲಿ ಕೇಶ್ವಾಪುರ ಠಾಣೆ ಇನ್ಸಪೆಕ್ಟರ್ ಜಗದೀಶ ಹಂಚಿನಾಳ ನೇತೃತ್ವದ ತಂಡ ಯಶಸ್ವಿಯಾಗಿದೆ.

ಬಂಧಿತರನ್ನ ದಯಾನಂದ ಕಾಲನಿಯ ರಾಘವೇಂದ್ರ ದೊಡ್ಡಪ್ಪ ಖಾನಾಪುರ ಹಾಗೂ ಹಳೇಹುಬ್ಬಳ್ಳಿ ಟಿಪ್ಪುನಗರದ ರಾಜೇಶ ಪಾಂಡುರಂಗ ಮಹೇಂದ್ರಕರ ಎಂದು ಗುರುತಿಸಲಾಗಿದ್ದು, ಬಂಧಿತರಿಂದ 11300 ರೂಪಾಯಿ ನಗದು, 16 ಮಟಕಾ ಚೀಟಿಗಳು ಹಾಗೂ ಎರಡು ಮೊಬೈಲಗಳನ್ನ ವಶಕ್ಕೆ ಪಡೆಯಲಾಗಿದೆ.

ಸಾರ್ವಜನಿಕರಿಗೆ ಒಂದು ರೂಪಾಯಿಗೆ ತೊಂಬತ್ತು ರೂಪಾಯಿ ಕೊಡುವುದಾಗಿ ಹೇಳಿ ಕಲ್ಯಾಣಿ ಮಟಕಾವಾಡುತ್ತಿದ್ದ ಸಮಯದಲ್ಲಿ ದಾಳಿ ಮಾಡಿ, ಆರೋಪಿಗಳನ್ನ ಬಂಧನ ಮಾಡಲಾಗಿದೆ.

ಕೇಶ್ವಾಪುರ ಠಾಣೆ ಪೊಲೀಸರ ಕಾರ್ಯವನ್ನ ಹುಬ್ಬಳ್ಳಿ-ಧಾರವಾಡ ಪೊಲೀಸ್ ಕಮೀಷನರ್ ಲಾಬುರಾಮ್ ಅವರು ಶ್ಲಾಘಿಸಿದ್ದಾರೆ.